კოპეპტინი – CT-proAVP (უშაქრო დიაბეტი)

ზოგადი ინფორმაცია

არგინინ-ვაზოპრესინი (AVP) და კოპეპტინი ერთი და იგივე წინამორბედი პეპტიდისგან – პრეპროვაზოპრესინისგან წარმოიქმნება,  ნეიროფიზინ II-თან და ვაზოპრესინთან ერთად.  წინამორბედი ცილის გარდაქმნისას კოპეპტინი ვაზოპრესინთან ერთად გამოიყოფა ჰიპოთალამუსის მაგნო და პარვოცელულური ნეირონებიდან.

კოპეპტინი ბევრად სტაბილურია პლაზმაში არგინინ-ვაზოპრესინტან შედარებით, ამიტომ ის გამოიყენება წყალ-ელექტროლიტური დისბალანსის გამოსავლენად.  კოპეპტინიც და არგინინ-ვაზოპრესინიც მგრძნობიარეა ოსმოტური სტიმულების მიართ და ორგანიზმში წყლის დეფიციტის საპასუხოდ იმატებს მათი კონცენტრაცია.

უშაქრო დიაბეტის დროს  დარღვეულია შარდის კონცენტრირების უნარი ოსმოსური სტიმულების საპასუხოდ.

ცენტრალური უშაქრო დიაბეტის ძირითადი მიზეზია არგინინ-ვაზოპრესინის პროდუქციის დაქვეითება.  ნეფროგენული  უშაქრო დიაბეტის  მიზეზია – თირკმლის პასუხის დაქვეითება არგინინ-ვაზოპრესინზე.

პლაზმის კოპეპტინის განსაზღვრა აუცილებელია არგინინ-ვაზოპრესინთან დაკავშირებული დარღვევების სადიაგნოსტიკოდ.  კოპეპტინის განსაზღვრა ასევე მოწოდებულია ანტიდიურეზული ჰორმონის გამოყოფის დარღვევისას.

კოპეპტინი ასევე წარმოადგენს მწვავე ჰემოდინამიკური სტრესის მარკერს. მნიშვნელოვანია ისეთი კარდიული დარღვევების დიაგნოსტირებისათვის, როგორიცაა მწვავე კორონარული სინდრომი, კორონარული არტერიის სტაბილური  დაავადება (სტაბილური სტენოკარდია), გულის შეგუბებითი უკმარისობა და მწვავე იშემიური ინსულტი.

პოლიურია-პოლიდიფსიის ბიომარკერი

იმის გამო, რომ კოპეპტინი შეესაბამება ასახავს ცირკულაციაში არსებული ვაზოპრესინის ოდენობას, ის წარმოადგენს ბიომარკერს ისეთი მდგომარეობისას როგორიცაა პოლიდიფსია-პოლიურია  (გაძლიერებული წყურვილი, გახშირებული შარდვა) და ჰიპონატრემია (ნატრიუმის კონცენტრაციის დაქვეითება სისხლში).  აღნიშნული სიმპტომები წარმოადგენს  ცენტრალური უშაქრო დიაბეტის, ნეფროგენური უშაქრო დიაბეტის და  პირველადი პოლიდიფსიის კლინიკურ  გამოვლინებებს.

საკვლევი მასალა: ვენური სისხლი

კვლევის მეთოდი: იმუნოფლუორესცენტული კვლევა