Search
Close this search box.
ლაბორატორიული ტესტები
კოვიდ-19 | პროფილაქტიკური პანელები
კოვიდ-19 | პასპორტი
კოვიდ-19 | ტესტების ჯგუფური პროფილები & ბინაზე მომსახურება
ალერგოლოგია & იმუნოლოგია
ანემიის ტესტები
აუტოიმუნური დარღვევების დიაგნოსტიკა
ბაქტერიოლოგია (ანტიბიოტიკოგრამით*)
განავლის გამოკვლევა
გენეტიკური ტესტები
გულ-სისხლძარღვთა დაავადებები
ვიტამინები
ინფექციური დაავადებები
კარდიალური მარკერები
კლინიკური ბიოქიმია
კოაგულაცია
კოვიდ-19 | PCR და ანტიგენის ტესტები გუდაურში
კოვიდ-19 | ტესტები
კოვიდ-19 | ტესტები გამოძახებით
ლაბორატორიული მომსახურეობა ბინაზე
თერაპიული მედიკამენტების მონიტორინგი
მიკროსკოპია
მოლეკულური ბიოლოგია (პჯრ)
მძიმე მეტალების განსაზღვრა
პარაზიტოლოგია
პრენატალური დიაგნოსტიკა
პროფილური კვლევები
საშვილოსნოს ყელის კიბოს სკრინინგ ტესტები
სიმსივნური მარკერები
სისხლის ბიოქიმია
სპეციფიური ცილები
ფარისებრი ჯირკვლის გამოკვლევა
შარდის ანალიზი
შარდის ბიოქიმია
ჰემატოლოგია
ჰისტოპათოლოგია
ჰორმონები

Read More

ხარისხი & სიზუსტე

გამოცდილება

უახლესი ტექნოლოგიები

სისწრაფე &
სანდოობა

ბეიბი სენსორ 100+

ცნობილი როგორც:baby-sensor-100+
SKU: AUS0001

1,600.00

საკვლევი მასალა: შარდი
პასუხის დრო (სამუშაო დღე): 28 MAX
ტესტი კეთდება უზმოზე: არა
ბინაზე გამოძახების სერვისი: დიახ
ქვეყანა: EU

ზოგადი ინფორმაცია

*საზღვარგარეთ ნიმუშების გაგზავნის დღეა  ოთხშაბათი.

გთხოვთ, გაითვალისწინოთ მასალის აღების დრო:

 

რეგიონებში – შარდის ნიმუშის ასაღები ნაკრები გაიცემა ორშაბათს დღის 11:00 საათამდე. მზა ნიმუში აუცილებლად  უნდა წარმოადგინოთ სამშაბათს დღის 11:00 საათამდე

თბილისში – შარდის ნიმუშის ასაღები ნაკრები გაიცემა ორშაბათს 11:00 საათამდე. მზა ნიმუში უნდა წარმოადგინოთ  სამშაბათს 15:00 საათამდე

(იხილეთ შარდის ნიმუშის შეგროვების, დალუქვის, დოკუმენტაციის შევსების წესები)

 

 

 

ბეიბი სენსორ 100+ თანამედროვე, არაინვაზიური, პოსტნატალური ტესტია, რომელიც ბავშვის შარდის ნიმუშში იკვლევს 250 მეტაბოლიტს და 100-ზე მეტი გენეტიკური მეტაბოლური დარღვევის დიაგნოსტირების შესაძლებლობას იძლევა. ტესტი ტარდება ბავშვებში –  დაბადებიდან 48 საათიდან 5 წლის ასაკამდე.  საკვლევ მასალად გამოიყენება შარდი. პასუხის მიღების დრო მაქსიმუმ  28 სამუშაო დღეა.

მასალა იგზავნება  ავსტრიაში, “სინევოს” პარტნიორ ლაბორატორიაში,  რომელიც ევროპაში აკრედიტებული ავტომატიზებული გენეტიკური ლაბორატორიაა.

