ეპშტეინ-ბარის ვირუსის (EBV) დნმ | პჯრ რეალურ დროში

ზოგადი ინფორმაცია

ეპშტეინ ბარის ვირუსი არაერთ დაავადებასთანაა დაკავშირებული, როგორებიცაა: ინფექციური მონონუკლეოზი, ლიმფომა, პოსტტრანსპლანტაციური ლიმფოპროლიფერაციული სინდრომი, ნაზოფარინგული კარცინომა და სხვა.

ეპშტეინ ბარის ვირუსით ინფიცირებული ადამიანების უმეტესობას სიმპტომები არ უვითარდება ან დაავადება მიმდინარეობს ზედა სასუნთქი გზების ზომიერი ანთების ნიშნებით.

მოზარდებში და ახალგაზრდა ზრდასრულებში პირველადი ინფიცირების 35-50% შემთხვევებში ვითარდება ინფექციური მონონუკლეოზი – კეთილთვისებიანი ლიმფოპროლიფერაციული დაავადება, რომელსაც ახასიათებს ცხელება, ადვილად დაღლა, ფარინგიტი და პოლიადენოპათია.

სხვა ჰერპესვირუსების მსგავსად ეპშტეინ ბარის  ვირუსს უნარი აქვს ლატენტური (ფარული)  ფორმით დიდი ხნის მანძილზე დარჩეს ორგანიზმში.

ეპშტეინ ბარის ვირუსის დნმ-ის რაოდენობრივი განსაზღვრა ინფორმატიულია ვირუსის აქტიური ფორმის გამოსავლენად და  ასევე წარმოადგენს მარკერს ლიმფოპროლიფერაციული სიმსივნების დიაგნოსტიკისათვის.

ეპშტეინ-ბარის ვირუსთან ასოცირებული სიმსივნეებია:

• პოსტტრანსპლანტაციური ლიმფოპროლიფერაციული სინდრომი
• ნაზოფარინგული კარცინომა
• შიდს-თან ასოცირებული ლიმფომები
• ბერკიტის ლიმფომა

ეპშტეინ ბარის ვირუსის სამიზნე უჯრედებია B ლიმფოციტები. იმუნოკომპრემეტირებულ პაციენტებში (ძირითადად ბავშვებში) არ ვითარდება ვირუსის საწინააღმდეგო სპეციფიკური ანტისხეულები, რაც ართულებს დაავადების დიაგნოსტიკას და ქმნის ლიმფოპროლიფერაციული სინდრომის განვითარების რისკს.

როდის რადება კვლევა?

• ეპშტეინ ბარის ვირუსთან ასოცირებული სიმსივნეების მონიტორინგი
• ლიმფოპროლიფერაციული სინდრომის მკურნალობის მონიტორინგი
• ნაზოფარინგული კარცინომების რადიოთერაპიისშემდგომი აქტივობის შეფასება

პაციენტის მომზადება – არ არის საჭირო

საკვლევი ნიმუში – ვენური სისხლი