საერთო ცილა (24 საათიანი შარდი)

ზოგადი ინფორმაცია

საერთო ცილა (24 საათიანი შარდი) — კვლევა განსაზღვრავს 24 საათის განმავლობაში შარდით გამოყოფილი ცილის საერთო რაოდენობას. ტესტი გამოიყენება თირკმლის ფუნქციის შეფასებისა და ისეთი მდგომარეობების გამოვლენისთვის, რომლებიც დაკავშირებულია ცილის მომატებულ დაკარგვასთან, მათ შორის გლომერულური დაავადებები, დიაბეტური ნეფროპათია, ჰიპერტენზიული ნეფროპათია და ნეფროზული სინდრომი. შარდში ცილის მომატებული გამოყოფა შეიძლება თირკმლის დაზიანების ადრეული ნიშანი იყოს და საჭიროებს შემდგომ შეფასებას კლინიკურ მონაცემებთან ერთად.

საერთო ცილა

ნორმის პირობებში შარდში ცილები მხოლოდ უმნიშვნელო ოდენობითაა. შარდში ცილა წარმოდგენილია პლაზმის და სხვა დამატებითი ცილებით, რომლებიც გაიფილტრა გლომერულების მიერ და ვერ აბსორბირდა (შეიწოვა) თირკმლის პროქსიმალური მილაკების მიერ. ამგვარად შარდის პროტეინების მესამედს წარმოადგენს ალბუმინი, დანარჩენს გლობულინი და თირკმლის მილაკოვანი უჯრედების მიერ გამოყოფილი გლიკოპროტეინები.

შარდში ცილის მაჩვენებლის მომატება შესაძლოა მიუთითებდეს თირკმლის ფუნქციურ უკმარისობაზე, რაც ხშირად  პირველი  სიმპტომია, რომელიც ვითარდება დაავადების კლინიკურ გამოვლინებამდე. გასათვალისწინებელია ის ფაქტიც, რომ შარდში ცილამ შესაძლოა მოიმატოს ზოგიერთი ფიზიოლოგიური ან/და არა-თირკმლისმიერი მიზეზებით.