Search
Close this search box.
ლაბორატორიული ტესტები
კოვიდ-19 | პროფილაქტიკური პანელები
კოვიდ-19 | პასპორტი
კოვიდ-19 | ტესტების ჯგუფური პროფილები & ბინაზე მომსახურება
ალერგოლოგია & იმუნოლოგია
ანემიის ტესტები
აუტოიმუნური დარღვევების დიაგნოსტიკა
ბაქტერიოლოგია (ანტიბიოტიკოგრამით*)
განავლის გამოკვლევა
გენეტიკური ტესტები
გულ-სისხლძარღვთა დაავადებები
ვიტამინები
ინფექციური დაავადებები
კარდიალური მარკერები
კლინიკური ბიოქიმია
კოაგულაცია
კოვიდ-19 | PCR და ანტიგენის ტესტები გუდაურში
კოვიდ-19 | ტესტები
კოვიდ-19 | ტესტები გამოძახებით
ლაბორატორიული მომსახურეობა ბინაზე
თერაპიული მედიკამენტების მონიტორინგი
მიკროსკოპია
მოლეკულური ბიოლოგია (პჯრ)
მძიმე მეტალების განსაზღვრა
პარაზიტოლოგია
პრენატალური დიაგნოსტიკა
პროფილური კვლევები
საშვილოსნოს ყელის კიბოს სკრინინგ ტესტები
სიმსივნური მარკერები
სისხლის ბიოქიმია
სპეციფიური ცილები
ფარისებრი ჯირკვლის გამოკვლევა
შარდის ანალიზი
შარდის ბიოქიმია
ჰემატოლოგია
ჰისტოპათოლოგია
ჰორმონები

Read More

ხარისხი & სიზუსტე

გამოცდილება

უახლესი ტექნოლოგიები

სისწრაფე &
სანდოობა

სრული კოაგულოგრამა (APTT, PT, INR, ფიბრინოგენი)

ცნობილი როგორც:Complete coagulogram
SKU: 283

36.90

საკვლევი მასალა: ვენური სისხლი
პასუხის დრო (სამუშაო დღე): 1
ტესტი კეთდება უზმოზე: დიახ
ბინაზე გამოძახების სერვისი: დიახ
ქვეყანა: Georgia

ზოგადი ინფორმაცია

შედედება (კოაგულაცია) არის ორგანიზმში მიმდინარე პროცესი, რომელიც ხელს უშლის გადაჭარბებულ სისხლდენას. თუმცა თქვენს სისხლძარღვებში მოძრავი სისხლი, ჩვეულებრივ, არ უნდა შედედდეს. შედედებისა და თრომბის/თრომბების წარმოქმნის შემთხვევაში შესაძლებელია თრომბი თქვენი სისხლის მიმოქცევის გზით გადავიდეს გულში, ფილტვებში ან ტვინში და გამოიწვიოს გულის ინფარქტი, ინსულტი ან სიკვდილიც კი.

კოაგულაციის ტესტებით განისაზღვრება სისხლის შედედების უნარი და დრო, რომელიც შედედებას სჭირდება. ტესტირება დაეხმარება თქვენს ექიმს შეაფასოს ჭარბი სისხლდენის ან თრომბოზის განვითარების რისკი.

კოაგულოგრამის სრული პროფილის ფასია 41 ლარი, ნაცვლად 54 ლარისა.

 

როდის ჩავიტაროთ ტესტი?

aPTT

  • არაფრაქციული ჰეპარინითა და თრომბინის ინჰიბიტორებით (ჰირუდინით, არგატრობანით) თერაპიის კონტროლი და მონიტორინგი.
  • კოაგულაციის გარკვეული ფაქტორების (XII, XI, IX, VIII, VII) თანდაყოლილი ან შეძენილი უკმარისობის დიაგნოსტიკა, ჰემოფილიაზე ან ფონ ვილებრანდის დაავადებაზე ეჭვი.
  • კოაგულაციის სპეციფიკური ან არასპეციფიკური ინჰიბიტორების (ლუპუსის ანტიკოაგულანტი, ანტიფოსფოლიპიდური ანტისხეულები) არსებობის დადგენა.