კვლევის შედეგების გაანალიზება და ინტერპრეტაცია ხდება  გენეტიკოსების მიერ. კვლევის დასკვნა ყოვლისმომცველია, იძლევა სრულ ინფორმაციას გამოკვლეულ დაავადებებზე და  რეკომენდაციებს.

ტესტის შესრულების მეთოდი
გაზ-ქრომატოგრაფია მას-სპექტრომეტრიით (GC/MS).

 

ახალშობილთა გაფართოებული მეტაბოლური სკრინინგი

ახალშობილთა სკრინინგი პრევენციული მედიცინის მნიშვნელოვანი კომპონენტია, რომელიც მოიცავს ტესტების პანელს პათოლოგიური მდგომარეობის ადრეული იდენტიფიკაციისთვის, სადაც დროული ჩარევა იწვევს ავადობის, სიკვდილიანობისა და შეზღუდული უნარების აღმოფხვრას ან შემცირებას.

მემკვიდრეობითი მეტაბოლური დარღვევები წარმოადგენს მონოგენური დაავადებების ჯგუფს, ისინი გავლენას ახდენს ცილების ფუნქციებზე, რომლებიც მნიშვნელოვან როლს ასრულებს სხვადასხვა მეტაბოლური პროცესების ფუნქციონირებაში (ფერმენტები, კოფაქტორები, რეცეპტორები, გადამტანები და ა.შ.). შედეგად მიღებული ბიოქიმიური დარღვევები იწვევს შუალედური ან არაპირდაპირი მეტაბოლიტების დაგროვებას ან ტერმინალური მეტაბოლიტების დეფიციტს, რაც იწვევს მძიმე  დარღვევებს, როგორიცაა ლაქტური აციდოზი, კეტოაციდოზი ან ჰიპერამონემია. ეს დარღვევები გავლენას ახდენს ამინომჟავების, ორგანული მჟავების, ნახშირწყლების, ცხიმოვანი მჟავების, პურინებისა და პირიმიდინების ცვლაზე. დღეისათვის გამოვლენილია 500-ზე მეტი მემკვიდრეობითი მეტაბოლური დარღვევა, სავარაუდო გლობალური კუმულაციური სიხშირით 1/800-დან 1/2500 ახალშობილზე.

ადრეული დიაგნოსტიკის პირობებში, ზოგიერთი მემკვიდრული მეტაბოლური დარღვევის მკურნალობა შესაძლებელია. მეორეს მხრივ, იმ შემთხვევაშიც კი, როცა მკურნალობის ჩატარება ვერ ხერხდება, ტესტი Baby Sensor100+ გამართლებულია, რათა პრენატალური დიაგნოსტიკის მეშვეობით დაიგეგმოს შემდგომი ორსულობები.

მემკვიდრულ დაავადებებთან ასოცირებული პათოლოგიური მეტაბოლიტების უმეტესობა შარდით გამოიყოფა. სწორედ შარდის ნიმუშის აღების სიმარტივის გამო ენიჭება მას უპირატესობა ახალშობითა სკრინინგ ტესტების წარმოებაში

როდის ჩავიტაროთ ტესტი?

  • ახალშობილები პირველი 48 საათიდან, ბავშვები 5 წლის ასაკამდე
  • მემკვიდრული მეტაბოლურ დაავადებებზე ეჭვის დროს (სელექციური სკრინინგი)

ტესტი ტარდება  ისეთი დარღვევების დროს, როგორებიცაა:

  • ფიზიკური განვითარების დარღვევები
  • ტვინის დაზიანების ნიშნები
  • იმუნური სისტემის დარღვევები
  • გონებრივი განვითარების შეფერხება
  • კანის ქრონიკული დაავადებები
  • წონის დეფიციტი
  • გულყრები
  • მეტყველების დარღვევები
  • კანის პიგმენტაციის დარღვევები
  • კვებითი დარღვევები
  • ქცევითი დარღვევები
  • და მრავალი სხვა

შედეგების შესაძლო ინტერპრეტაცია

შარდში 250 მეტაბოლიტის გაანალიზებით დგება ნიმუშის ქრომატოგრაფიული პროფილი (ქრომატოგრამა) რომლებიც დარდება თითოეული დაავადების ნორმის მაჩვენებლებთან

