ანტისტრეპტოლიზინ O (ASLO)

სტრეპტოლიზინი არის ჰემოლიზინი, რომელიც პროდუცირდება A ჯგუფის სტრეპტოკოკის მიერ. ინფიცირებულ პაციენტებში სტრეპტოლიზინი მოქმედებს როგორც ანტიგენი, რომლის წინააღმდეგაც ორგანიზმი გამოიმუშავებს სპეციფიურ ანტისხეულებს. ანტისტრეპტოლიზური ანტისხეულების კონცენტრაციის ზრდა მიუთითებს სხეულის სენსიბილიზაციაზე სტრეპტოკოკური ანტიგენების მიმართ. ASL-O-ს კონცენტრაციის ზრდა იწყება სტრეპტოკოკური ინფექციის დადგენიდან 1 კვირაში და მისი დონე მაქსიმუმს აღწევს 2-4 კვირაში. გართულებების ან ინფექციის განმეორების არარსებობის შემთხვევაში, ASL-O-ს დონე ნორმას 6-12 თვის შემდეგ უბრუნდება. ASL-O-ს (ანტისტრეპტოლიზინ-O) დონის მუდმივი მატება ზრდის რევმატიზმის გართულებების განვითარების რისკს. გამოჯანმრთელების პერიოდში მაჩვენებელი მწვავე პერიოდთან შედარებით მცირდება. სერიულ კვლევას (დაახლოებით 1-2 კვირის ინტერვალით) აქვს მაქსიმალური დიაგნოსტიკური და პროგნოზული მნიშვნელობა. ASL-O ტიტრი ასევე შეიძლება გაიზარდოს სტრეპტოკოკის ჯანმრთელ მატარებლებში.

როდის ჩავიტაროთ ტესტი ანტისტრეპტოლიზინ O-ზე?

• სტრეპტოკოკური სტრეპტოლიზინის ზემოქმედების დადასტურება;
• სტრეპტოკოკურ ინფექციებთან დაკავშირებული მდგომარეობების დიაგნოსტიკა: მწვავე რევმატოიდული ართრიტი, გლომერულონეფრიტი, ენდოკარდიტი, ქუნთრუშა
• მწვავე რევმატოიდული ართრიტის მქონე პაციენტების რეგულარული მონიტორინგი (ყოველ 2-4 კვირაში).

როგორ მოვემზადოთ ტესტისთვის?

ტესტის ჩატარება სასურველია უზმოდ.

საკვლევი მასალა

ვენური სისხლი

შედეგების შესაძლო ინტერპრეტაცია

ანტისტრეპტოლიზინ-O-ს კონცენტრაცია იზრდება:

• რევმატიზმი;
• სტრეპტოკოკური ინფექციები;
• მწვავე დიფუზური გლომერულონეფრიტი.

რესურსები

https://spravochnik.synevo.ua/ru/klinicheskaia-himia/antistreptolysin-o.html