PT

  • ვიტამინ K-დამოკიდებული კოაგულაციის ფაქტორების აქტივობის შეფასება.
  • ეჭვი კოაგულაციის ფაქტორების თანდაყოლილ ნაკლებობაზე (ჰემოფილია და II, V, VII, X და ფიბრინოგენის ფაქტორების მემკვიდრეობითი ნაკლებობა).
  • ანტიკოაგულანტებით მკურნალობის მონიტორინგი (სინტრომი და სხვა).
  • ღვიძლის ფუნქციის მონიტორინგი (მისი ცილის წარმომქმნელი ფუნქციის შეფასება) და მისი დარღვევების გამოვლენა.
  • ოპერაციის ან ინვაზიური პროცედურების დაწყებამდე სისხლის შედედების დარღვევების გამორიცხვა.
  • ეჭვი DIC სინდრომზე (დისემინირებული სისხლძარღვშიდა კოაგულაციის სინდრომი).
  • ეჭვი დისფიბრინოგენემიაზე.
  • ეჭვი K ვიტამინის დეფიციტზე.
  • სისხლდენისკენ მიდრეკილების დროს (გახანგრძლივებული სისხლდენა, ხშირი სისხლდენა, სისხლდენა ცხვირიდან და ღრძილებიდან, სპონტანური ექკიმოზები).
  • ვენური თრომბოზი.

ფიბრინოგენი

  • ეჭვი ფიბრინოგენის თანდაყოლილ ან შეძენილ დეფიციტზე.
  • ეჭვი კოაგულაციის ფაქტორების ჭარბ მოხმარებაზე.
  • თრომბოლიზური თერაპიის მონიტორინგი.
  • თრომბოზული გართულებების რისკის შეფასება, როგორიცაა გულის შეტევა ან ინსულტი გულის ქრონიკული დაავადების არსებობისას.
  • მწვავე ინფექციები.
  • ხშირი სისხლდენა ცხვირიდან, ღრძილებიდან, კუჭ-ნაწლავის ტრაქტიდან, შარდში და/ან განავალში სისხლის არსებობა.
  • მცირე ტრავმით გამოწვეული ხშირი სისხლჩაქცევები.
  • სისხლდენა დიდი ხნის განმავლობაში და/ან უხვად დაზიანების შემთხვევაში.
  • სისხლის შედედება ადეკვატური მიზეზის გარეშე.
  • ღვიძლის ფუნქციის შეფასება.
  • თქვენ იღებთ სისხლის გამათხელებელ მედიკამენტებს, რომლებიც დაკავშირებულია ფიბრინოგენთან.
  • თქვენ გყავთ ნათესავები სისხლის შედედების, ფიბრინოგენთან დაკავშირებული, თანდაყოლილი დარღვევებით.

სრულ კოაგულაციურ პროფილში შემავალი ტესტები მიზანშეწონილია ჩავიტაროთ:

  • ყოველწლიური პროფილაქტიკური გამოკვლევების მიზნით. პროფილაქტიკის მიზნით კოაგულოგრამის ანალიზის ჩატარების სიხშირე პაციენტის ასაკზეა დამოკიდებული: ახალგაზრდებისთვის ის რეკომენდებულია წელიწადში ერთხელ, ხანდაზმულებისთვის – 6 თვეში ერთხელ.
  • აგრეთვე, SARS-CoV-2-ით ინფიცირებისას, თრომბოზის პრევენციის მიზნით.

კვლევა ინიშნება ექიმის მიერ.

შედეგების შესაძლო ინტერპრეტაცია

aPTT

aPTT-ის გახანგრძლივება დაკავშირებულია:

