ეპშტეინ-ბარის ვირუსი (EBV) | ანტისხეულები EBNA-IgG

ზოგადი ინფორმაცია

ეპშტეინ ბარის ვირუსი ფართოდ გავრცელებული ლიმფოტროპული ჰერპესვირუსია რომელიც ინფექციურ მონონუკლეოზს, ბერკიტის ლიმფომას, ნაზოფარინგეულ კარცინომას, X-შეჭიდულ ლიმფოპროლიფერაციულ სინდრომს და ქრონიკული დაღლილობის სინდრომს იწვევს.

ინფექციის გადაცემა ხორციელდება  დაავადებულ ადამიანთან პირდაპირი კონტაქტით.

ვირუსი მრავლდება პირ-ხახის ეპითელურ უჯრედებში, საიდანაც შემდგომ გამოიყოფა ნერწყვში და ლიმფოციტებში. პირველადი ინფიცირების შემდეგ ვირუსი რჩება ორგანიზმში ლატენტურ მდგომარეობაში მთელი სიცოცხლის მანძილზე.

ინფექციური მონონუკლეოზის დიაგნოსტიკა ემყარება კლინიკურ-ანამნეზურ მონაცემებს და სეროლოგიური კვლევის შედეგებს (ატიპური ლიმფოციტები და ანტისხეულები).

IgM ანტისხეულები ვითრდება პირველადი ინფიცირებიდან დაახლოებით 2 კვირაში. 2-3 თვის მანძილზე  IgM ანტისხეულების ტიტრი მცირდება და იმატებს  IgG ანტისხეულები, რომლებიც ხშირად გამოჯანმრთელების შემდეგაც რჩება.

არსებობს ეპშტეინ ბარის IgG ანტისხეულების ცალკე კლასი, რომლებიც ვითარდება ვირუსის ბირთვული ანტიგენის წინაღმდეგ (Epstein Barr nuclear antigen EBNA). ანტისხეულების ეს ტიპი დაავადების დაწყებიდან რამდენიმე კვირის ან თვის შემდეგ იწყებს განვითარდებას და რჩება გამოჯანმრთელების შემდეგაც. EBNA- IgG  ანტისხეულების გამოვლენა, დანარჩენ ანტისხეულებტან ერთად  გამოჯანმრთელების და მწვავე სტადიების ერთმანეთისგან დიფერენცირების საშუალებას გვაძლევს.

პაციენტის მომზადება – არ არის საჭირო

საკვლევი ნიმუში – ვენური სისხლი

ეპშტეინ ბარის ანტისხეულების განსაზღვრა ნაკლებად ინფორმატიულ შედეგებს იძლევა:

• იმუნოკომპრომეტირებულ პირებში
• ახალშობილებში
• ნაზოფარინგეული კარცინომის დიაგნოსტიკაში
• ბერკიტის ლიმფომის დიაგნოსტიკაში
• ტესტის შესრულება არ არის გამოკვლეული იმუნოდეფიციტური პაციენტების, ახალშობილების ან გელიაში სისხლის ნიმუშებისთვის; ის ასევე არ არის გამოკვლეული ნაზოფარინჯულ კარცინომას, ბურკიტის ლიმფომის ან სხვა ებვ-მიმართვადი ლიმფომების დიაგნოზისთვის.