სიმსივნის ნეკროზის ფაქტორი ალფა (TNF-α)

ზოგადი ინფორმაცია

სიმსივნის ნეკროზის ფაქტორი ალფა (TNF-α)

სიმსივნის ნეკროზის ფაქტორი TNF (tumor necrosis factor), პრო-ანთებითი ციტოკინია, რომელსაც სიმსივნური უჯრედის დაშლის უნარი აქვს (სახელიც აქედან წარმოსდგება).

კვლევა გამოიყენება ორგანიზმში ანთებითი პროცესების შეფასებისთვის. ნმისი მომატებული მაჩვენებელი მიუთითებს აქტიურ ანთებაზე, ინფექციაზე ან აუტოიმუნურ დაავადებაზე.

TNF-α და TNF-β სიმსივნური ფაქტორები წარმოიქმნება მაკროფაგებსა და ლომფოციტებში.

სიმსივნის ნეკროზის ფაქტორი TNF უკავშირდება უჯრედების ზედაპირულ რეცეპტორებს. TNF-α დაკავშირება რეცეპტორთან, ცვლის რეცეპტორის სტრუქტურის  კონფორმაციას, რაც იწვევს უჯრედის გამრავლების პროცესში მონაწილე ცილების სინთეზის ცვლილებებს, ანთებითი პასუხის განვითარებას და უჯრედის აპოპტოზს (პროგრამირებულ კვდომას).

შრატში TNF-α მაჩვენებელი, როგორც სისტემური ანთებითი  მარკერი, დაკავშირებულია სეფსისთან, ტრავმასთან და გულის უკმარისობასთან.

TNF-α დაკავშირებულია ასევე რევმატოიდული ართრიტის და ნაწლავის ანთებითი დაავადების პათოგენეზში. სწორედ ამიტომ, ამ მდგომარეობების მკურნალობისთვის მოწოდებულია TNF-α -ინჰიბიტორები (მონოკლონური ანტისხეულები).

TNF-α მაჩვენებელი იმუნური სისტემის დაავადებების სადიაგნოსტიკოდ და მკურნალობის შედეგების მონიტორინგისთვის გამოიყენება.

პაციენტის მომზადება – არ არის საჭირო

საკვლევი ნიმუში –  ვენური სისხლი