  • ყველა თანდაყოლილი დეფიციტი (მათ შორის ჰემოფილია A და B, ფონ ვილებრანდის დაავადება)
  • თრომბინის ინჰიბიტორები (ჰირუდინი, არგატრობანი)
  • სტრეპტოკინაზა
  • უროკინაზა
  • ორალური ანტიკოაგულანტული თერაპია
  • K ვიტამინის დეფიციტი
  • მალნუტრიცია
  • ინტრავასკულარული კოაგულაციის სინდრომი
  • ფიბრინის დეგრადაციის პროდუქტების არსებობა
  • მოცირკულირე ფაქტორ-სპეციფიკური ანტიკოაგულანტების არსებობა
  • არასპეციფიკური – ლუპუსის ანტიკოაგულანტები
  • ნორმალური PT (პროთრომბინის დრო) გახანგრძლივებული aPTT: სავარაუდოა პრეკალიკრეინის ან VIII, IX, XI და/ან XII ფაქტორებიდან ერთ-ერთის დეფიციტი.
  • გახანგრძლივებული PT ნორმალური aPTT-ი: სავარაუდოა VII ფაქტორის შესაძლო დეფიციტი. K ვიტამინზე დამოკიდებული ფაქტორების კვებასთან დაკავშირებულმა ან თერაპიულმა დეფიციტმა ზოგჯერ შეიძლება გამოიწვიოს გახანგრძლივებული PT და ნორმალური aPTT.
  • გახანგრძლივებული PT და aPTT: სავარაუდოა I, II, V ან X ფაქტორის დეფიციტი.

aPTT-ის შემცირება დაკავშირებულია:

  • ერთი ფაქტორის, ყველაზე ხშირად VIII ფაქტორის გაზრდილი დონე
  • გავრცელებული ნეოპლაზმები (გარდა იმ შემთხვევებისა, როდესაც დაზიანებულია ღვიძლი)
  • მწვავე სისხლდენა
  • DIC-ის ადრეული სტადია

გახანგრძლივებული aPTT მიუთითებს ჰემორაგიულ დაავადებაზე, შემცირებული aPTT კი აღმოჩნდა, რომ არის სიკვდილის დამოუკიდებელი პრედიქტორი თრომბოზისა და სისხლდენის მაღალი რისკის დროს.

aPTT დამოკიდებულია პაციენტის ასაკზე: ახალშობილებში aPTT-ის ზედა ზღვარი ვრცელდება 55 წმ-მდე და 6 თვემდე თანდათან იკლებს მოზრდილებისთვის დამახასიათებელ მაჩვენებლამდე; ჯანმრთელ ბავშვებში aPTT-ის გახანგრძლივებული მნიშვნელობები გამოწვეულია კოაგულაციის რამდენიმე პროტეინის მსუბუქი დეფიციტით. ხანდაზმულებში aPTT შეიძლება შემცირდეს.

PT

პროთრომბინის გახანგრძლივება ნიშნავს სისხლის შედედების შეფერხებას და ვლინდება შემდეგ შემთხვევებში:

  • ანტიკოაგულანტური თერაპია.
  • ღვიძლის ფუნქციის დარღვევა.
  • სისხლის შედედების ცილების არასაკმარისი რაოდენობა.
  • K ვიტამინის დეფიციტი.
  • სხვა კოაგულაციური ფაქტორების დეფიციტი (ფ. II, V, VII ან X).
  • DIC სინდრომი.
  • სისხლის შედედების ინჰიბიტორების არსებობა.

შემცირებული პროთრომბინის დრო ნიშნავს დაჩქარებულ სისხლის შედედებას და არ აქვს მნიშვნელოვანი კლინიკური მნიშვნელობა. ვლინდება შემდეგ შემთხვევებში:

  • K ვიტამინის შემცველი დანამატების მიღება.
  • K ვიტამინის შემცველი პროდუქტის (მწვანე ჩაი, ღვიძლი, ბროკოლი, სოიო) მიღება დიდი რაოდენობით.
  • ესტროგენის შემცველი პრეპარატები ან ჰორმონის შემცვლელი თერაპია.

INR

INR-ს ვაფასებთ პაციენტებში, რომლებიც მკურნალობენ ორალური ანტიკოაგულანტებით და მისი განსაზღვრა ემსახურება დოზისა და დოზების ინტერვალის მონიტორინგს.

