ლევეტირაცეტამი | ლაბორატორიული კვლევა

ზოგადი ინფორმაცია

ლევეტირაცეტამი ფართო სპექტრის ანტიეპილეფსიური მედიკამენტია, რომელიც გამოიყენება პარციალური, ფოკალური, მიოკლონური, ტონურ-კლონური გულყრების სამკურნალოდ, როგორც მოზრდილებში, ისე ბავშვებში. ლევეტირაცეტამი უკავშირდება სინაფსურ პროტეინებს, რიტაც აინჰიბირებს კალციუმის არხებს პრესინაფსურ დონეზე და ამცირებს ნეირომედიატორის გამოყოფას. ანუ მოქმედებს როგორც ნეირომოდულატორი.

ლევეტირაცეტამის მთავარი მეტაბოლიტი კარბოქსილმჟავას წარმოებულია, რომელიც არააქტიურია და მირებული დოზის მეოთხედს შეადგენს.  მედიკამენტის გამოყოფა ხდება თირკმლით. ნახევარდაშლის პერიოდი მოზრდილებში 6-8 საათია, ბავშვებში 5-7, ხანდაზმულებში 10-11 საათი.  თირკმლის ფუნქციური უკმარისობისას აუცილებელია მედიკამენტის დოზის კორექცია და კონცენტრაციის მონიტორინგი.

პაციენტის მომზადება: საკვლევი ნიმუშის აღება უნდა მოხდეს ბოლო დოზის მიღებიდან მინიმუმ 12 საათის შემდეგ.

საკვლევი მასალა: ვენური სისხლი

რეფერალური ნორმები: 10-40 მკგ/მლ