რა არის წითელი თვალის სინდრომი?

„წითელი თვალის სინდრომი“ აღწერს მდგომარეობას, როდესაც სხვადასხვა მიზეზით შესაძლოა განვითარდეს თვალის ლორწოვანის გაღიზიანება, ან დაზიანება. თვალის ლორწოვანი გარსის – სკლერის სიწითლეს მასში არსებული სისხლძარღვების ანთება და სისხლსავსეობა იწვევს.

თვალის სიწითლე შესაძლოა განვითარდეს ერთ, ან ორივე თვალზე; დაიწყოს მოულოდნელად, ან თანდათანობით. თვალის სიწითლესთან ერთად ხშირად ვითარდება სხვა სიმპტომები:

• თვალის ტკივილი
• ქუთუთოების ქავილი
• ცრემლდენა, ან ჩირქოვანი გამონადენი თვალიდან
• ქუთუთოების შეშუპება და სიწითლე
• მხედველობის დაბინდვა და სხვა

წითელი თვალის სინდრომის მიზეზები

თვალის სიწითლის გამომწვევი მიზეზები არაერთია:

• ალერგია
• ბლეფარიტი (ქუთუთოების ანთება)
• კონიუნქტივიტი (თვალის ლორწოვანის ანთება)
• თვალის სიმშრალე
• მექანიკური გაღიზიანება ან დაზიანება
• გლაუკომა და სხვა

იმის მიხედვით, თუ რა იწვევს თვალის სიწითლეს, პაციენტის ჩივილები სხვადასხვანაირია:

• ზოგჯერ ჩივილები საერთოდ არ არის
• შესაძლოა აღინიშნოს ქავილი და გაღიზიანება
• ტკივილი და ზეწოლის შეგრძნება
• ცრემლდენა ან მხედველობის დაბინდვა

მკურნალობა

მკურნალობა დამოკიდებულია თვალის სიწითლის გამომწვევ მიზეზებზე. თუ ლორწოვანის სიწითლესთან ერთად სხვა სიმპტომებიცაა გამოხატული, რაც ერთ კვირაზე მეტად გრძელდება – უმჯობესია მიმართოთ სპეციალისტს.

როდის მივმართოთ ექიმს?

წითელი თვალის სინდრომი როგორც წესი თავისთავად გაივლის რამდენიმე დღეში, თუმცა, არსებობს საყურადღებო ნიშნები, რომლებიც სპეციალისტის ჩართულობას მოითხოვს, ესენია:

• თვალის კაკლის დარბილების შეგრძნება
• მხედველობის გაუარესება
• სინათლისდმი მომატებული მგრძნობელობა
• მდგომარეობის გახანგრძლივება 1 კვირაზე მეტხანს
• ლორწოს ან ჩირქის გაძლიერებული გამოყოფა
• ტკივილი და შეშუპება თვალის ან თვალბუდის მიდამოში
• ცხელება და სხვა

ლაბორატორია “სინევო” გთავაზობთ  ლაბორატორიული ტესტების მრავალფეროვნებას:

ანტიბიოტიკოგრამა კეთდება საჭიროების მიხედვით

კვლევის შედეგების გაცემის დრო არ არის აბსოლუტური, შეიძლება შეიცვალოს სხვადასხვა ფაქტორების გათვალისწინებით

რესურსები

https://my.clevelandclinic.org/health/symptoms/17690-red-eye

n.manjaparashvili@synevo.ge