Search
Close this search box.
ლაბორატორიული ტესტები
კოვიდ-19 | პროფილაქტიკური პანელები
კოვიდ-19 | პასპორტი
კოვიდ-19 | ტესტების ჯგუფური პროფილები & ბინაზე მომსახურება
ალერგოლოგია & იმუნოლოგია
ანემიის ტესტები
აუტოიმუნური დარღვევების დიაგნოსტიკა
ბაქტერიოლოგია (ანტიბიოტიკოგრამით*)
განავლის გამოკვლევა
გენეტიკური ტესტები
გულ-სისხლძარღვთა დაავადებები
ვიტამინები
ინფექციური დაავადებები
კარდიალური მარკერები
კლინიკური ბიოქიმია
კოაგულაცია
კოვიდ-19 | PCR და ანტიგენის ტესტები გუდაურში
კოვიდ-19 | ტესტები
კოვიდ-19 | ტესტები გამოძახებით
ლაბორატორიული მომსახურეობა ბინაზე
თერაპიული მედიკამენტების მონიტორინგი
მიკროსკოპია
მოლეკულური ბიოლოგია (პჯრ)
მძიმე მეტალების განსაზღვრა
პარაზიტოლოგია
პრენატალური დიაგნოსტიკა
პროფილური კვლევები
საშვილოსნოს ყელის კიბოს სკრინინგ ტესტები
სიმსივნური მარკერები
სისხლის ბიოქიმია
სპეციფიური ცილები
ფარისებრი ჯირკვლის გამოკვლევა
შარდის ანალიზი
შარდის ბიოქიმია
ჰემატოლოგია
ჰისტოპათოლოგია
ჰორმონები

Read More

ხარისხი & სიზუსტე

გამოცდილება

უახლესი ტექნოლოგიები

სისწრაფე &
სანდოობა

ანემიის პროფილი | ლაბორატორიული კვლევა

ცნობილი როგორც:ანემიის პროფილი: ფერიტინი, ტრანსფერინი, რკინა, სისხლის საერთო ედს-ით.
SKU: 747

72.00

საკვლევი მასალა: ვენური სისხლი
პასუხის დრო (სამუშაო დღე): 1-2
ტესტი კეთდება უზმოზე: დიახ
ბინაზე გამოძახების სერვისი: დიახ
ქვეყანა: Georgia

დამატებითი ინფორმაცია

ანემიის პროფილური კვლევა შეიძლება ჩატარდეს მაშინ, როდესაც საეჭვოა სისხლში წითელი უჯრედებისა და ჰემოგლობინის რაოდენობა და ხარისხი, როდესაც არსებობს ანემიის სიმპტომები ან ფაქტორები, რომლებიც იწვევენ მის გამოვლენას.

ანემიის პროფილი მოიცავს 4 ლაბორატორიულ კვლევას(თითოეულ პარამეტრზე დამატებითი ინფორმაციის მისაღებად დააჭირეთ კონკრეტულ პროდუქტს):

  1. ფერიტინი
  2. ტრანფერინი
  3. რკინა
  4. სისხლის საერთო ანალიზი & ერითროციტების დალექვის სიჩქარე (ედს)

ზოგადი ინფორმაცია

ფერიტინი

ფერიტინი – წყალში ხსნადი რკინის ჰიდროქსიდის კომპლექსი ცილა აპოფერიტინთან ერთად, გვხვდება ღვიძლის, ელენთის, ძვლის ტვინის უჯრედებში, რეტიკულოციტებში და მცირე რაოდენობით სისხლის შრატში, სადაც ის ასრულებს რკინის ტრანსპორტირების ფუნქციას.

ფერიტინის კონცენტრაცია დამოკიდებულია რკინის მარაგზე, ამიტომ ეს მაჩვენებელი გამოიყენება რკინის დეფიციტის ან სიჭარბის დიაგნოსტიკისა და მონიტორინგისთვის და ანემიის დიფერენციალური დიაგნოზისთვის.

ფერიტინის დონე იზრდება – მეგალობლასტური, სიდერობლასტური, ჰემოლიზური ანემიების და სხვა მდგომარეობების დროს;

ფერიტინის კონცენტრაცია მცირდება – რკინადეფიციტური ანემიის, სხვადასხვა ეტიოლოგიის ქრონიკული დაავადებების, მწვავე სისხლდენისა და სხვა პათოლოგიების დროს. (იხ. ფერიტინი | ლაბორატორიული კვლევა

 

ტრანსფერინი

ტრანსფერინი მიეკუთვნება ბეტა-გლობულინებს, ის სინთეზირდება ძირითადად ღვიძლის პარენქიმული უჯრედების მიერ, მცირე რაოდენობით – ცენტრალურ ნერვულ სისტემაში, საკვერცხეებში, სათესლე ჯირკვლებსა და T-ჰელპერებში. ტრანსფერინის სინთეზი დამოკიდებულია ღვიძლის ფუნქციურ მდგომარეობაზე, ორგანიზმში რკინის მარაგსა და რკინის საჭიროებაზე.