გამოვლენილი მეტაბოლური დაავადებები კლასიფიცირდება 4 ტიპად – A, B, C, D – შესაძლო ჩარევის ტიპის მიხედვით:

  • ტიპი A – გამოვლენილი მდგომარეობებისთვის პრევენციული და სამკურნალო ღონისძიებები ეფექტურია
  • ტიპი B – გამოვლენილი მდგომარეობის პრევენცია რთულია, თუმცა, სწორი დიაგნოსტიკა გართულებების
    პროფილაქტიკისა და მკურნალობისთვის მნიშვნელოვანია
  • ტიპი C – ეს დარღვევები იწვევს გართულებებს მხოლოდ 10%-ში, რომლებიც საჭიროებენ მკურნალობას.
    ადამიანების 90% საერთოდ არ უვლინდება სიმპტომები
  • ტიპი D – არსებული დარღვევები სერიოზულ გავლენას ახდენს ჯანმრთელობაზე, ადრეული დიაგნოსტიკის
    პირობებშიც კი, თუმცა სწორი დიაგნოსტიკა სიმპტომური მკურნალობის და გართულებების
    პრევენციის შესაძლებლობას იძლევა

ზოგიერთი წამლის ან ინფუზიური თერაპიის მიღებამ შეიძლება გამოიწვიოს შარდში ამა თუ იმ მეტაბოლიტის კონცენტრაციის ცვლილება; ამიტომ აუცილებელია, რომ მიღებული შედეგები იყოს კლინიკურ მონაცემებთან კორელაციაში. თუ ბავშვი ღებულობს რაიმე მედიკამენტს ან/და დანამატს, გთხოვთ, მიუთითოთ ისინი.

ტიპი A – გამოვლენილი მდგომარეობებისთვის პრევენციული და სამკურნალო ღონისძიებები ეფექტურია

