წითელა | ას IgG | ლაბორატორიული კვლევა

ზოგადი ინფორმაცია

წითელას ვირუსი ერთჯაჭვიანი რნმ-ის შემცველი, პარამიქსოვირუსების ოჯახის წარმომადგენელია, რესპირატორულ სინციტიურ ვირუსთან და პარაგრიპის ვირუსთან ერთად.

ვირუსის გავრცელება ხდება დაავადებულიდან ჰაერ-წვეთოვანი გზით. ინკუბაციური პერიოდი 10-14 დღეს მოიცავს.

კლინიკური სურათი ხასიათდება პროდრომული პერიოდით, რომელიც მიმდინარეობს მაღალი ცხელებით, ხველით, რინიტით, ინფექციის ზოგადი სიმპტომებით და მოთეთრო ნადებით ლოყის ლორწოვანზე. ამას მოსდევს მაკულო-პაპულური (ლაქოვან-კვანძოვანი) გამონაყარი, რომელიც პირველ ეტაპზე ვითარდება შუბლსა და ყურის უკანა არეებში და ვრცელდება გულმკერდის მიმართულებით.

გამოჯანმრთელების ფაზაში კანის ყველა არე, გარდა ხელისა და ფეხის გულებისა იქერცლება, რაც საშუალოდ 5 დღეს გრძელდება. გართულებების შემთხვევაში სიმპტომები გრძელდება არაუმეტეს 10 დღისა. ხველა ალაგდება ყველაზე ბოლოს.

წითელა აქტიურად გადამდები დაავადებაა. ორსულებს, იმუნოდეფიციტურ მდგომარეობისა და კვებითი უკმარისობის მქონე პირებს, განსაკუთრებით მარალი რისკი აქვთ გართულებების განვითარების, როგორიცაა: პნევმონია, ცენტრალური ნერვული სისტემის ანტებითი დაავადებები – ენცეფალიტი, ენცეფალომიელიტის, გილენ ბარეს სინდრომის, ჰემიპლეგიის და რეტრობულბური ნევრიტის სახით.

წითურასგან განსხვავებით, წითელას არ აქვს ტერატოგენური მოქმედება ორსულებში, არ იწვევს ნაყოფის თანდაყოლილ პათოლოგიებს. თუმცა შესაძლებელია გამოიწვიოს ორსულობის ნაადრევი შეწყვეტა ან ნაადრევი მშობიარობა.

პნევმონია, რომელიც თან ახლავს წითელას, ვითარდება უშუალოდ წითელას ვირუსისგან ან ბაქტერიული გართულების შედეგად.

დიაგნოსტიკა

წითელას ლაბორატორიული დიაგნოსტიკა ეფუძნება სეროლოგიურ კვლევებს. გამონაყრის განვითარებიდან 1-2 დღეში უკვე ჩნდება სპეციფიკური IgM ანტისხეულები, რომელთა დონე მნიშვნელოვნად იზრდება 10 დღეში და რჩება 1 თვის განმავლობაში. IgG ანტისხეულები სისხლში  რჩება მუდმივად.

როდის ტარდება კვლევა?

• დაავადების ლაბორატორიული დიაგნოსტიკა
• არაიმუნიზებული პაციენტის გამოვლენა

პაციენტის მომზადება: კვლევა ტარდება უზმოდ

საკვლევი მასალა: ვენური სისხლი

რეფერალური ნორმები

სპეციფიკური IgG AU/ml

<13.5 – ნეგატიური
13.5-16.5 – ორაზროვანი
> 16.5 –პოზიტიური

სპეციფიკური IgM  AU/ml

<0.9 – ნეგატიური
0.9-1.1 – ორზროვანი
> 1.1 – პოზიტიური

შედეგების ინტერპრეტაცია

ანტისხეულების ნეგატიური მაჩვენებლები მიუთითებს ვირუსის არარსებობაზე.