B ჰეპატიტის ვირუსის Cor ანტიგენი (HBcAg) | ანტისხეულები IgM

ზოგადი ინფორმაცია

B ჰეპატიტის ვირუსი შედგება ბირთვისა და გარსისაგან. მისი გენომი შეიცავს ორჯაჭვიან დნმ-ს. ინფექცია გადაეცემა სისხლით ან სქესობრივი კონტაქტით. ინკუბაციური პერიოდი – დაახლოებით 70 დღე (40-160 დღე).

B ჰეპატიტის ბირთვული (ცენტრალური) ანტიგენი (HbcAg) გვხვდება მხოლოდ ინფიცირებული ღვიძლის უჯრედებში, და არა სისხლში.

B ჰეპატიტის ბირთვული (ცენტრალური) ანტიგენის საწინააღმდეგო ანტისხეული IgM (ანტი-Hbc-IgM) შრატში ჩნდება B ჰეპატიტის ვირუსის აქტიური პროლიფერაციის დროს და დამახასიათებელია გამოჯანმრთელების ფაზისთვის. IgM შრატში ჩნდება HBs ანტიგენის გამოჩენიდან საშუალოდ 2 კვირის შემდეგ. უმეტეს შემთხვევაში, ეს ანტისხეულები ნარჩუნდება 2 თვეზე მეტი ხნის განმავლობაში და, იშვიათად, 1 წელზე მეტი ხნის განმავლობაში, ჰეპატიტის განკურნების პირობებშიც კი.

ანტი-HBc ანტისხეულებთან ერთად, ანტი-Hbc-IgM შეიძლება იყოს ერთადერთი სეროლოგიური მარკერი, HBs და Hbe ანტიგენების გაქრობის შემდეგ, მათი შესაბამისი ანტისხეულების გამოჩენამდე და შეიძლება განასხვავოს მწვავე და ქრონიკული HBV ინფექცია.

HBc-IgM ანტისხეულის ანალიზი ტარდება HBs ანტიგენის განსაზღვრასთან ერთად B ჰეპატიტის ვირუსის მწვავე ინფექციის დასადგენად.

ანტი-HBc-IgM ასევე შეიძლება გამოვლინდეს ქრონიკული B ჰეპატიტის დროს, მაგრამ თითქმის ყოველთვის მცირე ტიტრით. ქრონიკული B ჰეპატიტის დროს HBc-IgM-ის არსებობა და ტიტრი კორელაციაშია დაავადების ანთებით აქტივობასთან. ამრიგად, ანტი-HBc-IgM შეიძლება გამოყენებულ იქნას ქრონიკული B ჰეპატიტის მონიტორინგშიც.

როდის ჩავიტაროთ ტესტი?

• ჰეპატიტის (მწვავე B ჰეპატიტი) ეტიოლოგიის დიაგნოსტიკა;
• HBs ანტიგენისა და HBs ანტიგენის საწინააღმდეგო ანტისხეულების უარყოფითი შედეგები კლინიკური ჰეპატიტის ფონზე („სეროლოგიური ფანჯრის“ ფაზა);
• ტრანსამინაზების დონის მომატება;
• ქრონიკული B ჰეპატიტის მონიტორინგი.

როგორ მოვემზადოთ ტესტისთვის?

ტესტისთვის სპეციალური მომზადება საჭირო არ არის.

ტესტის ჩატარება სასურველია უზმოდ.

საკვლევი მასალა

ვენური სისხლი

შედეგების შესაძლო ინტერპრეტაცია

დადებითი შედეგი:

• B ჰეპატიტის მწვავე სტადია („ვირუსის რეპლიკაციის“ ფაზა);
• მწვავე B ჰეპატიტის “სეროლოგიური ფანჯრის” ფაზა;
• ქრონიკული B ჰეპატიტის რეპლიკაციური ეტაპი;
• ცრუ დადებითი შედეგები – საჭიროა სხვა მეთოდით დადასტურება.

უარყოფითი შედეგი:

• ვირუსული B ჰეპატიტის ადრეული ინკუბაციური პერიოდი;
• მწვავე ვირუსული B ჰეპატიტის გამოჯანმრთელების ფაზა;
• ქრონიკული B ჰეპატიტი.

რესურსები

https://spravochnik.synevo.ua/ru/gepatit/virus-gepatita-b.html
https://www.synevo.ro/shop/anti-hbc-igm/