გლიადინის ანტისხეულები IgG

ზოგადი ინფორმაცია

გლიადინის ანტისხეულების განსაზსღვრა ცელიაკიის დიაგნოსტირებაში გამოიყენება.  ცელიაკია ქრონიკული, ანთებითი, აუტოიმუნური დაავადებაა, რომელიც გლუტენის შემცველი საკვების მიღების შემდეგ ვითარდება. გლიადინი გლუტენის შემადგენლობაში შემავალი ცილაა.

გლიადინის შემცველი პროდუქტების მიღების საპასუხოდ ვითარდება გლიადინის საწინააღმდეგო ანტისხეულები: IgA და IgG

IgA გამოვლენა მეტად ინფორმატიული ცელიაკიის დიაგნოსტიკაში, რადგან წარმოიქმნება წვრილ ნაწლავში, სადაც ანთებითი კერაა. IgG-ს კონცენტრაცია ნაკლებ სპეციფიკურია ცელიაკიისთვის, თუმცა მაინც მნიშვნელოვანია ანთებითი პროცესის გამოსავლენად.

ორივე ტიპის ანტისხეულების გამოვლენა, ექიმს საშუალებას აძლევს შეაფასოს ორგანიზმის  იმუნური პასუხი გლუტენზე და მის კომპონენტებზე.

გლიადინის ანტისხეულების გამოვლენა წარმოადგენს ცელიაკიის დამატებით კვლევას. ასევე იძლევა მკურნალობის მონიტორინგის შესაძლებლობას.

შედეგების სარწმუნოობისთვის კვლევის ჩატარებამდე რამდენიმე კვირა პაციენტი უნდა იკვებებოდეს გლუტენი შემცველი პროდუქტებით (შვრია, ჭვავი, ხორბალი).