პარაგრიპის ვირუსი, სეროტიპი 2 | ას IgG, IgM

ზოგადი ინფორმაცია

ადამიანის პარაგრიპის ვირუსი ერთჯაჭვიანი რნმ ვირუსია, რომელიც განეკუთვნება პარამიქსოვირუსების ოჯახს. ის კლასიფიცირდება 4 სეროლოგიურ ტიპად  –  HPIV-1, HPIV-2, HPIV-3 და HPIV-4.

დაავადების მიმდინარეობის კლინიკური სურათი განსაზღვრავს რომელი სეროტიპის კვლევის ჩატარებაა საჭირო.

1. HPIV-1: სეროტიპი 1 – ძირითადად იწვევს გაციების სიმპტომებს და კრუპს (სასუნთქი გზების შეშუპებას და სუნთქვის გაძნელებას).
2. HPIV-2: სეროტიპი 2 – ძირითადად იწვევს გაციების სიმპტომებს და კრუპს (სასუნთქი გზების შეშუპებას და სუნთქვის გაძნელებას).
3. HPIV-3: სეროტიპი 3 –  აზიანებს  ქვედა სასუნთქ გზებს – იწვევს ბრონქიოლიტის და პნევმონიების განვითარებას.

პარაგრიპის ვირუსი ბავშვთა და მოზრდილთა რესპირატორული ინფექციების გავრცელებული მიზეზია, რომელიც მრავალფეროვან კლინიკურ გამოვლინებებს იწვევს, როგორიცაა: შემცივნება, კრუპი, ბრონქიოლიტი, პნევმონია.

ინფექციის გადატანის შემდეგ მყარი იმუნიტეტი არ ყალიბდება, ამიტომ არსებობს განმეორებითი ინფიცირების შესაძლებლობა. განმეორებითი პროცესი საშუალო სიმძიმით მიმდინარეობს და ხშირად მკურნალობის გარეშეც თვითლიმიტირდება.

იმუნოკომპრომეტირებულ პაციენტებში, ხანდაზმულ  ადამიანებში ან 5 წლამდე ასაკის  ბავშვებში ინფექციამ შესაძლოა განიცადოს  პროგრესირება, რაც ასეთ პაციენტებში სიცოცხლისათვის საშიში  შედეგებით შეიძლება დასრულდეს.  პარაგრიპის ვირუსი იწვევს როგორც ზედა, ისე ქვედა სასუნთქი გზების ანთებას. ის სიკვდილიანობის ერთ-ერთი გავრცელებული მიზეზია.

ვირუსის გავრცელება ხდება ჰაერ-წვეთოვანი გზით – დაავადებული ადამიანის ნერწყვის წვეთების, ცეიმნება-ხველების ან პირდაპირი კონტაქტის მეშვეობით, დასნებოვნებულ ზედაპირებთან და ნივთებთან.

როდის ტარდება კვლევა?

რესპირატორული ინფექციების დიაგნოსტიკა

საკვლევი მასალა: ვენური სისხლი

წინასწარი მომზადება: არ არის საჭირო

ნორმები:

• პარაგრიპის ანტისხეულები IgG უარყოფითი
• პარაგრიპის ანტისხეულები  IgM უარყოფითი