Search
Close this search box.
ლაბორატორიული ტესტები
კოვიდ-19 | პროფილაქტიკური პანელები
კოვიდ-19 | პასპორტი
კოვიდ-19 | ტესტების ჯგუფური პროფილები & ბინაზე მომსახურება
ალერგოლოგია & იმუნოლოგია
ანემიის ტესტები
აუტოიმუნური დარღვევების დიაგნოსტიკა
ბაქტერიოლოგია (ანტიბიოტიკოგრამით*)
განავლის გამოკვლევა
გენეტიკური ტესტები
გულ-სისხლძარღვთა დაავადებები
ვიტამინები
ინფექციური დაავადებები
კარდიალური მარკერები
კლინიკური ბიოქიმია
კოაგულაცია
კოვიდ-19 | PCR და ანტიგენის ტესტები გუდაურში
კოვიდ-19 | ტესტები
კოვიდ-19 | ტესტები გამოძახებით
ლაბორატორიული მომსახურეობა ბინაზე
თერაპიული მედიკამენტების მონიტორინგი
მიკროსკოპია
მოლეკულური ბიოლოგია (პჯრ)
მძიმე მეტალების განსაზღვრა
პარაზიტოლოგია
პრენატალური დიაგნოსტიკა
პროფილური კვლევები
საშვილოსნოს ყელის კიბოს სკრინინგ ტესტები
სიმსივნური მარკერები
სისხლის ბიოქიმია
სპეციფიური ცილები
ფარისებრი ჯირკვლის გამოკვლევა
შარდის ანალიზი
შარდის ბიოქიმია
ჰემატოლოგია
ჰისტოპათოლოგია
ჰორმონები

Read More

ხარისხი & სიზუსტე

გამოცდილება

უახლესი ტექნოლოგიები

სისწრაფე &
სანდოობა

განავლის ბაქტერიოლოგიური გამოკვლევა

ცნობილი როგორც:განავლის ბაქტერიოლოგია
SKU: 5015

76.50

საკვლევი მასალა: განავალი
პასუხის დრო (სამუშაო დღე): 3-4
ტესტი კეთდება უზმოზე: არა
ბინაზე გამოძახების სერვისი: დიახ
ქვეყანა: Georgia

ზოგადი ინფორმაცია

კოპროკულტურა (განავლის ბაქტერიოლოგიური გამოკვლევა) არის მიკრობიოლოგიური კულტურის კვლევა, რომლის დროსაც ფეკალური მასალა ითესება სპეციალურ საკვებ ნიადაგზე.

კულტივირება ხდება გარკვეულ პირობებში 24-72 საათის განმავლობაში, რის შემდეგაც დგინდება ბაქტერიების ზრდის არსებობა/არარსებობა და არსებობს შემთხვევები, როცა ტარდება დამატებითი ტესტები კონკრეტული ბაქტერიის იდენტიფიცირებისთვის. პათოგენის იზოლირებისას ასევე განისაზღვრება მიკროორგანიზმის მგრძნობელობა ანტიბიოტიკების მიმართ.

კვლევა ტარდება დიარეის სინდრომის დროს.

 

განავლის ბაქტერიოლოგიური ანალიზი  იკვლევს შემდეგ მიკროფლორას: Shigella spp. და Salmonella spp.

როდის ჩავიტაროთ ტესტი?

გახშირებული დეფეკაცია მინიმუმ 3-ჯერ 24 საათის განმავლობაში, წყლიანი და/ან სისხლნარევი კონსისტენციის განავლით;

შედეგების შესაძლო ინტერპრეტაცია

თუ გამოვლინდა აღნიშნული ბაქტერიები, ამ შემთხვევაში კეთდება შესაბამისი ანტიბიოტიკოგრამა.

მკურნალობის შესახებ გადაწყვეტილებას იღებს ექიმი.

დამატებითი ინფორმაცია

სამედიცინო პრაქტიკაში დიარეის სინდრომი მესამე ყველაზე გავრცელებული სინდრომია.

პაციენტთა უმეტესობას ახასიათებს მსუბუქი ინფექცია, თუმცა არსებობს ასევე მძიმე ფორმებიც, რომლებიც ხასიათდება ხშირი დეფეკაციით (3-40 დღეში), დაბალი კონსისტენციის განავლით (ზოგჯერ წყლიანი) და დიდი რაოდენობით სითხის დაკარგვით, რამაც შეიძლება გამოიწვიოს წყალ-ელექტროლიტური დისბალანსი და შედეგად მძიმე ჰემოდინამიკური დარღვევები (კარდიოვასკულური კოლაფსი).

