Clostridium difficile-ს A & B ტოქსინები (განავალში)

როდის ჩავიტაროთ ტესტი?

• დიარეის მქონე ნებისმიერ პაციენტში, რომელმაც მიიღო ანტიბიოტიკოთერაპია ბოლო 2 თვის განმავლობაში და/ან დიარეა დაიწყო ჰოსპიტალიზაციის შემდეგ 72 საათის (ან მეტი) შემდეგ. ზუსტი დიაგნოზის დასმამდე საჭიროა ეჭვი მივიტანოთ difficile-ით გამოწვეულ კოლიტზე.
• მძიმე დიარეული სინდრომი – დეფეკაცია მინიმუმ 3-ჯერ 24 საათის განმავლობაში, წყლიანი კონსისტენციის განავლით;
• ანტიბიოტიკებით ხანგრძლივი მკურნალობის შემდეგ გამოწვეული დიარეის დროს.
• დიარეა იმუნოკომპრომეტირებულ პაციენტებში და პაციენტებში, რომლებიც გადიან ქიმიოთერაპიის კურსს.

საყურადღებოა:

მსუბუქი ან საშუალო სიმძიმის ინფექციის სიმპტომები:

• თხიერი ფაღარათი დღეში სამჯერ ან მეტჯერ 2-3 დღის ან მეტი ხნის განმავლობაში.
• მსუბუქი მოვლითი ხასიათის ტკივილი მუცლის არეში და ტკივილი შეხებისას.

მძიმედ მიმდინარე ინფექციის სიმპტომები

მძიმე შემთხვევებში, ზოგიერთი ადამიანი განიცდის დეჰიდრატაციას და საჭიროებს ჰოსპიტალიზაციას. კლოსტრიდიუმ დიფიცილე იწვევს კოლინჯის – მსხვილის ნაწლავის ანთებას (კოლიტი), აზიანებს ნაწლავის ქსოვილს, შედეგად შეიძლება განვითარდეს სისხლდენა ან ჩირქოვანი გამონადენი (ფსევდომემბრანული კოლიტი). მძიმედ მიმდინარე ინფექციის სიმპტომებია:

• თხიერი ფაღრათი დღეში 10-15-ჯერ.
• კრუნჩხვები და ტკივილი მუცლის არეში, რომელიც შეიძლება იყოს მძიმე
• სიცხე
• სისხლი ან ჩირქი განავალში
• გულისრევის შეგრძნება
• დეჰიდრატაცია
• უმდაობა
• წონის კარგვა
• შესიება მუცლის არეში
• თირკმლის უკმარისობა
• სისხლის თეთრი უჯრედების (ლეიკოციტების) მომატება განავალში.