D-დიმერი | ლაბორატორიული კვლევა

როდის ჩავიტაროთ ტესტი?

• ტესტს აქვს ნეგატიური პროგნოზული მნიშვნელობა ქვედა კიდურების ღრმა ვენების თრომბოზისა და ფილტვის თრომბოემბოლიისთვის იმ გაგებით, რომ საეჭვო პაციენტებში უარყოფითი შედეგის მიღება გამორიცხავს ამ დაავადებების არსებობას მინიმუმ 90%-ით.
• D-დიმერი ორსულობის დროს. ორსულობისას მისი დონე თანდათან იზრდება და აქვს ცუდი პროგნოზული მნიშვნელობა ღრმა ვენების თრომბოზის დიაგნოზის გამოსარიცხად გესტაციის 20 კვირის შემდეგ. მშობიარობის დროს, D-დიმერი, როგორც წესი, ძალიან იზრდება, შემდეგ კი სწრაფად იკლებს მშობიარობიდან 3 დღის განმავლობაში და ნელ-ნელა უბრუნდება ნორმალურ მნიშვნელობას დაახლოებით 4 კვირის შემდეგ. ამ მომენტიდან ტესტი იბრუნებს თავის მნიშვნელობას.
• თრომბოზის რეციდივის რისკის განსაზღვრა იმ პაციენტებში, რომლებსაც აქვთ ღრმა ვენების არაპროვოცირებული თრომბოზი ანამნეზში და არ აქვთ თრომბოფილური დარღვევები;
• გავრცელებული ინტრავასკულარული კოაგულაციის სინდრომი (DIC). რეკომენდებულია დიაგნოსტიკური ეჭვის დასადასტურებლად/გასაქარწყლებლად, DIC-ის მქონე პაციენტებში პოტენციური რისკის შესაფასებლად და დაწყებული თერაპიის მონიტორინგისთვის.
• თრომბოლიზური თერაპიის დროს თრომბის ლიზისის ხარისხის მონიტორინგი.
• ეჭვი აორტის მწვავე დისექციაზე.
• წინაგულების ქრონიკული ფიბრილაციის მქონე პაციენტების გადარჩენის ალბათობის განსაზღვრა შემდეგი 2 წლის განმავლობაში.
• კარდიოვასკულარული სიკვდილიანობის დამოუკიდებელი რისკ ფაქტორი, რომელიც შეიძლება გამოყენებულ იქნას გულის უკმარისობის მქონე პაციენტების რისკის ქვეშ მყოფი ჯგუფების სტრატიფიკაციისთვის.
• გულის კორონარული დაავადების პოტენციური რისკ ფაქტორი.
• სუბკლინიკური თრომბოფილიის მარკერი.
• აუხსნელი პირველადი ან მეორეული უნაყოფობა და თრომბოფილია.
• ძუძუს კიბოს მქონე პაციენტებში სახეზე გვაქვს D-დიმერის მაღალი მაჩვენებლები სიმსივნის სტადიის შესაბამისად, რაც სასარგებლოა ლიმფურ კვანძებში მეტასტაზების იდენტიფიცირებისთვის ოპერირებადი კიბოს მქონე პაციენტებში.

ტესტი ინიშნება ექიმის მიერ.