გლობულინი | ლაბორატორიული კვლევა

ზოგადი ინფორმაცია

გლობულინები შრატის ჰეტეროგენული (მრავალფეროვანი), დიდი ზომის ცილებია, რომლებიც სინთეზდება ღვიძლის და იმუნური უჯრედების მიერ და მონაწილეობს ორგანიზმში მიმდინარე მრავალ პროცესში.

გლობულინების სამ ძირითად ტიპს გამოყოფენ: ალფა, ბეტა და გამა. ალფა და ბეტა გლობულინები ტრანსპორტულ და ფერმენტულ ფუნქციებს ასრულებს, ხოლო გამა გლობულინები იმუნურ რეაქციებში მონაწილეობს. გამაგლობულინები მოიცავს იმუნოგლობულინებს, როგორიცაა M, G და  A.

რაში იყენებს ორგანიზმი გლობულინს?

ვირუსებთან და ინფექციებთან ბრძოლაში

შედედების პროცესებში

ღვიძლის და თირკმლის გამართულ ფუნქციონირებაში

შრატის გლობულინის ელექტროფორეზის ტესტი ზომავს სისხლის შრატში გლობულინის შემადგენლობას სისხლის თხევად ნაწილში.

როდის ტარდება ტესტი?

ზოგიერთი დაავადება დაკავშირებულია გამაგლობულინების ჭარბ სინთეზთან. მაგალითად ვალდენსტრომის მაკროგლობულინემია სისხლის პლაზმური უჯრედების სიმსივნური დაავადებაა, რომელიც ჭარბი იმუნოგლობულინების IgM წარმოქმნასთანაა დაკავშირებული.

გამა გლობულინების ელექტროფორეზის ტესტი გამოიყენება ისეთი დაავადებების დიაგნოსტირებისათვის, რომლებიც აზიანებს ადამიანის იმუნურ სისტემას, როგორებიცაა:

ალერგიები

აუტოიმუნური დაავადებები

მრავლობითი მიელომა

ვალდენსტრომის მაკროგლობულინემია

ღვიძლის და თირკმლის ფუნქციური მდგომარეობის შეფასება

გლობულინი ორსულობის დროს

ორსულობისას შრატის გლობულინის დონე იმატებს. ასევე იმატებს შრატის საერთო ცილის დონეც. მშობიარობის შემდეგ ეს მაჩვენებლები ნორმას უბრუნდება.

რეფერალური ნორმები:

შრატის გლობულინი – 2.0-3.5 გრამი დეცილიტრში ან 20-35 გეამი ლიტრში

IgM –  75-300 მგ/დლ   ან   750-3000 მგ/ლ

IgG –  65-1850 მგ/დლ   ან   6.5-18.5 გ/ლ

IgA –  90-350 მგ/დლ   ან   900-3500 მგ/ლ

ინტერპრეტაცია

გამა გლობულინის გაზრდილი მაჩვენებლები ახასიათებს შემდეგ მდგომარეობებს:

• მწვავე ინფექციები
• სისხლის და ძვლის ტვინის სიმსივნეები, მათ შორის მრავლობითი მიელომა, ზოგიერთი ლიმფომები და ლეიკემია
• იმუნოდეფიციტის სინდრომი
• ხანგრძლივი (ქრონიკული) ანთებითი დაავადებები (მაგ: რევმატოიდული ართრიტი, სისტემური წითელი მგლურა და სხვა)
• ვალდენსტრომის მაკროგლობულინემია

პაციენტის მომზადება: კვლევა ტარდება უზმოდ. ზოგირთი მედიკამენტი გავლენას ახდენს ტესტის შედეგებზე, ამიტომ ექიმი ინფორმირებული უნდა იყოს.