Search
Close this search box.

ტექნიკური სამუშაოების გამო საიტი დროებით გათიშულია. ბოდიშს გიხდით შექმნილი უხერხულობისთვის.

The site is temporarily down due to maintenance. Sorry for the inconvenience.

ლაბორატორიული ტესტები
კოვიდ-19 | პროფილაქტიკური პანელები
კოვიდ-19 | პასპორტი
კოვიდ-19 | ტესტების ჯგუფური პროფილები & ბინაზე მომსახურება
ალერგოლოგია & იმუნოლოგია
ანემიის ტესტები
აუტოიმუნური დარღვევების დიაგნოსტიკა
ბაქტერიოლოგია (ანტიბიოტიკოგრამით*)
განავლის გამოკვლევა
გენეტიკური ტესტები
გულ-სისხლძარღვთა დაავადებები
ვიტამინები
ინფექციური დაავადებები
კარდიალური მარკერები
კლინიკური ბიოქიმია
კოაგულაცია
კოვიდ-19 | PCR და ანტიგენის ტესტები გუდაურში
კოვიდ-19 | ტესტები
კოვიდ-19 | ტესტები გამოძახებით
ლაბორატორიული მომსახურეობა ბინაზე
თერაპიული მედიკამენტების მონიტორინგი
მიკროსკოპია
მოლეკულური ბიოლოგია (პჯრ)
მძიმე მეტალების განსაზღვრა
პარაზიტოლოგია
პრენატალური დიაგნოსტიკა
პროფილური კვლევები
საშვილოსნოს ყელის კიბოს სკრინინგ ტესტები
სიმსივნური მარკერები
სისხლის ბიოქიმია
სპეციფიური ცილები
ფარისებრი ჯირკვლის გამოკვლევა
შარდის ანალიზი
შარდის ბიოქიმია
ჰემატოლოგია
ჰისტოპათოლოგია
ჰორმონები

Read More

ხარისხი & სიზუსტე

გამოცდილება

უახლესი ტექნოლოგიები

სისწრაფე &
სანდოობა

ათეროგენობის ინდექსი | ლაბორატორიული კვლევა

ცნობილი როგორც:ათეროგენობის ინდექსი
SKU: 95

19.80

არ არის მარაგში

საკვლევი მასალა: ვენური სისხლი
პასუხის დრო (სამუშაო დღე): 1
ტესტი კეთდება უზმოზე: დიახ
ბინაზე გამოძახების სერვისი: დიახ
ქვეყანა: Georgia

დამატებითი ინფორმაცია

აღნიშნული კვლევა ტარდება მხოლოდ ლიპიდურ ცვლასთან ერთად

 

გაიგე მეტი

 

 

 

ათეროგენობის ინდექსი (კოეფიციენტი) ასახავს ათეროგენული ლიპოპროტეინების (LDL) თანაფარდობას სისხლის პლაზმაში ანტიათეროგენული ლიპოპროტეინების (HDL) შემცველობასთან, ანუ უფრო ზუსტად ასახავს ლიპოპროტეინების ხელსაყრელ და არახელსაყრელ კომბინაციას კორონარული არტერიის დაავადების განვითარების რისკის თვალსაზრისით.

პლაზმის ათეროგენობის ინდექსი (AIP) არის ძლიერი მარკერი ათეროსკლეროზის და გულის კორონარული დაავადების რისკის პროგნოზირებისთვის.

AIP დაკავშირებულია პრე- და ანტი-ათეროგენული ლიპოპროტეინების ნაწილაკების ზომასთან. იგი გამოითვლება შემდეგი ფორმულის მიხედვით – log(TG/HDL-C). ვარაუდობენ, რომ AIP-ის 0.11-ზე ნაკლები მნიშვნელობა ასოცირდება კარდიოვასკულარული დაავადებების (CVD) დაბალ რისკთან; 0.11-დან 0.21-მდე და 0.21-ზე მეტი მნიშვნელობები ასოცირდება, შესაბამისად, შუალედურ და გაზრდილ რისკებთან.

ათეროგენობის ინდექსი კორელირებს CVD-ის სხვა რისკ-ფაქტორებთან. ყველაზე მნიშვნელოვანი რისკ-ფაქტორებია დისლიპიდემია, ჰიპერტენზია, სიმსუქნე, ფიზიკური უმოქმედობა, ცუდი დიეტა და მოწევა. მათ შორის, პლაზმის ლიპიდური პროფილი არის CVD-ის ძირითადი რისკ-ფაქტორი.

