ზონულინი (განავალი)

ზოგადი ინფორმაცია

ზონულინის განსაზღვრა განავალში მნიშვნელოვანი კვლევაა ნაწლავის განვლადობის დარღვევით მიმდინარე დაავადებების დიაგნოსტიკაში.

ზონულინი ცილაა, რომელიც ღვიძლსა და ეპითელურ ქსოვილში სინთეზდება და წარმოქმნის უჯრედშორის კავშირებს, ნაწლავის კედლის ზედაპირულ ეპითელურ შრეში.

ზონულინი მტკიცე კავშირის ცილაა. მისი რაოდენობის მომატება განავალში, ნაწლავის კედლის განვლადობის მომატებაზე მიუთითებს. ნაწლავის კედლის ანთებითი ცვლილებები, რაც განვლადობის მომატებას იწვევს, შესაძლოა გამოიწვიოს ისეთმა პათოლოგიებმა, როგორებიცაა:

• ტიპი 2 შაქრიანი დიაბეტი
• ცელიაკია
• სიმსუქნე
• ნაწლავის ქრონიკული ანთებითი დაავადებები
• აუტოიმუნური დაავადებები (მათ შორის კრონის დაავადება, ტიპი 1 დიაბეტი)

განავალში ზონულინის მატებას მოსდევს შრატში მისი კონცენტრაციის მომატებაც. ზონულინის უჯრედული რეცეპტორები წარმოდგენილია მსხვილი და წვრილი ნაწლავის, გულის და ტვინის უჯრედების მემბრანაზე. ნაწლავის ლორწოვანიდან ზონულინის გამოყოფის მასტიმულირებელი მექანიზმია გლიადინის ფრაგმენტების ურთიერთქმედება ნაწლავის ეპითელიუმტან, რის შედეგადაც ხდება ამ ნაწილაკების ადჰეზია (მიწებება) ნაწლავის უჯრედებზე და წარმოქმნილი კონგლომერატების მიმართ იწყება აუტოანტისხეულების გამომუშავება. ქრონიკული ანთებითი პროცესი კიდევ უფრო აზიანებს ნაწლავის კედლის სტრუქტურას და იწვევს ნაწლავის განვლადობის კიდევ უფრო მომატებას. პოლიპეპტიდები და დიდი ზომის მოლეკულები ადვილად გადის ნაწლავის ბარიერს, რაც იმუნური სისტემის გააქტიურებას და იმუნური პასუხის განვითარებას იწვევს.

როდის ტარდება კვლევა?

ცელიაკია

ტიპი I შაქრიანი დიაბეტი

ნაწლავის ანტებითი მდგომარეობების დიაგნოსტიკა

სიმსუქნე

ინსულინრეზისტენტობა

საკვლევი მასალა: განავალი

რეფერენტული საზღვრები

< 145 ნგ/გ