Search
Close this search box.
ლაბორატორიული ტესტები
კოვიდ-19 | პროფილაქტიკური პანელები
კოვიდ-19 | პასპორტი
კოვიდ-19 | ტესტების ჯგუფური პროფილები & ბინაზე მომსახურება
ალერგოლოგია & იმუნოლოგია
ანემიის ტესტები
აუტოიმუნური დარღვევების დიაგნოსტიკა
ბაქტერიოლოგია (ანტიბიოტიკოგრამით*)
განავლის გამოკვლევა
გენეტიკური ტესტები
გულ-სისხლძარღვთა დაავადებები
ვიტამინები
ინფექციური დაავადებები
კარდიალური მარკერები
კლინიკური ბიოქიმია
კოაგულაცია
კოვიდ-19 | PCR და ანტიგენის ტესტები გუდაურში
კოვიდ-19 | ტესტები
კოვიდ-19 | ტესტები გამოძახებით
ლაბორატორიული მომსახურეობა ბინაზე
თერაპიული მედიკამენტების მონიტორინგი
მიკროსკოპია
მოლეკულური ბიოლოგია (პჯრ)
მძიმე მეტალების განსაზღვრა
პარაზიტოლოგია
პრენატალური დიაგნოსტიკა
პროფილური კვლევები
საშვილოსნოს ყელის კიბოს სკრინინგ ტესტები
სიმსივნური მარკერები
სისხლის ბიოქიმია
სპეციფიური ცილები
ფარისებრი ჯირკვლის გამოკვლევა
შარდის ანალიზი
შარდის ბიოქიმია
ჰემატოლოგია
ჰისტოპათოლოგია
ჰორმონები

Read More

ხარისხი & სიზუსტე

გამოცდილება

უახლესი ტექნოლოგიები

სისწრაფე &
სანდოობა

პროფილაქტიკური გამოკვლევების პროფილი & ანტისხეულები SARS-Cov-2-ის სპაიკ (S) ცილის მიმართ

ცნობილი როგორც:Prophylactic Tests Profile & Antibodies to SARS-Cov-2 Spike
SKU: 1664

110.00

არ არის მარაგში

საკვლევი მასალა: სისხლი
პასუხის დრო (სამუშაო დღე): 1
ტესტი კეთდება უზმოზე: დიახ
ბინაზე გამოძახების სერვისი: დიახ
ქვეყანა: Georgia

დამატებითი ინფორმაცია

პროფილაქტიკური გამოკვლევების პროფილი

ზოგადი ინფორმაცია

პროფილაქტიკური გამოკვლევების პროფილი არის ჯანმრთელობის მდგომარეობის სწრაფი და უნიკალური გამოკვლევა, რომელიც ემსახურება დიაგნოსტირებას ავადმყოფობის ნიშნების კლინიკურად გამოვლენამდე.
პროფილი საშუალებას გვაძლევს აღმოვაჩინოთ ავადმყოფობა საწყის ეტაპზე, რაც მნიშვნელოვნად ამცირებს საშიში დაავადებების განვითარების რისკს.

პროფილი მოიცავს შემდეგი 10 პარამეტრის კვლევას (თითოეულ პარამეტრზე დამატებითი ინფორმაციის მისაღებად დააჭირეთ კონკრეტულ პროდუქტს):

როდის ჩავიტაროთ ტესტი?

მიზანშეწონილია 6 თვეში ერთხელ ჯანმრთელობის მდგომაროების შემოწმება. შესაბამისად, პროფილი განკუთვნილია იმ ადამიანებისთვის, მიუხედავად ასაკისა, ვისაც სურს მუდმივად აკონტროლოს საკუთარი ჯანმრთელობა და თავიდან აიცილოს შესაძლო გართულებები.

როგორ მოვემზადოთ ტესტისთვის?

