ვიტამინი K1 | ლაბორატორიული კვლევა

ზოგადი ინფორმაცია

ვიტამინი K1 ანუ ფილოქინონი ცხიმში ხსნადი ვიტამინების ჯგუფს განეკუთვნება. ფილოქინონი დიდი ოდენობითაა აღმოჩენილი მწვანეფოთლოვან ბოსტნეულში და ზოგიერთ ხილში (ავოკადო, კივი).  ვიტამინი K1 აუცილებელი კოფაქტორია (კატალიზატორია) ცილის გლუტამატის (ამინომჟავა) ნაშთების გამა-კარბოქსილირების პროცესში. ამ რეაქციით მიღებული გამა-კარბოქსიგლუტამინმჟავა ააქტიურებს შედედების II (პრითრომბინი), VII,IX და X ფაქტორებს. სხვა ცილები, რომლებიც ჩართულია ძვლის მეტაბოლიზმში, უჯრედის ზრდისა და აპოპტოზის პროცესებში, ასევე განიცდის გამა-კარბოქსიგლუტამინმჟავის ზემოქმედებას.

ღვიძლში ხდება  K ვიტამინის კატაბოლიზმი (დაშლა).

K ვიტამინის განსაზღვრა უზმოდ აღებული ნიმუშიდან წარმოადგენს კვებით რაციონში მისი მიღების ინდიკატორს. K ვიტამინის დღიური დოზა ქალებისთვის არის 90 ნგ/დღეში, მამაკაცებისათვის 120ნგ/დღეში.

K ვიტამინის ფუნქციები ორგანიზმში:

• სისხლის კოაგულაციური აქტივობის რეგულაცია
• ოსტეოპოროზის და ძვლის მოტეხილობების პრევენცია
• სისხლძარღვოვების კალციფიკაციის (გაკირვის) პრევენცია
• ანთებითი და სიმსივნური პროცესების პრევენცია

როდის ჩავიტაროთ კვლევა?

K ვიტამინის დეფიციტზე ეჭვის არსებობის, ან სიმპტომების გამოვლენისას.

წინასწარი მომზადება – კვლევა ტარდება უზმოდ

საკვლევი მასალა – ვენური სისხლი

რეფერალური ნორმა – 0.13 – 1.19 ნგ/ლ

შეზღუდვა

გარკვეული მდგომარეობები გავლენას ახდენს K ვიტამინის შეწოვის პროცესებზე და შესაბამისად –  მაჩვენებელზე სისხლში. ესენია:

• ანტიბიოტიკოთერაპია (10 დღეზე მეტხანს)
• ანტიეპილეფსიური მედიკამენტები
• ცხიმის შეწოვის მაბლოკირებელი მედიკამენტები და დანამატები
• ნაღვლის მჟავის გამოყოფის მაბლოკირებელი მედიკამენტები
• მინერალური ზეთები
• კონსერვანტები ( ბუტილირებული ჰიდროქსიტოლუენი)
• ესტროგენის შემცველი მედიკამენტები

ღვიძლის და საჭმლის მომნელებელი ტრაქტის დაავადებები