სიმსივნური M2 პირუვატკინაზა (M2PK) (პლაზმა)

ზოგადი ინფორმაცია

პირუვატკინაზა ფერმენტია რომელიც აკატალიზებს გლიკოლიზური გზის (გლიკოლიზი – გლუკოზის დაშლა პირუვატად და თავისუფალ ენერგიად) ბოლო საფეხურს.

სხვადასხვა ქსოვილებში პირუვატკინაზას სხვადასხვა იზოენზიმებია წარმოდგენილი, ქსოვილების მეტაბოლური სტატუსის შესაბამისად.

M2 პირუვატკინაზა იზოენზიმია, რომელიც წარმოდგენილია (ნორმალურ ან/და სიმსივნურ) პროლიფერირებად (განახლებად) ქსოვილებში ორი ფორმით:

→ ტეტრამერის სახით (აქტიური ფორმაა, რომელიც გლუკოზას გარდაქმნის გლუკოზას პირუვატად და ლაქტატად)

→ დიმერის სახით (არააქტიური ფორმაა, ძირითადად წარმოდგენილია სიმსივნურ უჯრედებში). ამ ფორმას სიმსივნური M2 პირუვატკინაზა ეწოდება და სიმსივნურ მარკერს წარმოადგენს.

M2 პირუვატკინაზას დიმერიზაცია სიმსივნურ უჯრედებში მისი სხვადასხვა ონკოპროტეინებთან ურთიერთქმედების შედეგია.

M2 პირუვატკინაზა არ წარმოადგენს ორგანო-სპეციფიურ სიმსივნურ მარკერს. მისი მომატება მიუთითებს სიმსივნური უჯრედების სპეციფიკურ მეტაბოლურ სტატუსზე.

ადენომებისა და საჭმლის მომნელებელი ტრაქტის ქვედა სართულის სიმსივნეების მქონე პაციენტებში სიმსივნური M2 პირუვატკინაზა გამოიყიფა სისხლის პლაზმასა და განავალში.

• განავლის M2 პირუვატკინაზის განსაზღვრა გამოიყენება კოლორექტალური სიმსივნეების სკრინინგისთვის
• პლაზმის M2 პირუვატკინაზის განსაზღვრა, სტანდარტულ სიმსივნურ მარკერებთან ერთად საჭმლის მომნელებელი სისტემის სხვადასხვა სიმსივნეების დიაგნოსტიკისა და მონიტორინგისთვის გამოიყენება

სიმსივნური M2 პირუვატკინაზას განსაზღვრა ინოვაციური ტესტია, რომელიც ზომავს სიმსივნური ქსოვილის მეტაბოლურ აქტივობას, რაც სიმსივნის აგრესიულობის ხასისხის ექვივალენტურია. შესაბამისად, კვლევა წარმოადგენს სიმსივნეების მკურნალობის პროცესის მონიტორინგის და შესაძლო რეციიდივების შეფასების შესაძლებლობას.

სიმსივნური M2 პირუვატკინაზას აქტივობის მატება აღინიშნება კუჭ-ნაწლავის სისტემის, ძუძუს, ფილტვის, თირკმლის და პროსტატის სიმსივნეებისას.

საკვლევი მასალა – ვენური სისხლი

რეფერენტული საზღვრები

<15 ერთეული/მლ