ვილებრანდის ფაქტორი | ანტიგენი

ზოგადი ინფორმაცია

კვლევისთვის ნიმუშის აღება მოხდება:

• რეგიონებში: ორშაბათს   
• თბილისში: ორშაბათს ან/და სამშაბათს (დღის პირველ ნახევარში)

ნიმუშების გაგზავნა განხორციელდება სამშაბათობით,დღის მეორე ნახევარში! ამისთვის, ნიმუში გამოგზავნა ცენტრალურ ლაბორატორიაში უნდა გამოიგზავნოს  სამსაბათს 12:00 საათამდე

ვილებრანდის ფაქტორი (ცილა) ადამიანის შედედების სისტემის ერთერთი ფაქტორია. ტესტი ადგენს ვილებრანდის ცილის ოდენობას სისხლის პლაზმაში, რადგან მისი რაოდენობა განსაზღვრავს ფაქტორის ფუნქციურ აქტივობას.

ფიზიოლოგიურ პირობებში, როდესაც სისხლძარღვის კედლის მთლიანობა ირღვევა და სისხლდენა იწყება, ვილებრანდის ცილა წარმოქმნის ადჰეზიურ (დამაკავშირებელ) ხიდს თრომბოციტებს შორის – დაზიანების უბანში. ეს უზრუნველყოფს თრომბოციტების აგრეგაციას – დაჯგუფებას და ადჰეზიას- შეწებებას დაზიანებული სისხლძარღვის კედელზე. ამის შედეგად აქტივდება კოაგულაციური კასკადი (რეაქციების თანმიმდევრობა), რასაც მოსდევს სტაბილური თრომბის ჩამოყალიბება სისხლძარღვის დაზიანების უბანში.

ვილებრანდის ფაქტორი კავშირშია კოაგულაციის მე-8 ფაქტორთან, ზრდის მის ნახევარსიცოცხლის ხანგრძლივობას 8-12 სთ-მდე და უზრუნველყოფს მის ჩართვას კოაგულაციურ კასკადში.

როდესაც ვილებრანდის ფაქტორის დეფიციტია ან ის ფუნქციურად არააქტიურია, ეს არღვევს თრომბოციტების აგრეგაცია-ადჰეზიის პროცესს, ასევე ამცირებს  კოაგულაციის-მე-8 ფაქტორის აქტივობას რასაც შედეგად მოყვება თრომბის წარმოქმნის დროის და სისხლდენის  გახანგრძლივება.

როდის ჩავიტაროთ კვლევა?

• ჭარბი ან განმეორებითი, აუხსნელი წარმოშობის სისხლდენის დიაგნოსტიკა
• ფონ ვილებრანდის დაავადების დიაგნოსტიკა
• ფონ ვილებრანდის დაავადების ტიპების დიფერენცირება
• ფონ ვილებრანდის დაავადების ან სხვა თანდაყოლილი კოაგულოპათიის ოჯახური ანამნეზი