C რეაქტიული ცილა (CRP)

საცნობარო მნიშვნელობები

C რეაქტიული ცილის ფიზიოლოგიური როლი კომპლექსურია:

• კალციუმზე დამოკიდებული მექანიზმით ის უკავშირდება მრავალი ფოსფოლიპიდის, განსაკუთრებით პნეუმოკოკური C პოლისაქარიდის, ფოსფორილ-ქოლინურ ნარჩენებს (აქედან გამომდინარეობს მისი სახელწოდება);
• უკავშირდება ქრომატინს და ჰისტონს და მონაწილეობს უჯრედის ნარჩენებისგან გაწმენდაში;
• უკავშირდება ფაგოციტებს და აჩქარებს ანტიგენებისა და მიკროორგანიზმების ფაგოციტოზს;
• მონაწილეობს კომპლემენტის კლასიკური გზით გააქტიურებაში;
• უკავშირდება LDL ლიპოპროტეინებს და სავარაუდოდ მნიშვნელოვან როლს ასრულებს ათეროსკლეროზული ფოლაქიდან მათ მოცილებაში.
• CRP თავისთავად არის ანთების „გამომწვევი“, რადგან ის ასტიმულირებს IL-1, IL-6 და TNF-α -ს წარმოქმნას მონოციტების მიერ. მიუხედავად იმისა, რომ CRP-ის ძირითადი წყარო არის ღვიძლი, ბოლო მონაცემები მიუთითებს, რომ არტერიულ ქსოვილს შეუძლია გამოიმუშაოს როგორც CRP, ასევე პროტეინები, რომლებიც მიეკუთვნება კომპლემენტის სისტემას. CRP-ის დონე შეიძლება მკვეთრად გაიზარდოს (100-ჯერ ან მეტი) მძიმე ტრავმის, ბაქტერიული ინფექციების, ანთების, ქირურგიული ჩარევის შემდეგ.

საკვლევი მასალა: ვენური სისხლი.

შეუკვეთეთ ანალიზები ონლაინ

გაიგე მეტი