ანალიზისთვის სისხლის აღება აუცილებელია უზმოდ (საკვების ბოლო მიღებიდან გასული უნდა იყოს არანაკლებ 12 საათისა).
ზოგიერთმა მედიკამენტმა შეიძლება გავლენა იქონიოს ტესტის პარამეტრების შედეგებზე, ამიტომ ანალიზისთვის მოსამზადებლად აუცილებელია ექიმთან კონსულტაცია და მისგან დეტალური მითითებების მიღება.

საკვლევი მასალა

ვენური სისხლი

შედეგების შესაძლო ინტერპრეტაცია

თუ ტესტმა გამოავლინა დარღვევები, შესაძლოა საჭირო გახდეს დიაგნოსტიკის დამატებითი, სხვა მეთოდების გამოყენება. ამისთვის აუცილებლად უნდა მიმართოთ ექიმ-სპეციალისტს, რომელიც სიმპტომების გათვალისწინებით სწორად შეარჩევს შესაბამის გამოკვლევებს დიაგნოზის ზუსტად დასასმელად.

SARS-Cov-2 სპაიკის (S) ცილის საწინააღმდეგო ანტისხეულები

ზოგადი ინფორმაცია

SARS-Cov-2-ის სპაიკის (S) ცილის  საწინააღმდეგო ანტისხეულებზე ტესტის  ჩატარება შესაძლებელია ვაქცინაციის შემდეგ ანტისხეულების ტიტრის მონიტორინგისთვის ან/და  „კოვიდ-19“ ინფექციის შემდეგ იმუნური სტატუსის შესაფასებლად.

„კოვიდ-19“ ინფექციის გამომწვევი SARS-CoV-2 ვირუსით ინფიცირებისას ვითარდება ორგანიზმის კომპლექსური იმუნური პასუხი, რომელიც გულისხმობს სპეციფიური ანტისხეულების გამომუშავებას ვირუსული ანტიგენების – ე.წ „სპაიკ“(S) და ნუკლეოკაფსიდური (N) ცილების მიმართ.

ჰუმორული იმუნური რეაქციის შესწავლამ, რომელიც ჩატარდა ვირუსლოგიურად დადასტურებულ SARS-CoV-2 ინფექციის მქონე 285 პაციენტთა ჯგუფში, აჩვენა, რომ სიმპტომების გამოვლენიდან 19 დღის განმავლობაში, ყველა პაციენტს ქონდა ტესტის დადებითი შედეგი IgG ანტისხეულების მიმართ. აგრეთვე, IgM ან IgG სეროკონვერსია მიმდინარეობდა ერთდროულად ან თანმიმდევრულად და სეროკონვერსიის შემდგომ, ანტისხეულების ტიტრმა მიაღწია პლატოს 6 დღის განმავლობაში. (იმუნოლოგიაში სეროკონვერსია არის სისხლის შრატში სპეციფიური ანტისხეულების განვითარება ინფექციის ან იმუნიზაციის შედეგად).

საინტერესოა, რომ „კოვიდ-19“ ინფექციით დაავადებული პაციენტების 164 კონტაქტის დამატებითი სეროლოგიური გამოკვლევის შედეგად იდენტიფიცირდა ადამიანთა მცირე ჯგუფი (4.3%) უარყოფითი PCR(პჯრ) შედეგებით, რომელთაც გამოუვლინდათ ვირუს-სპეციფიური IgG ან IgM ანტისხეულები, რაც მიანიშნებს იმაზე, რომ მოცემული ტესტი შეიძლება სასარგებლო იყოს ინფექციის ასიმპტომური კონტაქტების მონიტორინგისთვის.

სხვა კვლევამ ( Sun et al.), შეისწავლა ანტი – (N) ნუკლეოკაფსიდური და ანტი – (S) ცილოვანი სპეციფიური IgM და IgG ანტისხეულების კინეტიკა. გაანალიზდა „კოვიდ-19“-ით დაავადებული 38 პაციენტის 130 ნიმუში, რამაც აჩვენა, რომ N-IgM, N-IgG, S-IgM და S-IgG ანტისხეულების სეროკონვერსია მიმდინარეობდა თანდათანობით, სიმპტომების გამოვლენიდან 1–3 კვირის განმავლობაში.

