ცისტატინ C | ლაბორატორიული კვლევა

ზოგადი ინფორმაცია

ცისტატინი С დაბალი მოლეკულური წონის მქონე ცილაა, რომელიც ცისტეინ-პროტეინაზების ინჰიბიტორების ჯგუფს განეკუთვნება და მონაწილეობს ცილების უჯრედშიდა კატაბოლიზმში.

ცისტატინის სინთეზი ხორციელდება ყველა ბირთვიან უჯრედში, მთელი ცხოვრების მანძილზე

მცირე მოლეკულური წონის და დადებითი ელექტრული მუხტის წყალობით, ცისტატინი C ადვილად იფილტრება თირკმლის გლომერულებით და უკუშეიწოვება პროქსიმალური მილაკებით. შესაბამისად, პროქსიმალური მილაკების ნორმალური ფუნქციონირების პირობებში, ის არ არის წარმოდგენილი შარდში.

ამ მახასიათებლების მიხედვით, ცისტატინი C წარმოადგენს გლომერულური ფილტრაციის სიჩქარის ენდოგენურ მარკერს. კორელაცია უკუპროპორციულია: ცისტატინის გაზრდილი ოდენობა შარდში მიუთითებს გლომერულური ფილტრაციის დაბალ დონეზე.

კვლევების მიხედვით, ცისტატინ C უკეთესი მარკერია, თირკმლის ფუნქციური მდგომარეობის შესაფასებლად, ვიდრე კრეატინინი.

როდის ტარდება კვლევა?

• ზომიერად დაქვეითებული გლომერულური ფილტრაცია (80 and 40 მლ/წთ)
• პაციენტები თირკმლის მწვავე უკმარისობით, რომლებიც იღებენ მედიკამენტებს/ნარკოტიკებს
• ხანდაზმულები, ბავშვები, ორსულები პრეეკლამფსიაზე ეჭვით, დიაბეტით, კუნთების დაავადებებით, თირკმლის გადანერგვით.

არსებობს მოსაზრება, რომ ცისტატინ C შესაძლოა ინფორმატიული მარკერი იყოს გულის მწვავე უკმარისობების დროს.

წინასწარი მომზადება – უმჯობესია კვლევა ჩატარდეს უზმოდ

საკვლევი მასალა – ვენური სისხლი

რეფერალური ნორმები

0 – 3 დღე –  ნორმა არ არსებობს

4-5 დღე  –   1,22     – 1,68

6 დღე- 1 თვე  –  1,37     – 1,89

1 თვე  – 1 წელი –  0,73     – 1,17

1 წელი  – 19 წელი –   0,60     – 0,84

19 წელი – 49წელი  0,53     – 0,92

49 წელი – 99 წელი –  0,58     – 1,02

შედეგების ინტერპრეტაცია

ცისტატინ C მაჩვენებლის ზრდა  არასაკმარის გლომერულურ ფილტრაციაზე მიუთითებს.

ახალშობილთა გლომერულური სისტემის მოუმწიფებლობის გამო, ცისტატინის მაჩვენებლის ზრდა შრატში აღინიშნება 3 თვემდე ასაკის ჩვილებში.

კორტიკოსტეროიდები თრგუნავს ცისტატინის სინთეზს უჯრედებში, რაც ლაბორატორიული მაჩვენებლის არასათანადო ინტერპრეტაციის მიზეზი შეიძლება იყოს.