Free T3 /თავისუფალი ტრიიოდთირონინი

დამატებითი ინფორმაცია

პასუხის დრო (სამუშაო დღე) | Time to results

1-2

ანალიზის შესრულების ლოკაცია | Where is performed

Georgia

32.00

ზოგადი ინფორმაცია:

მოცირკულირე ტრიიოდთირონინის (T3) დაახლოებით 80% მიიღება თიროქსინის (T4) -ის პერიფერიული გარდაქმნის შედეგად, დანარჩენი 20% კი წარმოიქმნება ფარისებრი ჯირკვლის მიერ.

შრატის საერთო T3-ის მხოლოდ 0,1-0,3% გვხვდება ფიზიოლოგიურად აქტიურ თავისუფალ ფორმის სახით (FT3), ხოლო უმეტესი ნაწილი დაკავშირებულია პლაზმის ცილებთან (ძირითადად TBG -თიროქსინშემაკავშირებელ გლობულინთან).

შესაბამისად , FT3–ის განსაზღვრას აქვს უპირატესობა, რადგან არ არის დამოკიდებული პლაზმის ცილების კონცენტრაციასა და ცილების შემაკავშირებელი თვისებების ცვლილებებზე.

FT3- ის მეტაბოლური მოქმედება ხუთჯერ მეტია, ვიდრე FT4- ის მოქმედება. FT3 ზრდის სითბოს წარმოებას და ჟანგბადის მოხმარებას სხეულის ყველა ქსოვილის მიერ, გარდა თავის ტვინის, ელენთისა და სათესლეებისა. ასტიმულირებს A ვიტამინის სინთეზს ღვიძლში. ამცირებს სისხლში ქოლესტერინის და ტრიგლიცერიდების კონცენტრაციას, აჩქარებს ცილების მეტაბოლიზმს. ზრდის შარდის კალციუმის ექსკრეციას, ააქტიურებს ძვლის მეტაბოლიზმს, მაგრამ უფრო მეტად – ძვლის რეზორბციას; აქვს დადებითი ქრონო- და ინოტროპული ეფექტი გულზე. ასტიმულირებს რეტიკულურ ფორმაციას და კორტიკალურ პროცესებს ცენტრალურ ნერვულ სისტემაში.

T3 და FT3-ის შრატის კონცენტრაცია არსებითად დამოკიდებულია პერიფერიული გარდაქმნის დონეზე T4 → T3, იგი შეიძლება შემცირდეს:

  • არათიროიდული წარმოშობის სისტემური მდგომარეობების დროს (შორსწასული ნეოპლაზიები, ღვიძლის დეკომპენსირებული ციროზი, თირკმლის მძიმე დაზიანება, სეფსისი, ანორექსია ნევროზა), რომლებმაც შეიძლება გამოიწვიოს ”დაბალი T3-ის სინდრომი”, რომელიც ხასიათდება T3 / FT3– ის დაქვეითებით და არააქტიური სტერეოიზომერის – ”რევერსული” T3 (rT3) გაზრდილი დონით, T4 -ის კონვერტაციის “მიმართულების შეცვლით”;
  • ზოგიერთი წამლის მიღებისას: კორტიკოსტეროიდები, პროპრანოლოლი და ამიოდარონი;
  • ხანდაზმულებში: T3 / FT3 კონცენტრაცია 10-50% -ით დაბალია, ვიდრე ახალგაზრდებში (ამ მიზეზით, ჰიპერთირეოზის მსუბუქი ფორმა შეიძლება უგულვებელვყოთ ამ პაციენტებში).

იოდდეფიციტის არსებობისას შეიძლება დაფიქსირდეს T3 / FT3 კომპენსატორული მატება.

როდის ჩავიტაროთ ტესტი ?

ფარისებრი ჯირკვლის ფუნქციური მდგომარეობის მარკერი:

  • ტრიიოდოთირონინის იზოლირებული სეკრეციის გამოვლენა (T3 ჰიპერთირეოზი), რომელიც შეიძლება დაფიქსირდეს ჰიპერთირეოიდიზმის შემთხვევების დაახლოებით 10% -ში;
  • სუბკლინიკური ჰიპერთირეოიდიზმის მქონე პაციენტების იდენტიფიცირება, რომელთაც აღენიშნებათ TSH-ის წარმოქმნის დაქვეითება და FT4 და FT3-ის ნორმალური კონცენტრაციები; ამ პირებს აქვთ ჰიპერთირეოზის კლინიკურად გამოვლენის გაზრდილი რისკი;
  • „ბაზედოვის“ დაავადების მქონე პაციენტებში პროგნოზის დადგენა (თერაპიის დაწყებამდე FT3- ის გაზრდილი კონცენტრაცია მიუთითებს რეციდივების ზრდაზე);
  • ჰიპერთირეოზის მქონე პაციენტებში რეციდივის გამოვლენა (გაზრდილი FT3 შეიძლება იყოს ადრეული ნიშანი);
  • პირველადი ჰიპოთირეოზის სიმძიმის შეფასება;
  • ლევოთიროქსინით მკურნალობის მონიტორინგი (დოზის გადაჭარბების თავიდან ასაცილებლად).

როგორ მოვემზადოთ ტესტის გასაკეთებლად?

ანალიზისთვის საჭიროა ვენური სისხლი. ტესტის ჩაბარება ხდება უზმოდ , დილის საათებში.

შედეგების შესაძლო ინტერპრეტაცია:

FT3- ის დონის მომატება:

  • თირეტროპინომა;
  • დიფუზური ტოქსიკური ჩიყვი;
  • იზოლირებული T3 ტოქსიკოზი;
  • თირეოიდიტი;
  • თირეოტოქსიური ადენომა;
  • T4- რეზისტენტული ჰიპოთირეოზი;
  • ფარისებრი ჯირკვლის ჰორმონების მიმართ რეზისტენტობის სინდრომი;
  • TTG დამოუკიდებელი თირეოტოქსიკოზი;
  • მშობიარობის შემდგომი ფარისებრი ჯირკვლის დისფუნქცია;
  • ქორიონული კარცინომა;
  • თიროქსინის შემაკავშირებელი გლობულინის დონის დაქვეითება;
  • მიელომები მაღალი IgG-ის მაჩვენებლებით
  • ნეფროზული სინდრომი;
  • ჰემოდიალიზი;
  • ღვიძლის ქრონიკული დაავადება

FT3- ის დონის დაქვეითება:

  • თირკმელზედა ჯირკვლის არაკომპენსირებული პირველადი უკმარისობა;
  • სომატური და ფსიქიური დაავადებები ; აღდგენის პერიოდი მძიმე ავადმყოფობის შემდგომ;
  • პირველადი, მეორადი, მესამეული ჰიპოთირეოზი;
  • T4- ის არასწორად მიღების შედეგად არტიფიციული თირეოტოქსიკოზი;
  • დაბალ ცილოვანი და დაბალკალორიული დიეტა;
  • მძიმე ფიზიკური დატვირთვა ქალებში;
  • სხეულის წონის კლება.

0/5 (0 Reviews)
English EN Georgian KA Russian RU
Scroll Up