  • ალკაპტონურია (ხრტილის დაზიანება)
  • ბიოტინიდაზას დეფიციტი (ქერცლიანი პერიორალური გამონაყარი, სახის გამონაყარი, გონებრივი ჩამორჩენა)
  • გლუტარული აციდურია ტიპი I (დიდი თავი, მოძრაობის შეზღუდვით)
  • ჰარტნაპის დაავადება (მომატებული მგრძნობელობა სინათლის მიმართ და ვიზუალური ეფექტების მიმართ)
  • ჰომოცისტინურია (გონებრივი ჩამორჩენილობა)
  • 3-ჰიდროქსი-3-მეთილგლუტარილ-CoA-ლიაზას დეფიციტი (მძიმე მეტაბოლური აციდოზი კეტოზის გარეშე, განვითარების შეფერხება)
  • იზოვალერიული აციდემია (კანკალი ჰიპოთერმიის გამო, ფეხების ოფლიანობა და სუნი)
  • 2-კეტოადიპიური აციდურია (განვითარების შეფერხება და სხვა ნევროლოგიური პრობლემები)
  • ნეკერჩხლის სიროფის დაავადება (MSUD) (ნევროლოგიური დარღვევები, ლეთარგია, შარდის ტკბილი სუნი და დამწვარი შაქრის სუნი სხეულზე)
  • 3-მეთილკროტონილ-CoA კარბოქსილაზას დეფიციტი (მწვავე მეტაბოლური აციდოზი, განვითარების შეფერხებით)
  • ორნიტინ ტრანსკარბამილაზას დეფიციტი (გაღიზიანებადობა, განვითარების შეფერხება)
  • ფენილკეტონურია (PKU) (განვითარების შეფერხება და ქცევის დარღვევები)
  • პროპიონური აციდემია (ლეთარგია, ცუდი მადა, ჰიპოტენზია)
  • ახალშობილთა გარდამავალი თიროზინემია (გახანგრძლივებული სიყვითლე, ლეთარგია)
  • I ტიპის თიროზინემია (შარდი კომბოსტოს სუნით, ღვიძლის დისფუნქცია)
  • ფრუქტოზა-1,6-დიფოსფატაზას დეფიციტი (ჰიპოგლიკემია კეტოზით)
  • გალაქტოზემია (ღვიძლის დისფუნქცია)
  • კარბოქსილაზების მრავლობითი დეფიციტი (მეტაბოლური აციდოზი, კუნთების ტონუსის დაქვეითება, განვითარების შეფერხება)
  • ნეირობლასტომა (სპონტანური რეგრესია)
  • პირველადი ჰიპეროქსალურია ტიპი 1 (თირკმლის კოლიკა კენჭებით)
  • ღვიძლის დისფუნქციით გამოწვეული თიროზინემია (ღვიძლის დისფუნქცია)
  • ჰიპერმეთიონინემია (სახის უჩვეულო ნაკვთები, ნევროლოგიური პრობლემები, მოტორული განვითარების შეფერხება)
  • ქსანთინურია (თირკმლის მწვავე უკმარისობა)
  • არგინინსუქცინური აციდურია (გონებრივი და მოტორული ჩამორჩენა)
  • ციტრულინემია ტიპი 1 (ლეთარგია და გაუკუღმართებული ქცევა)
  • ცისტათიონურია (ღვიძლის დისფუნქცია)
  • ქსანტინური აციდურია (გონებრივი ჩამორჩენა)
  • ძალიან გრძელი ჯაჭვის აცილ-CoA დეჰიდროგენაზას დეფიციტი (კუნთების სისუსტე, კუნთების მუდმივი ტკივილი)
  • საშუალო ჯაჭვის აცილ-CoA დეჰიდროგენაზას დეფიციტი (განვითარების შეფერხება)
  • მოკლე ჯაჭვის აცილ-CoA დეჰიდროგენაზას დეფიციტი (სისხლში შაქრის დაბალი დონე, ლეთარგია)
  • ადენოზინ დეამინაზას დეფიციტი (ყურის და ზედა სასუნთქი გზების ინფექციები)
  • ფორმიმინოგლუტამინური აციდურია (მეგალობლასტური ანემია)
  • გარდამავალი გალაქტოზემია (წონის ცუდი მატება ღვიძლის დისფუნქციასთან ერთად)
  • 5-ოქსოპროლინურია (კრუნჩხვები, გონებრივი ჩამორჩენა და კოორდინაციის დაკარგვა)
  • ჰიპერგლიცინურია (კეტოზური) (განვითარების შეფერხება)
  • NICCD (ღვიძლის დისფუნქცია)
  • ლაქტოზის თანდაყოლილი აუტანლობა (განვითარების შეფერხება)
  • ჰიპერურიკემია (სენსონერვული სმენის დაქვეითება, უროლითიაზი)
  • კეთილთვისებიანი ჰიპერფენილალანინემია (ეგზემა და ღია თმა და კანი)
  • მეთილმალონური აციდემია (MMA) – Cbl C, D (შემდეგი კლინიკური დარღვევების განვითარება: ჰემატოლოგიური, ნევროლოგიური, მეტაბოლური, ოფთალმოლოგიური და დერმატოლოგიური)
  • მეთილმალონური აციდურია, cblA და cblB ფორმები (MMA, Cbl A,B) (კუნთების სუსტი ტონუსი [ჰიპოტონია], განვითარების შეფერხება,ადვილად დაღლა, ლეთარგია, ღვიძლის გადიდება)
  • ბეტა-კეტოთიოლაზას (BTK) დეფიციტი (ღებინება, დეჰიდრატაცია, გაძნელებული სუნთქვა, უკიდურესი დაღლილობა [ლეთარგია] და ზოგჯერ კრუნჩხვები)
  • პირველადი ჰიპეროქსალურია ტიპი 2 (თირკმლის ქვები, თირკმლის დაზიანება, თირკმელების უკმარისობა და ასევე სხვა ორგანოების დაზიანება)
  • გლიცეროლკინაზას კინაზას დეფიციტი (ზრდის შეფერხება)