ფიბრინოგენი

ფიბრინოგენის დაბალი მაჩვენებლები გვხვდება შემდეგ შემთხვევებში:

  • გაზრდილი ფიბრინოგენის მოხმარება დისემინირებული ინტრავასკულარული კოაგულაციის სინდრომის (DIC) დროს და ფიბრინის გადაჭარბებული დეგრადაციის შემთხვევაში მეტასტაზური კიბოს, მწვავე პრომიელოციტური ლეიკემიის, სამეანო გართულებების დროს.
  • ღვიძლის მძიმე დაავადები (ფიბრინოგენის წარმოების დაქვეითება).
  • თრომბოლიზური თერაპია.
  • L-ასპარაგინაზას თერაპია.
  • გენეტიკური დაავადებები ფიბრინოგენის არ არსებობით ან ნაკლებობით.
  • ალკოჰოლის ზომიერი მოხმარება.
  • ოპერაციის დროს სისხლდენის რისკი <50 მგ/დლ-ზე მეტია.

ფიბრინოგენის მაღალი მაჩვენებლები გვხვდება შემდეგ შემთხვევებში:

  • ორგანიზმის სისტემური რეაქციის არსებობა ინფექციებზე, ანთებაზე, ტრავმაზე, სიმსივნეებზე, დამწვრობაზე. მწვავე პირობებში, როგორიცაა გულის შეტევა ან სერიოზული ოპერაცია, ფიბრინოგენის დონე კრიტიკული პერიოდის შემდეგ ნორმას უბრუნდება, მეორე მხრივ, ქრონიკული ანთების პირობებში (მაგ. რევმატოლოგიური და აუტოიმუნური დაავადებები) ფიბრინოგენის დონე რჩება მაღალი.
  • სხეულის კომპენსატორული პასუხი თირკმლებიდან ცილის კარგვაზე, თირკმლის დაავადებისა და მრავლობითი მიელომის დროს.
  • ღვიძლის დაავადება.
  • ესტროგენით მკურნალობა.
  • ჰიპერტენზია, დიაბეტი და ჭარბი წონა გულის შეტევის ან ინსულტის
  • გაზრდილი რისკით.

დამატებითი ინფორმაცია

კოაგულაციის ტესტები:

აქტივირებული პარციალური თრომბოპლასტინის დრო (aPTT)

aPTT-ის შესწავლა არის ფუნქციური ტესტი, რომელიც გვაწვდის მნიშვნელოვან ინფორმაციას კოაგულაციის სისტემის მუშაობისა და გარკვეული ფაქტორების შესახებ.

ეს მაჩვენებელი ყველაზე ხშირად გამოიყენება არაფრაქციული ჰეპარინითა და თრომბინის ინჰიბიტორებით (ჰირუდინით, არგატრობანით) თერაპიის კონტროლისა და მონიტორინგისთვის. თუმცა, aPTT არ არის პირველი რიგის ინდიკატორი ჰეპარინით მკურნალობის შეფასებისას.

ტესტი ასევე გამოიყენება კოაგულაციის გარკვეული ფაქტორების (XII, XI, IX, VIII, VII) თანდაყოლილი ან შეძენილი უკმარისობის დროს დიაგნოსტიკისათვის, ჰემოფილიაზე ან ფონ ვილებრანდის დაავადებაზე ეჭვის შემთხვევაში.

aPTT ტესტი გამოიყენება კოაგულაციის სპეციფიკური ან არასპეციფიკური ინჰიბიტორების არსებობის დასადგენად ორგანიზმში – მაგალითად, ლუპუსის ანტიკოაგულანტი და ანტიფოსფოლიპიდური ანტისხეულები, რომლებიც დაკავშირებულნი არიან ისეთ კლინიკურ გამოვლინებასთან, როგორიცაა თრომბოზი.

იგი ასევე გამოიყენება როგორც ინდიკატორი ოპერაციამდე სისხლდენის რისკის შესაფასებლად.

პროთრომბინის დრო (PT)

პროთრომბინი არის ღვიძლის მიერ სინთეზირებული ცილა და არის ერთ-ერთი მნიშვნელოვანი ფაქტორი, რომელიც ხელს უწყობს სისხლის შედედებას. ნორმალური კოაგულაციისთვის საჭიროა რამდენიმე ტიპის ცილა, რომელთაც კოაგულაციის ფაქტორები ეწოდებათ. კოაგულაციის პროცესში მათ უნდა იმოქმედონ სწორად და საკმარისი რაოდენობით.

