
ტექნიკური სამუშაოების გამო საიტი დროებით გათიშულია. ბოდიშს გიხდით შექმნილი უხერხულობისთვის.
The site is temporarily down due to maintenance. Sorry for the inconvenience.
ხარისხი & სიზუსტე
გამოცდილება
უახლესი ტექნოლოგიები
სისწრაფე &
სანდოობა
₾22.00 Original price was: ₾22.00.₾19.80Current price is: ₾19.80.
სისხლში რკინის განსაზღვრა ზომავს სისხლის შრატში ტრანსპორტულ ცილებთან დაკავშირებული რკინის კონცენტრაციას. კვლევა გამოიყენება რკინის ცვლის შესაფასებლად, თუმცა სისხლში რკინის დონე არ ასახავს ორგანიზმში რკინის საერთო მარაგს. ამის შესაფასებლად უფრო ინფორმაციულია ფერიტინის განსაზღვრა.
მნიშვნელოვანია, რომ სისხლში რკინის მაჩვენებელი ცალკე აღებული რკინის დეფიციტის დასადგენად საკმარისი არ არის. შედეგების სრულყოფილი შეფასებისთვის ხშირად საჭიროა ფერიტინის, ტრანსფერინის, რკინის საერთო შეკავშირების უნარის (TIBC) და ტრანსფერინის სატურაციის განსაზღვრაც.
სისხლში რკინის განსაზღვრა რეკომენდებულია:
რკინის დეფიციტის ან რკინადეფიციტური ანემიის შესაძლო ნიშნების გამოსაკვლევად
ანემიის მიზეზის დასადგენად
ორგანიზმში რკინის ჭარბი დაგროვებაზე ეჭვისას
რკინის ცვლის დარღვევების შეფასებისას
რკინის პრეპარატებით მკურნალობის მონიტორინგისთვის
ღვიძლის ზოგიერთი დაავადების დროს, შესაბამისი კლინიკური ჩვენების არსებობისას
ტესტი ინიშნება ექიმის მიერ
რკინის გაზრდილი დონე:
რკინის დეფიციტი:
რკინის დეფიციტი იწვევს მიკროციტულ ანემიას (სისხლის წითელი უჯრედების ზომის შემცირებით) და შეიძლება დაკავშირებული იყოს ისეთ სიტუაციებთან, როგორიცაა:
მნიშვნელოვანია ვიცოდეთ, რომ რკინადეფიციტური ანემია, ძალიან ხშირად, სხვა ძირითადი დაავადებებით გამოწვეული მეორადი პროცესია. ამ მიზეზით, რეკომენდებულია ანემიის მიზეზების დიფერენცირება და წყაროს ძიება დამატებითი თერაპიის დაწყებამდე.
რკინა (Fe) ჰემოგლობინისა და მიოგლობინის სინთეზისათვის აუცილებელი ელემენტია, ორგანიზმში არსებული რკინის 70%-ს სწორედ ჰემოგლობინი იკავშირებს. იგი მცირე რაოდენობით ასევე შედის ზოგიერთი ფერმენტის შემადგენლობაში, დანარჩენი რკინა კი ორგანიზმში ინახება ფერიტინისა და ჰემოსიდერინის (ცილები, რომლებიც რკინას უჯრედებში ინახავენ) სახით. სისხლში ის უკავშირდება ტრანსფერინს (რკინის გადამტან ცილას) ტრანსპორტირებისთვის.
საკვებში შემავალი რკინის შეწოვა ხდება კუჭ-ნაწლავის ტრაქტიდან ყოველდღიურად მაქსიმუმ 2 მგ ოდენობით. ჯანმრთელ ადამიანებში რკინის შეწოვა აკომპენსირებს მის დანაკარგს განავლით, შარდით, ნაღვლით, ნაწლავის ეპითელიუმის უჯრედებით, კანით, ოფლითა და მენსტრუალური სისხლით, რაც ხელს უწყობს რკინის ჰომეოსტაზის შენარჩუნებას.
შრატში რკინის საერთო კონცენტრაცია დილით დაახლოებით 20%-ით მეტია, ვიდრე საღამოს.
ქალებში, რკინის დონე ჩვეულებრივ უფრო დაბალია, ვიდრე მამაკაცებში და დამოკიდებულია მენსტრუალური ციკლის ფაზაზე. ორივე სქესში ასაკთან ერთად რკინის დონე იკლებს.
სისხლში რკინის განსაზღვრისთვის რეკომენდებულია:
სისხლის აღება დილით, სასურველია უზმოდ. კვლევამდე 8–12 საათით საკვების მიღებისგან თავის შეკავება.
რკინის შემცველი პრეპარატებისა და დანამატების მიღების შესახებ ექიმის/ლაბორატორიის ინფორმირება. კვლევის ჩატარების წინ რკინის შემცველი მედიკამენტის მიღების შეწყვეტის საკითხს წყვეტს მკურნალი ექიმი.
სისხლში რკინის კონცენტრაცია დღის განმავლობაში და საკვების მიღების შემდეგ იცვლება, ამიტომ დილის საათებში აღებული ნიმუში შედეგების შედარებისთვის უფრო ხელსაყრელია.
შეუკვეთეთ ანალიზები ონლაინ
სხვა ტესტები




ტესტირების პროცესი
| ტესტის შეძენა | მასალის ჩაბარება |
| შედეგები ონლაინ | ექიმთან კონსულტაცია |