ტიპი B – გამოვლენილი მდგომარეობის პრევენცია რთულია, თუმცა, სწორი დიაგნოსტიკა გართულებების პროფილაქტიკისა და მკურნალობისთვის მნიშვნელოვანია

  • კარბამოილფოსფატ სინთეტაზა 1-ის დეფიციტი (ნევროლოგიური გართულებები)
  • II ტიპის გლუტარული აციდურია (ფეხის ოფლიანობის სუნი და სუნთქვის პრობლემები, გონებრივი და მოტორული ჩამორჩენა)
  • ჰიპერლეიცინ-იზოლეიცინემია (კრუნჩხვები, განვითარების შეფერხება)
  • ლიზინური ცილის აუტანლობა (წონის ცუდი მომატება)
  • 3-მეთილგლუტაკონური აციდურია (კარდიომიოპათია და ჩონჩხის კუნთების მიოპათია, ზრდის შეფერხება, მამაკაცის სასქესო ორგანოების დეფექტი)
  • მეთილმალონური სემიალდეჰიდდეჰიდროგენაზას დეფიციტი(მეტაბოლური აციდოზი, ლეთარგია, კრუნჩხვები)
  • მევალონის აციდურია (თავის არანორმალური ფორმა, განვითარების მნიშვნელოვანი ეტაპის შეფერხება)
  • N-აცეტილგლუტამატის/კარბამილფოსფატ სინთეტაზას დეფიციტი (ნევროლოგიური გართულებები)
  • ოროტული აციდურია (გულის მანკი და ანემია)
  • კანავანის დაავადება (მძიმე ეტაპობრივი რეგრესია)
  • II ტიპის თიროზინემია (თვალები მგრძნობიარეა სინათლის მიმართ, განვითარების შეფერხება)
  • III ტიპის თიროზინემია (ზომიერი გონებრივი ჩამორჩენილობა, კრუნჩხვები, დაბალანსების გაძნელება)
  • ტრიპტოფანურია ჯუჯობით (დაბალი სიმაღლე, გონებრივი ჩამორჩენილობა)
  • იმიდაზოლამინოაციდურია (კრუნჩხვები, განვითარების შეფერხება)
  • ჰიპერგლიცინურია (არაკეტოზური) (მოდუნება, კუნთების ცუდი ტონუსი (ჰიპოტენზია), კრუნჩხვები, გონებრივი ჩამორჩენა,ნევროლოგიური დარღვევები)
  • 3-ჰიდროქსიიზობუტირილ-CoA დეაცილაზას დეფიციტი (დაგვიანებული მოტორული განვითარება, კუნთების ტონის დაქვეითება,ხერხემლის მრავლობითი ანომალიები)
  • II ტიპის ციტრულინემია (შფოთვა, მეხსიერების დაკარგვა, არაადექვატური ქცევა, კრუნჩხვები და კომა)
  • ბიოპტერინის კოფაქტორის ბიოსინთეზის დეფექტები (BIOPT BS) (განვითარების შეფერხება, კრუნჩხვები , ქცევითი პრობლემები)
  • დეფექტები ბიოპტერინის კოფაქტორის რეგენერაციის დეფექტები (BIOPT REG) (გონებრივი ჩამორჩენა, მოძრაობის დარღვევები, ყლაპვის გაძნელება, კრუნჩხვები)
  • გალაქტოკინაზას დეფიციტი (GALK) (განვითარების შეფერხება, კატარაქტა, გადიდებული ღვიძლი და ელენთა)
  • გალაქტოზის ეპიმერაზას დეფიციტი (GALE) (კატარაქტა, ზრდისა და განვითარების შეფერხება, გონებრივი ჩამორჩენა, ღვიძლისა და თირკმელების დაავადება)
  • იზობუტირილ-CoA დეჰიდროგენაზას (IBD) დეფიციტი (ანემია, კუნთების ცუდი ტონუსი, განვითარების შეფერხება)
  • მალონური აციდემია (MAL) (ჰიპოგლიკემია, ღებინება, დიარეა, კრუნჩხვები)
  • მეთილმალონილ-CoA მუტაზას (MUT) დეფიციტი (მძიმე კეტო და ორგანული აციდოზი, ფსიქომოტორული დისფუნქცია, განვითარების შეფერხება, დისტონია)
  • მიტოქონდრიული ტრიფუნქციური ცილის დეფიციტი (სისუსტე, ჰიპოგლიკემია, კუნთების ცუდი ტონუსი [ჰიპოტენზია], ღვიძლის პრობლემები)
  • გლუტათიონურია (ჰემოლიზური ანემია)

