ინტერლეიკინი-6 (IL-6) | ლაბორატორიული კვლევა

ზოგადი ინფორმაცია

ინტერლეიკინ 6-ის (IL-6) ზეგავლენა ლიმფოიდურ და არალიმფოიდურ უჯრედებზე, წარმოდგენილია იმუნური და ანთებითი პროცესების მოდულატორული მექანიზმებით. მიუხედავად იმისა, რომ ინტერლეიკინ 6-ის (IL-6) ბევრი ფუნქცია ემთხვევა ინტერლეიკინ 1-ისას (IL-1), მას ასევე გააჩნია ანთების საწინააღმდეგო ეფექტიც.
ინტერლეიკინ 6 (IL-6) 184 ამინომჟავისგან შემდგარი პოლიპეპტიდია (ცილაა). ინტერლეიკინ 1-ის მსგავსად ინტერლეიკინ 6 წარმოიქმნება მაკროფაგების, ასევე T და B ლიმფოციტების, ფიბრობლასტების, ენდოთელური უჯრედების, კერატინოციტების, სინოვიური უჯრედების, ქონდროციტების და ეპითელური უჯრედების მიერ. მისი სინთეზი ხორციელდება პლაზმაში განვითარებული  ბაქტერიული და ვირუსული პროცესის საპასუხოდ (სხვა ინტერლეიკინებისგან განსხვავებით).
ინტერლეიკინ 6 ითვლება ღვიძლში მწვავე ფაზის ცილების: ფიბრინოგენის, შრატის A ამილოიდის, ჰაპტოგლობინის, C-რეაქტიული ცილის, კომპლემენტის  – სინთეზის  ყველაზე მნიშვნელოვან მაინიცირებელ ფაქტორად.
B და T ლიმფოციტებზე ზემოქმედებით, ინტერლეიკინი 6 ასტიმულირებს როგორც ჰუმორულ, ისე უჯრედულ იმუნიტეტს. ისე უზრუნველყოფს B ლიმფოციტების  ზრდის და დიფერენცირების პროცესს, და მათ მიერ იმუნოგლობულინების წარმოქმნას. ასევე ხელს უწყობს T ლიმფოციტების ზრდას და დიფერენცირებას. ინტერლეიკინ 6 ჩართულია მრავლობითი მიელომის პათოგენეზში და წარმოადგენს დაავადების  პროგნოზულ ფაქტორს.
ინტერლეიკინი 6 ასტიმულირებს ჰემოპოეზს (ინტერლეიკინ 3-თან ერთად). ასევე აინდუცირებს  ჰიპოფიზის სხვადასხვა ჰორმონების სინთეზს: ადრენოკორტიკოტროპული, ზრდის ჰორმონის, პროლაქტინის, მალუთეინიზებელი ჰორმონის.
პრო-ანთებით პროცესებში მონაწილეობის გარდა ინტერლეიკინი 6 მონაწილეობს ანთების საწინააღმდეგო პროცესებშიც.

ძვლოვანი ქსოვილის დონეზე ინტერლეიკინ-6 იწვევს ოსტეოკლასტების წარმოქმნას, რაც ოსტეოპოროზს განაპირობებს. რევმატოიდული ართრიტით დაავადებულ პაციენტებში აღმოჩენილია ინტერლეიკინ-6-ის პათოლოგიური ოდენობა – სინოვიურ სითხეებში ინტერლეიკინ 6 და IgG კონცენტრაციის მატება.
ინტერლეიკინ-6ის სპეციფიკური რეცეპტორი (IL-6R), ციტოკინების რეცეპტორების სუპეროჯახს განეკუთვნება. ის წარმოადგენს 2 სტრუქტურული და ფუნქციური სუბერთეულისგან შემდგარ მემბრანულ ცილას.

როდის ტარდება კვლევა?

სხვადასხვა ბიოლოგიურ სითხეებში ინტერლეიკინის ტიტრის განსაზღვრა, ძირითად კლინიკურ და ლაბორატორიულ მონაცემებთან ერტად წარმოადგენს იმუნური დარღვევების დამატებით სადიაგნოსტიკო შესაძლებლობას.

პაციენტის მომზადება –კვლევა ტარდება უზმოდ, ან ჭამის შემდეგ.

საკვლევი მასალა:ვენური სისხლი

რეფერენტული ნორმა:  <7 პიკოგრამი/მლ

შედეგების ინტერპრეტაცია

ინტერლეიკინ-6 ტიტრის მატება დამახასიათებელია შემდეგი პათოლოგიებისთვის:

• რევმატოიდული ართრიტი
• მრავლობითი მიელომა (პროგნოზული ფაქტორია)
• აუტოიმუნური პროცესები
• ლიმფომები
• სეფსისი
• ღვიძლის ალკოჰოლური დაზიანება
• ვირუსული ინფექციები
• ტრანსპლანტატის მოცილების რეაქცია
• პრეეკლამფსია