დიარეას იწვევენ მთელი რიგი ვირუსები, ბაქტერიები, ჭიები და უმარტივესები, ზოგიერთ შემთხვევაში კი სოკოებიც. ნაწლავის დისბაქტერიოზმა ანტიბიოტიკების ხანგრძლივი გამოყენების შემდეგ, ასევე შეიძლება გამოიწვიოს დიარეა (ამ შემთხვევაში სასურველია გაკეთდეს გამოკვლევა დისბაქტერიოზსა და Clostridium difficile ToxA/ToxB-ზე).

 

როგორ მოვემზადოთ ტესტისთვის/მასალის შეგროვების წესები

განავლის ბაქტერიოლოგიური კვლევა უნდა ჩატარდეს დაავადების დაწყებიდან რაც შეიძლება მალე.

განავლის ბაქტერიოლოგიური გამოკვლევისთვის საკვლევი მასალის შეგროვება ხორციელდება:

  • ანტიბაქტერიული და ანტისოკოვანი საშუალებებით მკურნალობის დაწყებამდე.
  • ანტიბაქტერიული და ანტისოკოვანი მედიკამენტებით მკურნალობის კურსის დასრულებიდან – არა უადრეს 7-10 დღის შემდეგ.
  • ანტიბაქტერიული და ანტისოკოვანი მკურნალობის ფონზე ექიმის დანიშნულებისამებრ.
  • კვლევისთვის სპეციალური მომზადება საჭირო არ არის.
  • საკვლევი მასალა გროვდება სტერილურ კონტეინერში, ხრახნიანი და მასალის შესაგროვებელი კოვზიანი თავსახურით.
  • კვლევისას, განავალი არ უნდა შეიცავდეს ისეთ მინარევებს, როგორიცაა შარდი, ამიტომ განავლის შეგროვებამდე უნდა მოშარდოთ, რათა გამორიცხოთ შარდის შეღწევის შესაძლებლობა განავალში.
  • განავალი გროვდება სტერილური ზედაპირიდან – ე.წ. ღამის ქოთანი ან „სუდნო“, რომელიც კარგად არის გარეცხილი საპნით, რამდენჯერმე ჩამორეცხილი ონკანის წყლით, შემდეგ კი მდუღარე წყლით დამუშავებული და გაგრილებული. აკრძალულია ქოთნის ზედაპირის დამუშავება სადეზინფექციო საშუალებებით.
  • საკვლევი მასალის აღება ხდება სპეციალური კოვზით, რომელიც დამონტაჟებულია სტერილური კონტეინერის სახურავზე, კონტეინერის მოცულობის არაუმეტეს 1/3-ის ოდენობით (10 გრამამდე – 1 კოვზი).
  • შეგროვებისას აუცილებლად უნდა მოხდეს მასალის თხევადი ნაწილის – განსაკუთრებით ლორწოვანი და სისხლიანი ნაწილების შეგროვება, ასეთის არსებობის შემთხვევაში.
  • ნუ შეავსებთ კონტეინერს ბოლომდე!
  • კონტეინერში განავლის შეგროვების შემდეგ, დაახურეთ კონტეინერს თავსახური მჭიდროდ და მოიტანეთ მასალა ლაბორატორიულ ცენტრში.
  • საკვლევი მასალა შეგროვებიდან ერთი საათის განმავლობაში უნდა იქნას მოტანილი ლაბორატორიაში. თუ ერთი საათის განმავლობაში ვერ შეძლებთ საკვლევი მასალის ლაბორატორიაში მოტანას, მაშინ ის დაუყოვნებლივ უნდა შეინახოთ მაცივარში, +2–8 °С ტემპერატურაზე, მაქსიმუმ 2 საათის განმავლობაში.

ტესტირების პროცესი

ტესტის შეძენა მასალის ჩაბარება

ტესტის შეძენა

მასალის ჩაბარება

შედეგები ონლაინ ექიმთან კონსულტაცია

შედეგები ონლაინ

ექიმთან კონსულტაცია

ლაბორატორიები
Call Now Button