დისლიპიდემია წარმოადგენს ლიპიდების (ტრიგლიცერიდების (TG), მთლიანი ქოლესტერინის (TC) და მათი გადამტანი ლიპოპროტეინების: HDL-ქოლესტერინი, LDL-ქოლესტერინი, VLDL-ქოლესტერინი) მომატებულ კონცენტრაციას სისხლში. მეცნიერულად დამტკიცებულია, რომ არსებობს ძლიერი კავშირი CVD-ის სიხშირესა და LDL-C-ის მაღალ დონესა და HDL-C-ის დაბალ დონეს შორის; ამიტომ LDL-C/HDL-C თანაფარდობა ხშირად გამოითვლება გულ-სისხლძარღვთა რისკის შესაფასებლად. მეორეს მხრივ, TG-ის მაღალი დონე დაკავშირებულია LDL-C ნაწილაკების მომატებასთან და გულ-სისხლძარღვთა დაავადებების გაზრდილ რისკთან. ამის საფუძველზე, ათეროგენული დისლიპიდემია, რომელიც განისაზღვრება, როგორც მაღალი LDL-C/HDL-C თანაფარდობა და ჰიპერტრიგლიცერიდემია, დაკავშირებულია გულ-სისხლძარღვთა დაავადებების განვითარების მაღალ რისკთან.

კვლევებით დადგინდა, რომ ათეროგენობის ინდექსის მატება დაკავშირებულია სხვა გულ-სისხლძარღვთა რისკ-ფაქტორებთან; ამიტომ ამ რისკ-ფაქტორების ცვლილება გავლენას ახდენს AIP ინდექსზე – ცხოვრების სტილის შეცვლა, რეგულარული ვარჯიში და ჯანსაღი დიეტა თავის მხრივ ხელს უწყობს ათეროგენობის ინდექსის შემცირებას.

AIP უნდა იქნას გამოყენებული, როგორც CVD-ის რეგულარული მონიტორინგის ინდექსი ყოველდღიურ პრაქტიკაში, განსაკუთრებით იმ პირებში, რომლებსაც აქვთ სხვა გულ-სისხლძარღვთა რისკ-ფაქტორები.

როდის ჩავიტაროთ ტესტი ათეროგენობის ინდექსზე?

  • გულის იშემიური დაავადების რისკის შეფასება;
  • ჰიპერლიპოპროტეინემიის დიაგნოზი;
  • ათეროსკლეროზი და გულ-სისხლძარღვთა სისტემის დაავადებები;
  • ღვიძლის დაავადება;
  • ასაკოვნებში;
  • სიმსუქნე;
  • არტერიული ჰიპერტენზია;
  • დიაბეტი.

ათეროგენობის ინდექსის გამოკვლევა ძირითადად ხდება შემდეგი პარამეტრების გამოკლვევასთან ერთად: საერთო ქოლესეტეროლი, LDL ქოლესტეროლი, VLDL ქოლესტეროლი, HDL ქოლესტეროლი და ტრიგლიცერიდები.

როგორ მოვემზადოთ ტესტისთვის?

ანალიზისთვის სისხლის აღება აუცილებელია უზმოდ (საკვების ბოლო მიღებიდან გასული უნდა იყოს არანაკლებ 12 საათისა).

ზოგიერთმა მედიკამენტმა შეიძლება გავლენა იქონიოს ტესტის შედეგებზე, ამიტომ ანალიზისთვის მოსამზადებლად აუცილებელია ექიმთან კონსულტაცია და მისგან დეტალური მითითებების მიღება.

საკვლევი მასალა

ვენური სისხლი

შედეგების შესაძლო ინტერპრეტაცია

ათეროგენობის ინდექსი (LDL-ის და VLDL-ის დონესთან ერთად) შეიძლება გაიზარდოს:

  • მემკვიდრეობითი ჰიპერქოლესტერინემია (ტიპი IIa);
  • ჰიპერლიპოპროტეინემია II-B და III;
  • მაღალი ქოლესტერინით და გაჯერებული ცხიმებით მდიდარი დიეტა;
  • ჰიპოთირეოზი;
  • ნეფროზული სინდრომი;
  • დიაბეტი;
  • მრავლობითი მიელომა და სხვა დისგამაგლობულინემია;
  • თირკმლების ქრონიკული უკმარისობა;
  • პორფირია;
  • ნერვული ანორექსია;
  • ცხიმიანი საკვების მიღების შემდეგ;
  • ორსულობა.

ათეროგენობის ინდექსი (LDL-ის და VLDL-ის დონესთან ერთად) შეიძლება შემცირდეს:  

  • ჰიპობეტალიპოპროტეინემია;
  • ჰიპერთირეოზი;
  • ქრონიკული ანემია;
  • მძიმე ჰეპატოცელულარული დაავადებები;
  • მწვავე სტრესი;
  • სახსრების ანთებითი დაავადებები;
  • ფილტვების ქრონიკული დაავადება.

 

 

 

 

 

რესურსები

https://spravochnik.synevo.ua/ru/lipidniy-obmen/lipoproteids-fractions.html

https://www.ncbi.nlm.nih.gov/pmc/articles/PMC4715400/

 

 

ტესტირების პროცესი

ტესტის შეძენა მასალის ჩაბარება

ტესტის შეძენა

მასალის ჩაბარება

შედეგები ონლაინ ექიმთან კონსულტაცია

შედეგები ონლაინ

ექიმთან კონსულტაცია

ლაბორატორიები
Call Now Button