ლიპიდური ცვლა | ლაბორატორიული კვლევა

ზოგადი ინფორმაცია

ლიპიდური ცვლის პროფილი წარმოადგენს ანალიზების ერთობლიობას, რომელიც გვიჩვენებს სხვადასხვა ტიპის ქოლესტერინისა და ტრიგლიცერიდების დონეს სისხლში. ანალიზი გვაძლევს საშუალებას განისაზღვროს არტერიებში თრომბის ჩამოყალიბების რისკი, რომელიც ნაწილობრივ ან სრულად ახშობს სისხლძარღვთა სანათურს (ათეროსკლეროზი) და აფერხებს სისხლის დინებას, რაც შედეგად იწვევს ინფარქტის ან ინსულტის განვითარებას. იმის მიხედვით, თუ რომელ ორგანოს კვებავს დაზიანებული სისხლძარღვი, ვითარდება ორგანოს არასაკმარისი კვებით განპირობებული სიმპტომები, გულის მკვებავი გვირგვინოვანი არტერიების დაზიანებისას – ვითარდება სტენოკარდია და გულის კუნთის ინფარქტი, ხოლო ტვინის მკვებავი სისხლძარღვების დაზიანებისას – თავის ტვინის ინსულტი. ლიპიდური ცვლის მაჩვენებლების განსაზღვრა ასევე მნიშვნელოვანია წონის კორექციისა და ბავშვთა ასაკში ჰორმონალური ცვლის დარღვევებისას.

ლიპიდური ცვლის პროფილში შედის (თითოეულ პარამეტრზე დამატებითი ინფორმაციის მისაღებად დააჭირეთ კონკრეტულ პროდუქტს):

• • საერთო ქოლესტეროლი
  • მსლ (HDL) ქოლესტეროლი
  • ძალიან დაბალი სიმკვრივის ლიპოპროტეინები (VLDL)
  • დსლ (LDL) ქოლესტეროლი
  • ტრიგლიცერიდები
  • ათეროგენობის ინდექსი (კოეფიციენტი)

გახსოვდეთ, რომ მხოლოდ საერთო ქოლესტერინის დონის განსაზღვრა არ არის საკმარისი, საჭიროა სრული პროფილური კვლევა!