ტიპი C – ეს დარღვევები იწვევს გართულებებს მხოლოდ 10%-ში, რომლებიც საჭიროებს მკურნალობას. ადამიანების 90% საერთოდ არ უვლინდება სიმპტომები

  • ოჯახური თირკმლისმიერი იმინოგლიცინურია (გონებრივი ჩამორჩენა, სიყრუე, სიბრმავე, თირკმლის ქვები, ჰიპერტენზია)
  • ჰიპერჰიდროქსიპროლინემია (გონებრივი ჩამორჩენა)
  • იმინოგლიცინურია (გონებრივი ჩამორჩენა და თირკმელების პრობლემები)
  • ფრუქტოზურია (ჰეპატომეგალია, სიყვითლე, ციროზი, კრუნჩხვები და გონებრივი ჩამორჩენა)
  • ჰიპერსარკოსინემია (მხედველობის დაქვეითება, კარდიომიოპათია, კრანიალური სინოსტოზი, ზრდის და გონებრივი ჩამორჩენა)
  • I ტიპის ჰიპერპროლინემია (ნევროლოგიური ან ფსიქიატრიული პრობლემები)
  • II ტიპის ჰიპერპროლინემია (კრუნჩხვები, გონებრივი ჩამორჩენა)
  • საქაროპინურია (ფსიქომოტორული ჩამორჩენა, ეპილეფსია, სპასტიურობა, ატაქსია, მოკლე სიმაღლე)
  • ჰისტიდინემია (გონებრივი ჩამორჩენა, თირკმლის დეფექტი)
  • შრატის კარნოზინაზას დეფიციტი (კუნთების ტონუსის დაქვეითება, დაგვიანებული განვითარება)
  • ენდოგენური საქაროზურია (გონებრივი ჩამორჩენა)
  • ჰიდროქსილიზინურია (გონებრივი ჩამორჩენა, ქცევითი პრობლემები და ჰიპერაქტიურობა)
  • D-გლიცერინური აციდურია (წონის ცუდი მომატება)
  • ლიზინურია (გონებრივი ჩამორჩენა)
  • ჰოკინსუნურია (ღვიძლის დისფუნქცია)

ტიპი D – არსებული დარღვევები სერიოზულ გავლენას ახდენს ჯანმრთელობაზე, ადრეული დიაგნოსტიკის პირობებშიც კი, თუმცა სწორი დიაგნოსტიკა სიმპტომური მკურნალობისა და გართულებების პრევენციის შესაძლებლობას იძლევა.

