პარაზიტოლოგიური გამოკვლევა (განავალი)

ზოგადი ინფორმაცია

განავვლის პარაზიტოლოგიური გამოკვლევა მნიშვნელოვანია ნაწლავის პარაზიტების (ჰელმინთები, პროტოზოები) დროულად გამოვლენისთვის. ტესტი უზრუნველყოფს ინფექციის დიაგნოსტიკას და სწორი მკურნალობის დაგეგმვას, რაც აუცილებელია როგორც ბავშვებში, ისე მოზრდილებში

განავლის პარაზიტოლოგიური გამოკვლევა

Enterobius vermicularis,ენტერობიოზი ყველაზე გავრცელებული ჰელმინთოზია. ენტერობიოზის გამომწვევია თეთრი ფერის წვრილი ჭია Enterobius vermicularis ან Oxyuris vermicularis. ენტერობიუსს მეორენაირად მახვილას უწოდებენ. მისი კვერცხი 4-6 საათში მწიფდება და მასში მოძრავი მატლი ყალიბდება. თუ მომწიფებული კვერცხი ადამიანის პირის ღრუში მოხვდა, იგი ენტერობიოზით დაავადდება. ენტერობიუსი, დაავადებული ადამიანის ნაწლავში ცხოვრობს. გარეთ უმთავრესად ღამით გამოდის და კვერცხებს პერიანალური ხვრელის ირგვლივ არსებულ ნაოჭებში დებს.

Ascaris lumbricoides –ადამიანისთვის დამახასიათებელი ცილინდრული ჭია (ნემატოდი), რომელიც იწვევს ასკარიდოზს.

ასკარიდოზი ერთ-ერთი ყველაზე გავრცელებული პარაზიტული დაავადებაა.  მისი გადაცემა ხდება ფეკალურ-ორალური გზით. კლინიკური სურათი ასახავს ასკარიდას პარაზიტული ციკლის ეტაპებს, გამოვლინებებით, რომლებიც გამოწვეულია ფილტვის ლარვებითა და წვრილი ნაწლავის მოზრდილი პარაზიტებით:

• გარდამავალი ინტერსტიციული ჰიპერეოზინოფილური პნევმონია Loeffler: სპასტიური ხველა, ცემინება, სეროზული ნახველი, რომელიც შეიცავს ეოზინოფილებს და შარკო-ლეიდენის კრისტალებს;
• პოლიმორფული ალერგია;
• ენტერიტი: ჭიპის ირგვლივი ტკივილი, ღებინება, ნაწლავის შიგთავსის გადაადგილების დარღვევა; ნაწლავში პარაზიტების რაოდენობამ შესაძლოა 40-ს გადააჭარბოს; ამ დონეზე ის ახორციელებს მექანიკურ და ტოქსიურ მოქმედებას და შეუძლია გამოიწვიოს ნაწლავის ობსტრუქცია და ცილოვან-კალორიული მალაბსორბცია.