ვიტამინი B6 | ლაბორატორიული კვლევა

ზოგადი ინფორმაცია

ვიტამინი B6 მნიშვნელოვანი კომპონენტია ნახშირწყლების, ამინომჟავების და ცხიმების მონელების პროცესში. ასევე მნიშვნელოვანია ნერვული სისტემის გამართული ფუნქციონირებისათვის, კანისა და სისხლის ფორმიანი ელემენტების განახლების პროცესებისათვის და იმუნური სისტემისათვის.

რადგანაც B6 ვიტამინი ბევრი საკვები პროდუქტის შემადგენლობაში შედის, მისი დეფიციტი საკმაოდ იშვიათია, თუმცა წვრილი ნაწლავის დაზიანებით მიმდინარე დაავადებებმა, ზოგიერთმა აუტოიმუნურმა დაავადებებმა, ალკოჰოლმა, ანტიეპილეფსიურმა და სხვა   მედიკამენტებმა შესაძლოა B6 ვიტამინის დეფიციტი გამოიწვიოს. B ჯგუფის ვიტამინების დეფიციტი ანემიის მიზეზია, რადგან ირღვევა  ერითროციტების წარმოქმნის პროცესი. ასევე ვითარდება დეპრესია და იმუნური სისტემის პრობლემები.

B6 ვიტამინის დეფიციტი როგორც წესი B ჯგუფის სხვა ვიტამინების დეფიციტთანაა ასოცირებული, მაგ: B9 (ფოლიუმის მჟავა) და B12.

B6 ვიტამინის რეკომენდებული დღიური ნორმა მოზრდილებისთვის საშუალოდ დღეღამეში 1.3-1,5 მგ-ია.

სიმპტომები

დერმატიტი

კანის აქერცვლა, გამონაყარი

დაბუჟება და პარესთეზიები კიდურებში

„ჟოლოსებრი ენა“

ტუჩის კუთხეების დაწყლულება

ანემია

გულყრები (ზოგჯერ ვითარდება აბვშვებში)

დიაგნოსტიკა

დიაგნოზი ისმება ანამნეზური და ფიზიკური გასინჯვის მონაცემებით, ლაბორატორიული კვლევებით.

მკურნალობა

მიმართულია B6 ვიტამინის დეფიციტის გამომწვევი მიზეზის აღმოფხვრისაკენ.

ზედოზირება

B ჯგუფის ვიტამინების შემცველი დანამატების მიღება ყოველთვის უსაფრთხო არ არის. მაგ: დანამატების ჭარბი მიღებისას, ან თირკმლის უკმარისობით მიმდინარე დაავადებების დროს, შესაძლოა ორგანიზმში მისი კუმულაცია   და ტოქსიკური ეფექტების გამოვლინება, როგორიცაა:

კოორდინაციისა და ნებისყოფითი მოძრაობების დარღვევა

კანის მტკივნეული, დაზიანებები

გულისრევა, ღებინება

სინათლის აუტანლობა

ტემპერატურული და ტკივილის მგრძნობელობის დარღვევა

ურთიერთქმედება მედიკამენტებთან

ვიტამინი B6 მიღების დაწყევამდ, აუცილებელია ექიმი ინფორმირებული სხვა ყველა იმ მედიკამენტის შესახებ, რასაც იღებს პაციენტი, განსაკუთრებით საყურადღებოა:

ბარბიტურატები

ანტიკონვულსანტები

ანტიტუბერკულოზური ანტიბიოტიკები

დოფამინის პრეპარატები (ლევოდოფა)

B6 ვიტამინის წყაროები:

თევზი

კარტოფილი

ბანანი

მარცვლეული

ხორცი