Cyfra 21-1 – ციტოკერატინული ფრაგმენტი 19 (ფილტვის კიბო)

ზოგადი ინფორმაცია

ციტოკერატინის ფრაგმენტი 19-ის ანტიგენი (CYFRA 21-1) ციტოკერატინის ცილოვან ოჯახს ეკუთვნის, რომელიც ძირითადად სინთეზდება ეპითელიურ ქსოვილში და ქმნის ეპითელური უჯრედების ციტოჩონჩხს.

CYFRA 21-1 გამოიყენება როგორც სიმსივნის მარკერი, განსაკუთრებით ფილტვის  არაწვრილუჯრედოვანი სიმსივნის დროს, კარცინოემბრიონულ და სქვამოზურუჯრედოვან ანტიგენებთან ერთად. ასევე სხვა ეპითელური სიმსივნეებისთვისაც, როგორიცაა შარდის ბუშტის კარცინომა. მისი კონცენტრაციის მატება სიმსივნის დროს, ასოცირებულია უჯრედების ლიზისთან (დაშლასთან), რის შემდეგაც გამოიყოფა სისხლში ციტოკერატინის დეგრადაციის პროდუქტები.

როგორც სხვა სიმსივნური მარკერები, CYFRA 21-1 სასკრინინგო და სადიაგნოსტიკო მნიშვნელობა ნაკლებია, ის გამოიყენება დაავადების პროგნოზირების მკურნალობის პროგრესის შესაფასებლად.

CYFRA 21-1 შედარებით ახალი მარკერია, რომელიც განისაზღვრება 2 მონოკლონური ანტისხეულით, რომლებიც მიმართულია ციტოკერატინის ფრაგმენტი 19-ის წინააღმდეგ.

იმუნოჰისტოქიმიური კვლევებით დადასტურებულია, რომ ციტოკერატინი 19 ძირითადად ვლინდება ფილტვის კარცინომებში, ასე რომ ის ფილტვის არაწვრილუჯრედოვანი  სიმსივნის მარკერად გამოიყენება.

როდის ტარდება კვლევა?

• ფილტვის არაწვრილუჯრედოვან სიმსივნეზე ეჭვისას
• ფილტვის უცნობი გენეზის მოცულობითი წარმონაქმნების დიფერენცირებისას
• ფილტვის არაწვრილუჯრედოვანი სიმსივნის თერაპიული კონტროლისთვის, განსაკუთრებით სიმსივნის რეზექციისას, რეციდივის ალბათობის შესაფასებლად
• შარდის ბუშტის სიმსივნეების პროგნოზირებისთვის

წინასწარი მომზადება: საჭირო არ არის

საკვლევი მასალა:  ვენური სისხლი

რეფერენტული ნორმები:  <3.3 ნგ/მლ

CYFRA 21-1 არ გამოიყენება ფილტვის სიმსივნეების სკრინინგისათვის  ასიმპტომურ პაციენტებში ან მაღალი რისკის ჯგუფებში (მაგ მწეველები).

რადგან ციტოკერატინ 19 (CYFRA 21-1) არ არის ორგანოსპეციფიკური მარკერი, მისი მაჩვენებლის მომატება სხვა მოცულობითი პროცესების დროსაც შესაძლებელია.

ფაქტორები, რომლებმაც შესაძლოა პასუხების უზუსტობა გამოიწვიოს:

• ბიოტინის მაღალი დოზებით მკურნალობა (>5 მგ/დღეში). რეკომენდებულია კვლევის ჩატარებამდე მინიმუმ 8 საათით ადრე შეწყდეს მედიკამენტის მიღება.
• ანტი-სტრეპტავიდინის და ანტი-რუთენიუმის საწინააღმდეგო ანტისხეულების მაღალი ტიტრი.
• თერაპიული მიზნით შეყვანილი მონოკლონური ანტისხეულები