17-კეტოსტეროიდები (24 საათიანი შარდი)

ზოგადი ინფორმაცია

შარდის 17-კეტოსტეროიდები ნაერთებია, რომლებიც ანდროგენების და თირკმელზედა ჯირკვლის ქერქის მიერ სინთეზირებული სხვა ჰორმონების მეტაბოლიზმის შედეგად წარმოიქმნება.

შარდში ამ ნაერთების მატება როგორც წესი დაკავშირებულია აღნიშნული ჯირკვლების ჰიპერფუნქციასთან, რაც შესაძლოა გამოიწვიოს სიმსივნემ ან ჯირკვლის ჰიპერპლაზიამ. რაოდენობის შემცირება უკავშირდება ჯირკვლის დაზიანებით მიმდინარე დაავადებებს.

ისეთი დაავადებებისას როგორიცაა მიქსედემა, პოდაგრა, ართრიტი – ირღვევა 17-კეტოსტეროიდების გამოყოფა. კონცენტრაციის შემცირება ვლინდება ახალგაზრდა და ძალიან ხანდაზმულ ასაკში.

როდის ჩავიტაროთ კვლევა?

კვლევის საჭიროებას აყენებს მკურნალი ექიმი, ანდროგენების და სხვა კორტიკოიდების ცვლის დარღვევით მიმდინარე დაავადებებისას

ნორმის მაჩვენებლები

ქალი: 6 – 15 მგ/24 საათში

კაცი:  8 – 22 მგ/24 საათში

ნორმის მაჩვენებლები სხვადასხვა ლაბორიატორიებში შესაძლოა მეტნაკლებად განსხვავდებოდეს.

17-კეტოსტეროიდების დონის მატება შესაძლოა გამოწვეული იყოს ისეთი პათოლოგიების, როგორიცაა:

თირკმელზედა ჯირკვლის სიმსივნე, კუშინგის სინდრომი

პოლიცისტური საკვერცხის სინდრომი

საკვერცხის სიმსივნე

სათესლეების სიმსივნე

ფარისებრი ჯირკვლის ჰიპერფუნქცია

სიმსუქნე

სტრესი

17 კეტოსტეროიდების ნაკლებობა ახასიათებს:

თირკმელზედა ჯირკვლის უკმარისობას (ადისონის დაავადება)

თირკმლის დაზიანებებს

ჰიპოფიზის ფუნქციურ უკმარისობას

კასტრაციას

საკვლევი მასალა

24-საათიანი შარდი.

წინასწარი მომზადება

სპეციფიკურ წინასწარ მომზადებას არ საჭიროებს, თუმცა, რეკომენდებულია ექიმი ინფორმირებული იყოს ისეთი მედიკამენტების მირებაზე, როგორებიცაა: ანტიბიოტიკები, ასპირინი, კონტრაცეპტივები, დიურეტიკები, ესტროგენები.