არაკარბოქსილირებული ოსტეოკალცინი (ucOC) ( (შრატი)

ზოგადი ინფორმაცია

არაკარბოქსილირებული ოსტეოკალცინი ოსტეობლასტების მიერ წარმოებული ცილაა, რომელიც არეგულირებს ინსულინის სეკრეციას და მგრძნობელობას ინსულინისადმი, თუმცა, ამ ეფექტების ზუსტი გავლენა გლუკოზის მეტაბოლიზმზე ბოლომდე დაზუსტებული არ არის. ის ცირკულირებს სისხლში. მისგან განსხვავებით კარბოქსილირებული ოსტეოკალცინი ძვლების შემადგენლობაში რჩება.

არაკარბოქსილირებული ოსტეოკალცინი წარმოადგენს   აქტიური ოსტეოკალცინის მოცირკულირე ნაწილს.  ის მნიშვნელოვანი ცილაა რომელიც აბალანსებს ძვლის მინერალებს, რომელიც დაკავშირებულია კალციუმთან და არეგულირებს გლუკოზის დონეს. ოსტეობლასტები არეგულირებს გლუკოზის მეტაბოლიზმს ინსულინის გავლენით არაკარბოქსილირებული ოსტეოკალცინის მეტაბოლიზმის გზაზე. კვლევების მონაცემებით ოსტეობლასტ-სპეციფიკური ინსულინის რეცეპტორების განადგურებისას, აღინიშნება სისხლში შაქრის დონის მომატება და არაკარბოქსილირებული ოსტეოკალცინის დაბალი მაჩვენებელი. ექსპერიმენტულ მოდელში ნაჩვენებია, რომ ოსტეოკალცინის დეკარბოქსილირება ხდება რეზორბციულ ლაკუნებში, რითაც იზრდება მოცირკულირე არაკარბოქსილირებული ოსტეოკალცინის დონე სისხლში და ინსულინის სიგნალების გაზრდა ოსტეობლასტებში, იწვევს ოსტეოკლასტების აქტივაციას და ძვლის რეზორბციას. ეს მონაცემები გამყარებულია ცალკეული კვლევების შედეგებით, რომლებიც აჩვენებს, რომ ოსტეობლასტებში ინსულინის რეცეპტორების დაზიანება ამცირებს ოსტეოკალცინის და დეკარბოქსილირებული ოსტეოკალცინის საერთო ოდენობებს სისხლში, იწვევს გლუკოზისადმი ტოლერანტობის დარღვევას და ინსულინის შემცირებას.

კვლევების შედეგებით დასტურდება რომ არაკარბოქსილირებული ოსტეოკალცინი არეგულირებს გლუკოზის მეტაბოლიზმს, რითაც გავლენას ახდენს შაქრიანი დიაბეტის და გულის დაავადებების მიმდინარეობაზე. სიმსუქნე მნიშვნელოვანი რისკფაქტორია შაქრინი დიაბეტის და კარდიოვასკულური დაავადებების განვითარებაში, რადგან იწვევს ინსულინრეზისტენტობას. არაკარბოქსილირებული ოსტეოკალცინი ხელს უწყობს ინსულინის სეკრეციას  და ზრდის რეცეპრორების მგრძნობელობას ინსულინისადმი.  ოსტეოკალცინის (ორივე ფორმის) დონის დაქვეითება ინსულინრეზისტენტობას, სისხლში ჰიპერგლიკემიას და შაქრიანი დიაბეტის განვითარებას უკავშირდება.

საერთო ოსტეოკალცინის და არაკარბოქსილირებული ოსტეოკალცინის დონის დაქვეითება განაპირობებს მეტაბოლური სინდრომის, გლიკემიის  და ტრიგლიცერიდების დონის მომატებას.