დესმოგლეინ-3 აუტოანტისხეულები (შრატი)

ზოგადი ინფორმაცია

დესმოგლეინი 1 და დესმოგლეინი 3 დესმოსომების შემადგენელი ადჰეზიური (შემაკავშირებელი) გლიკოპროტეინებია, რომლებიც უჯრედებს შორის მჭიდრო კავშირს უზრუნველყოფს. დესმოგლეინი 1 და დესმოგლეინი 3 წარმოადგენს ქსოვილოვან  სამიზნეს, რომელთა მიმართ ვითარდება აუტოანტისხეულები დაავადება პემფიგუსის დროს.

პემფიგუსი კანის აუტოიმუნური დაავადებაა, რომლის დროსაც დესმოგლეინი 1 და დესმოგლეინი 3 ანტისხეულები ვითარდება. დაავადებას  კანის ბუშტუკოვანი დაზიანება ახასიათებს. „ფოთლისებრი“ პემფიგუსი კანის ზედაპირულ შრეებს აზიანებს. ამ დროს ვითარდება უპირატესად დესმოგლეინი 1 ანტისხეულები. ვულგარული პემფიგუსის დროს კანი ბევრად ღრმა შრეებამდე ზიანდება. დაავადების ამ ფორმას ახასიათებს კანის ეროზიები და ბუშტები. ვულგარული პემფიგუსისთვის დესმოგლეინი 3 ანტისხეულებია მეტად დამახასიათებელი.

კვლევებით დადასტურებულია, რომ დესმოგლეინ 1 და 3 ანტისხეულების არსებობა-არასებობით განისაზღვრება პემფიგუსის დიაგნოსტიკა. ასევე ანტისხეულების ტიპის შესაბამისად ისმება ფოთლოვანი ან ბუშტუკოვანი (ვულგარული) პემფიგუსის დიაგნოზი.

დესმოგლეინ 3 აუტოანტისხეულების განსაზღვრა სკრინინგული ტესტია, პემფიგუსის სადიაგნოსტიკოდ

საკვლევი მასალა  – ვენური სისხლი

რეფერენტული საზღვრები

დესმოგლეინ 1
<14.0 ერთ – უარუოფითი
14.0-20.0 ერთ – ორაზროვანი პასუხი
>20.0 ერთ – დადებითი

დესმოგლეინ 3
<9.0 ერთ – უარყოფითი
9.0-20.0 ერთ – ორაზროვანი პასუხი
>20.0 ერთ – დადებითი