ალფა-2 მაკროგლობულინი

ზოგადი ინფორმაცია

ალფა-2-მაკროგლობულინი A2M პლაზმის უდიდესი, არაიმუნოგლობულინი ცილაა (725 კილოდალტონი მოლეკულური წონით), რომელიც შედგება 4 პოლიპეპტიდური ჯჭვისგან. თითოეული პოლიპეპტიდური ჯაჭვი დაახლოებით 35 ამინომჟავისგან შედგება და (C3 C4 კომპლემენტის მსგავსად) შეიცავს თიოესთერულ დომენს. ალფა-2-მაკროგლობულინი A2M წარმოადგენს ენდოპროტეაზების  ფართო სპექტრის ინჰიბიტორს. მას შეუძლია თითქმის ყველა ტიპის სერინის, თიოლის, მეტალ-პროტეაზების და კარბოქსილ-პროტეაზების ინჰიბირება (ბლოკირება).

ნორმალურ მდგომარეობაში ალფა-2-მაკროგლობულინის A2M შრატის დონე, ქალებსი უფრო მაღალია ვიდრე მამაკაცებში, რაც ესტროგენების გავლენასთანაა დაკავშირებული.

ალფა-2-მაკროგლობულინი A2M მწვავე ფაზის ცილაა. ციტოკინები, როგორებიცაა: TGF-ბეტა, IL1, IL2, IL6, PDGF, FGF, VEGF უკავშირდება ალფა-2-მაკროგლობულინს. ეს გავლენას ახდენს ჰეპატოციტებში მწვავე ფაზის ცილების სინთეზზე.

ალფა-2-მაკროგლობულინი A2M ასევე ახდენს კოაგულაციის ინჰიბირებას –  თრომბინის და აქტივირებული ფაქტორი X (FXa) ინჰიბირების გზით. ასევე მოქმედებს, როგორც ფიბრინოლიზის დამთრგუნველი –  პლაზმისნის და კალიკრეინის ინაქტივაციის გზით.

ალფა-2-მაკროგლობულინი A2M ჩართულია ალცჰეიმერის დაავადების მექანიზმში, რადგან ის მნიშვნელოვანწილად მონაწილეობს ბეტა-ამილოიდის კომპონენტების დეპონირებასა და დეგრადაციაში.

ნეფროზული სინდრომისას, როდესაც იზრდება პლაზმის ცილების ფილტრაცია და ქვეითდება მათი უკუშეწოვა, ალფა-2-მაკროგლობულინის  მოლეკულები დიდი ზომის გამო ვერ გადის თირკმლის ილაკებს და შრატში მისი კონცენტრაცია 10-ჯერ და მეტჯერ იმატებს ნორმასთან შედარებით.

პაციენტებს პროტეოლიზური დაავადებებით, როგორიცაა მაგალითად პანკრეატიტი, აღენიშნებათ ალფა-2-მაკროგლობულინის დაბალი კონცენტრაცია.

ალფა-2-მაკროგლობულინი ასევე წარმოადგენს ღვიძლის ფიბროზის შეფასების არაინვაზიური  ალგორითმის – ფიბრომაქსის და ფიბროტესტის შემადგენელ კომპონენტს.

როდის ტარდება კვლევა?

• პანკრეატიტი
• ნეფროზული სინდრომმი
• შაქრიანი დიაბეტი
• ღვიძლის ციროზი

პაციენტის მომზადება: კვლევა ტარდება უზმოდ

რეფერენტული ნორმა: 1.3-3 გ/ლ

შედეგების ინტერპრეტაცია

• ნეფროზული სინდრომის დროს ალფა-2-მაკროგლობულინის ზრდა პირდაპირპროპორციულია დაავადების მიმდინარეობის სიმძიმესთან.
• პლაზმაში ალფა-2-მაკროგლობულინის ზომიერი მატება ახასიათებს ღვიძლის ციროზს და დიაბეტური ნეფროპათიის ადრეულ სტადიას
• ქირურგიული ჩარევის შემდგომი მდგომარეობების, ღვიძლის მწვავე უკმარისობის ზოგიერთი შემთხვევების და მწვავე პანკრეატიტითვის დამახასიათებელია ალფა-2-მაკროგლობულინის კონცენტრაციის შემცირება პლაზმაში.
• ალფა-2-მაკროგლობულინის დაბალი მაჩვენებელი ახასიათებს სეფსისს და დაავადების ცუდი პროგნოზული მაჩვენებელია.
• პაციენტებს, გადატანილი მიოკარდიუმის მწვავე ინფარქტით და ალფა-2-მაკროგლობულინის დაბალი კონცენტრაციით სისხლში, აქვთ უკეთესი პროგნოზული მაჩვენებელი და გადარჩენის მეტი შანსი უახლოესი 1 წლის განმავლობაში.