ტრანსფერინის მთავარი ფუნქციაა ნაწლავში აბსორბირებული რკინის ტრანსპორტირება მის დეპოებამდე (ღვიძლი, ელენთა), რეტიკულოციტებამდე და მათ წინამორბედებამდე ძვლის ტვინში.

ადამიანის ორგანიზმში ტრანსფერინის მთლიანი რაოდენობის მხოლოდ 25-40% შეიცავს რკინას. ორგანიზმში რკინის დეფიციტის და სისხლის შრატში რკინის დონის დაქვეითებისას, ტრანსფერინის შემცველობა იზრდება. ამ მაჩვენებლების ცვლილება რკინადეფიციტური ანემიის ერთ-ერთი ყველაზე მნიშვნელოვანი ნიშანია. მსგავსი ცვლილებები შეინიშნება ორსულობის დროს და ბავშვობაში, მაგრამ ისინი ნაკლებად გამოხატულია. ტრანსფერინის კონცენტრაციის  მატება ამ შემთხვევებში დაკავშირებულია მისი სინთეზის ზრდასთან ორგანიზმის გაზრდილი მოთხოვნილების დასაკმაყოფილებლად.

სისხლის შრატში რკინის შემცველობასთან შედარებით, ტრანსფერინის დონე უფრო სტაბილური მაჩვენებელია და ნაკლებად არის დამოკიდებული სქესზე, ასაკზე და ყოველდღიურ ცვლილებებზე. (იხ. ტრანსფერინი | ლაბორატორიული კვლევა)

 

რკინა

რკინა ჰემოგლობინისა და მიოგლობინის სინთეზისათვის აუცილებელი ელემენტია, ორგანიზმში არსებული რკინის 70%-ს სწორედ ჰემოგლობინი იკავშირებს. იგი მცირე რაოდენობით ასევე შედის ზოგიერთი ფერმენტის შემადგენლობაში, დანარჩენი რკინა კი ორგანიზმში ინახება ფერიტინისა და ჰემოსიდერინის (ცილები, რომლებიც რკინას უჯრედებში ინახავენ) სახით. სისხლში ის უკავშირდება ტრანსფერინს (რკინის გადამტან ცილას) ტრანსპორტირებისთვის.

რკინის დონე იზრდება – სიდერობლასტური, ჰემოლიზური და აპლასტიური ანემიების და სხვა მდგომარეობების დროს. (იხ. რკინა (Fe) | ლაბორატორიული კვლევა )

 

სისხლის საერთო ანალიზი და ედს

სისხლის საერთო ანალიზი გამოიყენება ჯანმრთელობის ზოგადი მდგომარეობის შესაფასებლად. ის ასევე შეიძლება იყოს დიაგნოზის მაჩვენებელი მრავალი დაავადების შემთხვევაში, როგორიცაა ანემია, ანთებითი მდგომარეობები, ლეიკემია და სხვა.

სისხლის საერთო და ედს-ის ანალიზი კეთდება ერთად და გულისხმობს სისხლის 20 მორფოლოგიური პარამეტრისა და ერითროციტების დალექვის სიჩქარის ანუ ედს-ის შემოწმებას.

ეს პარამეტრებია:

  1. ლეიკოციტების/სისხლის თეთრი უჯრედების რაოდენობა (WBC)
  2. ერითროციტების/სისხლის წითელი უჯრედების რაოდენობა (RBC)
  3. ჰემოგლობინის კონცენტრაცია (HGB)
  4. ჰემატოკრიტი (HCT)

ერითროციტული ინდექსები:

  1. ერითროციტების საშუალო მოცულობა (MCV)
  2. ერითროციტებში ჰემოგლობინის საშუალო შემცველობა (MCH)
  3. ჰემოგლობინის საშუალო კონცენტრაცია ერითროციტებში (MCHC)
  4. ერითროციტების განაწილების ფართი (RDW)

თრომბოციტების მაჩვენებლები:

  1. თრომბოციტების რაოდენობა (PLT)
  2. თრომბოციტების საშუალო მოცულობა (MPV)

ლეიკოციტური ფორმულა (ლეიკოგრამა):