N-IgM და S-IgM ანტისხეულებმა პიკს მიაღწია მეორე კვირაზე, ხოლო N-IgG და S-IgG ანტისხეულები მესამე კვირაზეც განაგრძობდნენ ზრდას. N-IgM, N-IgG, S-IgM და S-IgG ანტისხეულების საერთო გამოვლენა აფიქსირებს ინფექციების 75% -ს პირველ კვირაში, 94,7%-ს მეორე კვირაში და 100%-ს სიმპტომების გამოვლენიდან მესამე კვირაში.

რაც შეეხება ვაქცინებს, რომლებიც ხელმისაწვდომია 2020 წლის ბოლოდან, სრულად აკოდირებენ „სპაიკ“ (S) ცილას. შესაბამისად, ვაქცინაციის შემდეგ წარმოქმნილ ანტისხეულებს აქვთ ძლიერი გამანეიტრალებელი უნარი, რომელიც მიმართულია „სპაიკ“ (spike) ცილის შემაკავშირებელი დომენის, ე.წ. RBD-ის წინააღმდეგ.

ტესტის უპირატესობა:

• მოცემული ტესტი განსაზღვრავს ანტისხეულების საერთო რაოდენობას (IgG ანტისხეულების ჩათვლით), რომლებიც წარმოიქმნება პაციენტის სისხლის შრატში ვირუსული ანტიგენის – „სპაიკ“ (Spike) ცილის (S1 სუბერთეულის) RBD (რეცეპტორების შემაკავშირებელი დომენის) უბნის მიმართ.
• მეთოდი: ელექტროქემილუმინესცენცია (ECLIA), სრულად ავტომატური დახურული სისტემა. ანალიზატორი Cobas e 411; მწარმოებელი: Roche (გერმანია).
• მაღალი სპეციფიურობა (100%) და მგრძნობელობა (98.8%).
ჰუმორული იმუნური პასუხის რაოდენობრივი შეფასება გვაძლევს საშუალებას სპეციფიური ანტისხეულების ტიტრის განსაზღვრით მოვახდინოთ პაციენტთა იმუნური რეაქციების დინამიკის მონიტორინგი. 

როდის ჩავიტაროთ ტესტი?

• ვაქცინაციის შემდეგ იმუნური პასუხის შეფასება;
• იმუნური პასუხის შეფასება (SARS-CoV-2) „კოვიდ-19“ ინფექციის შემდეგ.

როგორ მოვემზადოთ ტესტისთვის?

• სპეციალური მომზადება საჭირო არ არის
• საჭიროა ვენური სისხლის ნიმუში.

დაიცავით ეპიდუსაფრთხოების წესები!

შედეგების შესაძლო ინტერპრეტაცია

• <0.8U/mL – ნეგატიური (უარყოფითი).
• ≥ 0.80 U/mL – პოზიტიური (დადებითი).
დადებითი შედეგი მიუთითებს ახლად ან წინათ გადატანილ SARS-CoV-2 ინფექციაზე და/ან ვაქცინაციის შემდგომ განვითარებულ იმუნურ პასუხზე.
უარყოფითი შედეგი მიუთითებს SARS-CoV-2 ვირუსთან კონტაქტის არარსებობაზე. ასევე, უარყოფითი შედეგი არ გამორიცხავს SARS-CoV-2 ინფექციის არ არსებობას, თუ ტესტის ჩატარება მოხდა ანტისხეულების გამომუშავებამდე ან ვაქცინაციისთანავე, აგრეთვე დასუსტებული იმუნიტეტის მქონე პაციენტებში.

ტესტირების პროცესი

ტესტის შეძენა მასალის ჩაბარება

ტესტის შეძენა

მასალის ჩაბარება

შედეგები ონლაინ ექიმთან კონსულტაცია

შედეგები ონლაინ

ექიმთან კონსულტაცია

ლაბორატორიები
Call Now Button