Name: კრეატინინი | ლაბორატორიული კვლევა
Brand: სინევო
SKU: 1055
Price: 16.2 GEL
Availability: InStock
Rating: 5 (1 reviews)

ზოგადი ინფორმაცია

კრეატინინი

კვლევა ზომავს სისხლში კრეატინინის კონცენტრაციას. მისი მაჩვენებელი დამოკიდებულია როგორც თირკმელების მიერ სისხლის გაფილტვრის უნარზე, ისე კუნთოვან მასაზე, ასაკზე, სქესსა და ზოგიერთ სხვა ფაქტორზე.

კრეატინინის მაჩვენებლის საფუძველზე ხშირად გამოითვლება გორგლოვანი ფილტრაციის სავარაუდო სიჩქარე (eGFR), რომელიც თირკმელების ფილტრაციულ ფუნქციას უფრო სრულყოფილად აფასებს.

კრეატინინი კუნთებში ენერგეტიკული ცვლის პროცესში კრეატინის დაშლის შედეგად წარმოიქმნილი პროდუქტია. ის სისხლში მუდმივად ხვდება და ძირითადად თირკმელების საშუალებით გამოიყოფა შარდთან ერთად.

სისხლში კრეატინინის განსაზღვრა თირკმელების ფუნქციის შეფასების ერთ-ერთი მნიშვნელოვანი ლაბორატორიული კვლევაა.

როდის ჩავიტაროთ ტესტი?

კრეატინინის განსაზღვრა რეკომენდებულია:

თირკმელების ფუნქციის შესაფასებლად

თირკმლის მწვავე ან ქრონიკული დაავადების დიაგნოსტიკისა და მონიტორინგისთვის

არტერიული ჰიპერტენზიისა და შაქრიანი დიაბეტის მქონე პაციენტებში თირკმელების მდგომარეობის კონტროლისთვის

თირკმელებისთვის პოტენციურად საზიანო მედიკამენტების გამოყენებისას

ორგანიზმის სითხისა და ელექტროლიტური ბალანსის დარღვევების შეფასებისას

ზოგიერთი მედიკამენტის დოზის განსაზღვრისას, როდესაც საჭიროა თირკმლის ფუნქციის გათვალისწინება

შედეგების შესაძლო ინტერპრეტაცია

კრეატინინის მაჩვენებლის მომატება ახასიათებს შემდეგ პათოლოგიებს:

თირკმლის მწვავე ან ქრონიკული გლომერულური ან ტუბულო-ინტერსტიციული მიზეზით;

საშარდე გზების ობსტრუქცია (პოსტრენალური აზოტემია);

თირკმლის პერფუზიის დაქვეითება (პრერენალური აზოტემია): გულის შეგუბებითი უკმარისობა, შოკი, დეჰიდრატაცია;

კუნთოვან ქსოვილთან დაკავშირებული დარღვევები: მიასთენია, კუნთოვანი დისტროფიები, პოლიომიელიტი; რაბდომიოლიზი;

ჰიპერთირეოზი;

გიგანტიზმი, აკრომეგალია.

კრეატინინის მაჩვენებლის შემცირება ახასიათებს მდგომარეობებს:

ორსულობა (ნორმალური მნიშვნელობები: 0,4-0,6 მგ/დლ; 0,8 მგ/დლ-ზე მეტი დონე ითვლება პათოლოგიურად და საჭიროებს დამატებით გამოკვლევებს)

კუნთოვანი მასის შემცირებ

რაციონში ცილის დეფიციტი

ღვიძლის მძიმე დაავადება

საცნობარო მნიშვნელობები

კრეატინინის უფრო მაღალი დონე გვხვდება მამაკაცებში და დიდი კუნთოვანი მასის მქონე ადამიანებში.

კრეატინინის ერთი და იგივე კონცენტრაცია ახალგაზრდებში და ხანდაზმულებში არ ნიშნავს გლომერულური ფილტრაციის ერთსა და იმავე სიჩქარეს (ხანდაზმულებში კრეატინინის კლირენსი (გამოყოფა) მცირდება, მაგრამ ასევე მცირდება კრეატინინის გამომუშავება)

შრატის კრეატინინი თირკმლების ფუნქციის უფრო სპეციფიკური და მგრძნობიარე მაჩვენებელია, ვიდრე შარდოვანა. თუმცა, თირკმლების ქრონიკული დაავადების დროს სასარგებლოა როგორც კრეატინინის, ასევე შრატის შარდოვანას განსაზღვრა (BUN (Blood Urea Nitrogen) – სისხლის შარდოვანას აზოტის პარამეტრთან ერთად), რადგან BUN/კრეატინინის თანაფარდობა (ნორმა – 10-20) უფრო მეტ ინფორმაციას გვაწვდის თირკმლის ფუნქციის შესახებ.

საკვლევი მასალა: ვენური სისხლი

როგორ მოვემზადოთ კვლევისთვის?

ტესტის ჩასატარებლად უზმოდ ყოფნა არ არის აუცილებელი

აუცილებელია ლაბორატორიის ინფორმირება იმ მედიკამენტებზე, რომელსაც იღებს პაციენტი – ციმეტიდინი, არასტეროიდული ანთების საწინააღმდეგო საშუალებები ასპირინი, იბუპროფენი, ქიმიოთერაპიული საშუალებები, ცეფალოსპორინები და სხვა.

კვლევის ჩატარებამდე 12-24 საათის განმავლობაში რეკომენდებულია ხორცის მიღებისგან თავის შეკავება

კვლევამდე 12 საათის განმავლობაში უნდა გამოირიცხოს ალკოჰოლი, თამბაქო და ალკოჰოლი

შეუკვეთეთ ყველა ანალიზი ონლაინ


ტესტის შეძენა	მასალის ჩაბარება


შედეგები ონლაინ	ექიმთან კონსულტაცია

კრეატინინი | ლაბორატორიული კვლევა

ზოგადი ინფორმაცია