  • დიჰიდროლიპოილდეჰიდროგენაზას (E3) დეფიციტი (ტკბილი სუნი შარდში და სხეულზე დამწვარი შაქრის სუნი)
  • ვალინემია (განვითარების დარღვევა, ღებინება და განვითარების შეფერხება)
  • ლეშ-ნიჰანის სინდრომი (გონებრივი ჩამორჩენა, თვითკბენის ჩვევა)
  • დიჰიდროპირიმიდინაზას დეფიციტი (ახალშობილთა კრუნჩხვები)
  • ზელვეგერის მსგავსი სინდრომი (კუნთების ტონუსის დაქვეითება, მძიმე ჩამორჩენა)
  • ზელვეგერის სინდრომი (კუნთების ტონის დაქვეითება, დისმორფული მახასიათებლები)
  • ფუმარატ ჰიდრაზას დეფიციტი (კრუნჩხვები, მძიმე ჩამორჩენით)
  • თიმინური ურაცილურია (გონებრივი ჩამორჩენა)
  • ჰიპერამონემია ჰიპერორნიტინემია ჰომოციტრულინურიის სინდრომი (HHH) (ღებინება, ლეთარგია, განვითარების შეფერხება, სწავლის უნარის დაქვეითება)
  • პირუვატ დეკარბოქსილაზას დეფიციტი (განვითარების შეფერხება, ფსიქომოტორული ჩამორჩენა, მხედველობის პრობლემებით)
  • პირუვატ კარბოქსილაზას დეფიციტი (რესპირატორული პრობლემები)
  • პირუვატ დეჰიდროგენაზას (E1) დეფიციტი (ცუდი კვება, ლეთარგია და სუნთქვის პრობლემები)
  • პირუვატდეჰიდროგენაზა ფოსფატაზას დეფიციტი (ლაქტური აციდოზი, კუნთების ტონის დაქვეითებით)
  • ადენინ ფოსფორიბოზილტრანსფერაზას დეფიციტი (საშარდე გზების ინფექცია)
  • ჰიპოქსანტინ-გუანინფოსფორიბოზილტრანსფერაზას ნაწილობრივი დეფიციტი (თირკმლის ქვები, მოძრაობის პრობლემები)
  • სუქცინის ნახევრადალდეჰიდდეჰიდროგენაზას დეფიციტი (კუნთების სუსტი ტონუსი [ჰიპოტონია], სუსტი რეფლექსები, კრუნჩხვები და სიარულის არაპროგრესული დარღვევები)
  • ჰისტიდინურია (გონებრივი ჩამორჩენა, სახის სხვადასხვა ნაკვთები)
  • ლეის სინდრომი (ზოგადი სისუსტე, გულის პრობლემებით)
  • რეფსუმის ინფანტილური დაავადება (სიბრმავე და სმენის პრობლემები, პიგმენტური რეტინიტი)
  • ახალშობილთა ადრენოლეიკოდისტროფია (კუნთების შესუსტება)
  • ბეტა-ამინოიზობუტირიული აციდურია (ნევროლოგიური დარღვევა)
  • ჰიპერპიპეკოლატემია (მძიმე დაგვიანებული განვითარება)
  • ეთილ-მალონური აციდურია (განვითარების შეფერხება, კომა)
  • ამინოაცილაზა I დეფიციტი (სიყრუე, კუნთების სისუსტე, ცერებრალური ატროფია)

საცნობარო მნიშვნელობები

ბეიბი სენსორ 100+ კვლევის შეძენა შესაძლებელია როგორც ადგილზე, ისე ონლაინ

კვლევის შეძენის შემდგომ, პაციენტის მშობელს/მეურვეს გადაეცემა ნიმუშის ასაღები ნაკრები, ქართულენოვან მიმართვის ფორმასთან და ნიმუშის აღების ინსტრუქციასთან ერთად

მშობელს/მეურვეს ასევე ჩაუტარდება ზეპირსიტყვიერი ინსტრუქტაჟი, შარდის ნიმუშების შეგროვების, გაშრობის, დალუქვის და დოკუმენტაციის შევსების წესის შესახებ

შარდის ნიმუშის შესაგროვებელი ნაკრები

ნიმუშის შესაგროვებელი ნაკრები შეიცავს ფილტრის 3 ქაღალდს და საშრობ ქაღალდს

ნიმუშების შესაგროვებელ ნაკრებს დართული აქვს ქართულენოვანი ნიმუშის შეგროვების ინსტრუქცია და მიმართვის ფორმა, რომლის სრულფასოვნად შევსების და მარკირების გარეშე, კვლევა არ ჩატარდება

ნიმუშის აღების წესი

უნდა გაიხსნას ნიმუშის შესაგროვებელი ნაკრები, რომელიც შეიცავს 3 ცალ ფილტრის ქაღალდს და საშრობ ქაღალდს

ინსტრუქციაში მითითებულია შარდის ნიმუშების აღების 3 ვერსია. რეკომენდებულია, სამივე მეთოდით მოხდეს ნიმუშების აღება. (თითო ფილტრის ქაღალდი გამოიყენება ნიმუშის აღების თითოეული მეთოდისთვის. საჭირო იქნება მოშარდვის 3 ეპიზოდი).

