იმუნოგლობულინი E (IgE)

იმუნოგლობულინი E (IgE) არის ადამიანის იმუნური სისტემის მიერ წარმოებული იმუნოგლობულინების (ანტისხეულების) 5 კლასიდან ერთ-ერთი. IgE-ს ნორმალური კონცენტრაცია ორგანიზმში უკიდურესად დაბალია (საერთო იმუნოგლობულინის 0,001%-ზე ნაკლები).

IgE მნიშვნელოვან როლს ასრულებს ორგანიზმში განვითარებულ ალერგიულ რეაქციებში. IgE-ს აქვს სხვა იმუნოგლობულინების მსგავსი სტრუქტურა, რომელიც შედგება 2 მსუბუქი და 2 მძიმე ჯაჭვისგან. თითოეული IgE მოლეკულის მძიმე ჯაჭვი შეიცავს ცვლად რეგიონს, რომელიც პასუხისმგებელია ანტიგენურ სპეციფიკაზე, შესაბამისად, IgE ანტისხეულების თითოეული ტიპი არის სპეციფიური კონკრეტული ალერგენისთვის და რეაგირებს მხოლოდ მასზე.

შრატის IgE მოლეკულების უმეტესობა მიმაგრებულია პოხიერი უჯრედებისა და ბაზოფილური გრანულოციტების ზედაპირზე. სპეციფიური ალერგენების ურთიერთქმედება სპეციფიურ IgE-სთან, ამ უჯრედების ზედაპირზე, იწვევს ჰისტამინის და სხვა ვაზოაქტიური ნივთიერებების გამოყოფას, რითაც იწყება ალერგიული რეაქცია.

თუ გაქვთ ალერგია, ალერგენთან კონტაქტის შემთხვევაში, თქვენი იმუნური სისტემა გამოიმუშავებს დიდი რაოდენობით IgE ანტისხეულებს. ისინი, თავის მხრივ, ააქტიურებენ იმუნური უჯრედების დიდ რაოდენობას, რომელთა მოქმედებაც განაპირობებს ალერგიული რეაქციების გამოვლინებებს – სურდოს, ქოშინს, გამონაყარს, შეშუპებას.

ალერგიული რინიტის ან ასთმის მქონე პირთა დაახლოებით ნახევარს აღენიშნება IgE-ის გაზრდილი დონე; დანარჩენებს, მიუხედავად იმისა, რომ მათ აქვთ ალერგენისთვის სპეციფიური IgE-ის მაღალი კონცენტრაცია, აღენიშნებათ საერთო IgE-ს ნორმალური დონე. კვლევებმა აჩვენა, რომ საერთო IgE-ს დონე ხშირად გაზრდილია ატოპიური დერმატიტის მქონე პაციენტებში და მისი დონე, როგორც წესი, კორელაციაშია ეგზემის სიმძიმესთან.

IgE-ს კონცენტრაცია ასევე იზრდება პარაზიტული ინფექციით დაავადებულ პაციენტებში, ალერგიული ბრონქ-ფილტვის ასპერგილოზის და გარკვეული ტიპის იმუნოდეფიციტის დროს (ჯობის სინდრომი).

როდის ჩავიტაროთ ტესტი იმუნოგლობულინ E-ზე (IgE)? 

• ალერგია;
• პირველადი იმუნოდეფიციტური მდგომარეობები;
• ინფექციები;
• ავთვისებიანი დაავადებები;
• სხვა ანთებითი დაავადებები.

IgE ანტისხეულების ტესტირება აუცილებელია, თუ გაქვთ ალერგიული დაავადების შემდეგი სიმპტომები:

• მუდმივად დახშული ცხვირი;
• მუდმივი გამონადენი ცხვირიდან (წყლიანი სეკრეტი);
• ქავილი და თვალების მარტივი გაღიზიანება გამონადენით;
• გამონაყარი ამობურცული წითელი ლაქებით;
• დიარეა;
• ღებინება;
• Ჰაერის უკმარისობა;
• ხველა;
• მსტვინავი სუნთქვითი ხმიანობა გულმკერდის არეში.

როგორ მოვემზადოთ ტესტისთვის?

ტესტის ჩატარება სასურველია უზმოდ.

საკვლევი მასალა

ვენური სისხლი

შედეგების შესაძლო ინტერპრეტაცია

იმუნოგლობულინ E-ს კონცენტრაცია იზრდება:

• Ბრონქული ასთმა;
• თივის ცხელება;
• ატოპიური დერმატიტი;
• პარაზიტოზი;
• ჯობის სინდრომი;
• IgE მიელომა.

დიდი რაოდენობით IgE ანტისხეულების არსებობა ორგანიზმში, რომლებიც მიმართულნი არიან კონკრეტული ალერგენის მიმართ, მიუთითებს იმაზე, რომ თქვენ ძალიან მგრძნობიარე ხართ ამ ალერგენის მიმართ. ეს ნიშნავს, რომ დიდი რაოდენობით IgE ანტისხეულები უკავშირდებიან თქვენს იმუნურ უჯრედებს ალერგენთან შეხვედრისას და ალერგიული რეაქცია ვითარდება სწრაფად და მწვავედ. მაგრამ ეს ყოველთვის ასე არ არის. ზოგჯერ ალერგენთან კონტაქტისას, ორგანიზმში დიდი რაოდენობით IgE ანტისხეულები წარმოიქმნება, მაგრამ ისინი სათანადოდ ვერ უკავშირდებიან იმუნურ უჯრედებს ან თავად იმუნურ უჯრედებს არ აქვთ საკმარისი სივრცე ამ ტიპის ანტისხეულებთან დასაკავშირებლად.

გარდა ამისა, უარყოფითი შედეგი ან IgE ანტისხეულების დაბალი დონე აბსოლუტურად არ გამორიცხავს პაციენტის ალერგიულობას.

იმუნოგლობულინ E-ს კონცენტრაცია მცირდება:

• თანდაყოლილი ან შეძენილი იმუნოდეფიციტი;
• ატაქსია-ტელეანგიექტაზია;
• არა-IgE მიელომა.

რესურსები

https://www.synevo.ro/shop/imunoglobulina-ige/
https://www.synevo.bg/ige/