  1. ნეიტროფილები % (NEUT %)
  2. ლიმფოციტები % (LYMPH %)
  3. მონოციტები % (MONO %)
  4. ეოზინოფილები % (EO %)
  5. ბაზოფილები % (BASO %)
  6. ნეიტროფილების აბსოლუტური მაჩვენებელი (NEUT Abs)
  7. ლიმფოციტების აბსოლუტური მაჩვენებელი (LYMPH Abs)
  8. მონოციტების აბსოლუტური მაჩვენებელი (MONO Abs)
  9. ეოზინოფილების აბსოლუტური მაჩვენებელი (EO Abs)
  10. ბაზოფილების აბსოლუტური მაჩვენებელი (BASO Abs)

ერითროციტების დალექვის სიჩქარე ედს (ESR) – პირდაპირპროპორციულია ერითროციტების მასის, ერითროციტებისა და პლაზმის სიმკვრივის სხვაობის და უკუპროპორციულია პლაზმის სიბლანტისა.

პათოლოგიაში მის ცვლილებებს აქვს დიაგნოსტიკური და პროგნოზული მნიშვნელობა და ის შეიძლება მკურნალობის ეფექტურობის მაჩვენებელი გახდეს. (იხ. სისხლის საერთო ანალიზი & ედს-ი)

ანემიის დიაგნოსტიკისთვის, თქვენი ექიმი სავარაუდოდ დაინტერესდება, განსაკუთრებით, თქვენს სისხლში შემავალი სისხლის წითელი უჯრედების (ჰემატოკრიტის) და ჰემოგლობინის დონეებით.

 

როდის ჩავიტაროთ ანემიის პროფილური კვლევა?

პროფილური კვლევა ტარდება ანემიის დიაგნოსტირებისა და გამომწვევი მიზეზის მიხედვით მისი დიფერენცირებისთვის.

ანემიის ნიშნები და სიმპტომები განსხვავდება ანემიის მიზეზისა და სიმძიმის მიხედვით. ანემიის გამომწვევი მიზეზებიდან გამომდინარე, შეიძლება სიმპტომები საერთოდ არ აღინიშნებოდეს, თუმცა  გამოვლენის შემთხვევაში სახეზეა შემდეგი სიმპტომები:

  • დაღლილობა;
  • სისუსტე;
  • ფერმკრთალი ან მოყვითალო კანი;
  • არარეგულარული გულისცემა;
  • Ჰაერის უკმარისობა;
  • თავბრუსხვევა;
  • Მკერდის ტკივილი;
  • ცივი ხელები და ფეხები;
  • თავის ტკივილი;

თავიდან ანემია შეიძლება იყოს ისეთი მსუბუქი, რომ ვერ შეამჩნიოთ, მაგრამ სიმპტომები უარესდება ანემიის გაუარესებასთან ერთად.

შესაბამისად, ამ სიმპტომების არსებობის შემთხვევაში მიზანშეწონილია ექიმთან კონსულტაცია და ანემიის პროფილური კვლევის ჩატარება.

როგორ მოვემზადოთ კვლევისთვის?

  • ტესტის ჩატარება სასურველია დილით, უზმოდ.
  • გამოკვლევამდე 8-12 საათის განმავლობაში უნდა შეიზღუდოს ალკოჰოლის მიღება, მოწევა, საკვების მიღება, ფიზიკური დატვირთვა.
  • ტესტირებამდე არ არის რეკომენდებული რკინის შემცველი მედიკამენტების ან რკინის დანამატების მიღება.
  • მედიკამენტების მიღების შესახებ აცნობეთ ლაბორატორიას.

საკვლევი მასალა

ვენური სისხლი

შედეგების შესაძლო ინტერპრეტაცია

თუ ტესტმა გამოავლინა დარღვევები, შესაძლოა საჭირო გახდეს დიაგნოსტიკის დამატებით სხვა მეთოდების გამოყენება. ამისთვის აუცილებლად უნდა მიმართოთ ექიმ-სპეციალისტს, რომელიც სიმპტომების გათვალისწინებით სწორად შეარჩევს შესაბამის გამოკვლევებს დიაგნოზის ზუსტად დასასმელად.

 

 

 

რესურსები

https://www.mayoclinic.org/diseases-conditions/anemia/symptoms-causes/syc-20351360

https://spravochnik.synevo.ua/ru/diagnostica-anemii/ferritin.html

https://spravochnik.synevo.ua/ru/diagnostica-anemii/transferrin.html

https://www.synevo.bg/palna-kravna-kartina/

https://www.synevo.pl/zelazo/

ტესტირების პროცესი

ტესტის შეძენა მასალის ჩაბარება

ტესტის შეძენა

მასალის ჩაბარება

შედეგები ონლაინ ექიმთან კონსულტაცია

შედეგები ონლაინ

ექიმთან კონსულტაცია

ლაბორატორიები
Call Now Button