  • შარდის ნიმუშის აღების პირდაპირი მეთოდი – დაიჭირეთ ფილტრის ქაღალდი ბავშვის გენიტალიებთან იმგვარად, რომ მოშარდვის დროს დასველდეს ქაღალდი.
  • პამპერსის ჩანართის მეთოდი – მოათავსეთ ფილტრის ქაღალდი სუფთა პამპერსზე და ჩააცვით ბავშვს. 30 წუთში ერთხელ შეამოწმეთ. თუ ფილტრის ქაღალდზე განავლოვანი მასა მოხვდა, მასალა უვარგისია და ხელახლა ან სხვა მეთოდით სცადეთ ნიმუშის შეგროვება (არ გაჟღინთოთ ქაღალდი უკვე დასველებული პამპერსის შიგთავსით. ასეთი შარდი განზავებულია და გამოუსადეგარია კვლევისთვის)
  • გაჟღენთის მეთოდი – შარდი შეაგროვეთ სუფთა ჭურჭელში და ფილტრის ქაღალდი დაასველეთ კარგად გაჟღენთამდე.

შარდით გაჟღენთილი ფილტრის ქაღალდები მოათავსეთ საშრობ ქაღალდზე და გააშრეთ ოთახის ტემპერატურაზე 10 საათის განმავლობაში

გაფრთხილება: დაუშვებელია ნიმუშების გაშრობა მზის პირდაპირი სხივებით, თმის ფენით და ა.შ

 

მიმართვის ფორმის შევსება

მიმართვის ფორმაში მონიშნეთ სასურველი ტესტის დასახელება “ბეიბი სენსორ 100+”

თანმიმდევრობით შეავსეთ ყველა ველი, ლათინური ბეჭდური ასოებით. თუ ლათინური ასოებით შევსებას ვერ ახერხებთ მიმართეთ ლაბორატორია “სინევოს” წარმომადგენლებს

არასრულად, ან არასწორად შევსებული ფორმით კვლევა არ ჩატარდება

ნიმუშების დალუქვა

სრულად გაშრობის შემდეგ ნიმუშები დააბრუნეთ პოლიეთილენის შესაფუთ პაკეტში და დალუქეთ პაკეტი

დალუქული პაკეტი და შევსებული ფორმა ჩააბრუნეთ ქაღალდის კოლოფშიდა დალუქეთ სტიკერებით

დალუქული ქაღალდის კოლოფი დააბრუნეთ ლაბორატორიაში

 

ნიმუშების ტრანსპორტირება და კვლევის შედეგები

ნიმუში იგზავნება ავსტრიაში, სინევოს პარტნიორ ლაბორატორიაში

კვლევის პასუხის მიღების საშუალო დროს წარმოადგენს  მაქსიმუმ  28 სამუშაო დღე

კვლევის პასუხი იგზავნება ინგლისურ ენაზე

 

 

დამატებითი ინფორმაცია

საზღვარგარეთ ნიმუშების გაგზავნის დღეა  ოთხშაბათი.

გთხოვთ, გაითვალისწინოთ მასალის აღების დრო:

 

რეგიონებში – შარდის ნიმუშის ასაღები ნაკრები გაიცემა ორშაბათს დღის 11:00 საათამდე. მზა ნიმუში აუცილებლად  უნდა წარმოადგინოთ სამშაბათს დღის 11:00 საათამდე

თბილისში – შარდის ნიმუშის ასაღები ნაკრები გაიცემა ორშაბათს 11:00 საათამდე. მზა ნიმუში უნდა წარმოადგინოთ  სამშაბათს 15:00 საათამდე

 

ტესტირების პროცესი

ტესტის შეძენა მასალის ჩაბარება

ტესტის შეძენა

მასალის ჩაბარება

შედეგები ონლაინ ექიმთან კონსულტაცია

შედეგები ონლაინ

ექიმთან კონსულტაცია

ლაბორატორიები
Call Now Button