ანალიზისას ისაზღვრება დრო (წამებში), რომლის განმავლობაშიც ანალიზისთვის აღებულ სისხლის პლაზმაში არააქტიური პროთრომბინისგან წარმოიქმნება თრომბის წარმომქმნელი ცილა – თრომბინი.

მას შეუძლია გამოავლინოს როგორც ჰიპერკოაგულაცია, ასევე ჰიპოკოაგულაცია.

PT კოაგულაციის სისტემის მდგომარეობის მნიშვნელოვანი მაჩვენებელია. ის წარმოდგენას გვიქმნის კოაგულაციის გარეთა გზაში (external coagulation pathway) ჩართული ფაქტორების ( VII, X, V, I, II ) აქტივობაზე. VII, X, V, I, II ფაქტორები ღვიძლში სინთეზირდება და პროცესი საჭიროებს K ვიტამინის არსებობას.

პროთრომბინის დრო იზომება წამებში, მაგრამ შეიძლება გამოიხატოს სხვადასხვა გზით: წამი (წმ.), პროთრომბინის ინდექსი პროცენტებში (%) და INR (საერთაშორისო ნორმალიზებული თანაფარდობა).

პროთრომბინის ინდექსი – PI

ანალიზისას ისაზღვრება პროთრომბინის აქტივობა %-ში.

საერთაშორისო ნორმალიზებული თანაფარდობა (INR)

ანალიზისას ისაზღვრება პროთრომბინული ინდექსისა (PI) და პროთრომბინის დროის (PT) ურთიერთშეფარდება.

შედარებითია სხვადასხვა ლაბორატორიებს შორის და მისი მნიშვნელობის მიხედვით ექიმს შეუძლია განსაზღვროს გამოწერილი ანტიკოაგულანტების დოზა და მათი მიღების ინტერვალი.

INR სასარგებლოა მხოლოდ ანტიკოაგულანტური თერაპიისსას და არ გამოიყენება სხვა მიზეზების გამო გახანგრძლივებული პროთრომბინის დროის მქონე პაციენტების დიაგნოსტიკისა და მკურნალობისთვის.

ფიბრინოგენი – ფაქტორი I

ფიბრინოგენი მნიშვნელოვანი ცილაა კოაგულაციის კასკადში. ის იხსნება პლაზმასა და თრომბოციტების გრანულებში. სისხლის შედედების ბოლო ფაზაში ფიბრინოგენი გარდაიქმნება უხსნად ფორმად – ფიბრინად და მონაწილეობს თრომბის წარმოქმნაში.

ფიბრინოგენს გამოიმუშავებს ღვიძლი დღეში 1,7 – 5გ ოდენობით. კოაგულაციის კასკადში მისი როლის გარდა, ფიბრინოგენი მიეკუთვნება მწვავე ფაზის ცილების ჯგუფს, რომლის დონე იზრდება სხეულის სისტემური პასუხის არსებობისას მძიმე დაზიანებაზე (ტრავმა, ფართო დამწვრობა, ინფექცია და ა.შ.).

როგორ მოვემზადოთ ტესტის გასაკეთებლად?

ანალიზისთვის სისხლის აღება აუცილებელია უზმოდ, ბოლო 12 საათის განმავლობაში მედიკამენტების მიღების გარეშე. პაციენტმა უნდა მოგვაწოდოს ინფორმაცია, ღებულობს თუ არა მედიკამენტებს, რომლებიც გავლენას ახდენენ სისხლის შედედებაზე.

თუ ღებულობთ მედიკამენტებს სისხლის გასათხელებლად, გაიარეთ კონსულტაცია თქვენს ექიმთან გამოკვლევასთან დაკავშირებით.

ჰეპარინოთერაპიის მონიტორინგის საჭიროების შემთხვევაში, საცდელი მასალა მიიღება ჰეპარინის მომდევნო მიღებამდე ერთი საათით ადრე, არაჰეპარინირებული წყაროდან.

ტესტირების პროცესი

ტესტის შეძენა მასალის ჩაბარება

ტესტის შეძენა

მასალის ჩაბარება

შედეგები ონლაინ ექიმთან კონსულტაცია

შედეგები ონლაინ

ექიმთან კონსულტაცია

ლაბორატორიები
Call Now Button