ეოზინოფილური კათიონური პროტეინი (ECP)

ზოგადი ინფორმაცია

ეოზინოფილური გრანულოციტები აქტიურად არის ჩართული ანთებით პროცესებში. ლეიკოციტურ ფორმულაში ეოზინოფილების გაზრდილი პროცეენტული მაჩვენებელი ახასიათებს ალერგიულ, პარაზიტულ, და რევმატოლოგიურ დაავადებებს. ეოზინოფილები სწრაფად აღწევენ ანთებით კერაში და გრანულებიდან ათავისუფლებენ ანთებით მედიატორებს (ნივთიერებებს). ამგვარად, ეოზინოფილების გრანულებში არსებული სუბსტანციები შეიცავს კათიონურ ცილებს და სხვადასხვა ციტოკინებსა და ქემოკინებს.
კათიონური ცილები, რაოდენობრივი სიჭარბისა და სამიზნე უჯრედებზე განხორციელებული ზემოქმედების გამო, საკმაოდ ფართოდაა შესწავლილი.
ეოზინოფილური კათიონური პროტეინი (ECP) 16-21 კდა მოლეკულური წონის მქონე ცილაა, რომელიც თითოეულ ეოზინოფილში (უჯრედში) დაახლოებით 15 პიკოგრამის ოდეობით წარმოიქმნება. ეოზინოფილების გრანულებში ის განლაგებულია ძირითად მატრიცაზე.
ძველი კვლევების თანახმად ECP რიბონუკლეაზაა (რნმ-აზა), რომელიც ავლენს ბაქტერიოციდულ ეფექტებს, ახდენს იმუნური უჯრედების – მასტოციტების დეგრანულაციას და აქვს ტოქსიკური გავლენა ჰელმინთურ პარაზიტებზე.
ეოზინოფილური კათიონური პროტეინის (ECP) კონცენტრაციის მატება შრატში, ნახველსა და ცხვირის სეკრეტში აღინიშნება პაციენტებში გვიანი ფაზის ალერგიული რეაქციებით.
შრატის ECP კონცენტრაცია უკეთ ასახავს ალერგიულ ანთებით პროცესს, ანუ ეოზინოფილების აქტივობას, ვიდრე IgE. ეოზინოფილური კათიონური პროტეინის კონცენტრაცია კავშირშია დაავადების აქტივობასთან, ანუ გამოხატავს დაავადების მიმდინარეობის სიმძიმეს და ატოპიას.

როდის ჩავიტაროთ კვლევა?

ეოზინოფილური კათიონური პროტეინის (ECP) განსაზღვრა ინფორმატიულია ატოპიური დერმატიტისა და ბრონქული ასთმის დიაგნოსტიკისა და მონიტორინგისათვის.
ასთმის დიაგნოზის მქონე პაციენტებს, ეოზინოფიური (ალერგიული) ანთებით, აღენიშნებათ ECP-ის დონის მატება შრატში და სხვა სითხეებში: ბრონქოალვეოლურ სითხეში და ნახველში. ECP-ის დონის განსაზღვრა შრატში არის ასთმის ალერგიული პროცესის ინდიკატორი.
ბრონქული ასთმის მკურნალობა მიმართულია სასუნთქ გზებში ანტებითი პროცესის აღმოფხვრისაკენ, ამიტომ ეოზინოფილური კათიონური პროტეინის განსაზღვრა ინფორმატიული მარკერია ამ პროცესის მონიტორინგისათვის.
ვის უტარდება კვლევა?
 ბავშვებს სასუნთქი გზების ობსტრუქციის სიმპტომებით, რათა მოხდეს ბრონქული ასთმისა და რეციდიული ობსტრუქციული ბრონქიტის დიფერენცირება.
 სასუნთქი გზების ალერგიული და არაალერგიული ანთებითი პროცესის დიფირენცირებული დიაგნოსტიკისას.
 ბრონქული ასთმისა და ატოპიური დერმატიტის მიმდინარეობის მონიტორინგიგსას
 ანთებისსაწინააღმდეგო, ანტიალერგიული მკურნალობის ეფექტის შესაფასებლად

წინასწარი მომზადება: კვლევა ტარდება უზმოდ
საკვლევი მასალა: ვენური სისხლი

რეფერალური ნორმა: <11 ნგ/ლ

ინტერპრეტაცია

ეოზინოფილური კათიონური პროტეინის (ECP) კონცენტრაციის მატება ანთებით პროცესზე მიუთითებს, რაც წარმოადგენს ბრონქული ასთმისა და ატოპიური დერმატიტის გამწვავების ინდიკატორს.