კოაგულაციის ფაქტორი XI

ზოგადი ინფორმაცია

კვლევისთვის ნიმუშის აღება მოხდება:

• რეგიონებში: ორშაბათს   
• თბილისში: ორშაბათს ან/და სამშაბათს (დღის პირველ ნახევარში)

ნიმუშების გაგზავნა განხორციელდება სამშაბათობით,დღის მეორე ნახევარში! ამისთვის, ნიმუში გამოგზავნა ცენტრალურ ლაბორატორიაში უნდა გამოიგზავნოს  სამსაბათს 12:00 საათამდე

კოაგულაციის ფაქტორი XI, იგივე ანტიჰემოფილური ფაქტორი C, ანუ როზენტალის ფაქტორი, გლიკოპროტეინია, რომელიც ღვიძლსა და მეგაკარიოციტებში სინთეზდება. ის პირველად აღმოჩენილ იქნა 1953 წელს პაციენტში, კბილის ექსტრაქციის შემდეგ განვიტარებული მძიმე სისხლდენით. მისი სიხშირე 1:100 000-ზეა.ფაქტორი XI დეფიციტი გენეტიკური პათოლოგიაა და ხშირია აშკენაზ ებრაელებში (ახლონათესაური კავშირებით).

კოაგულაციის ფაქტორი XI (FXI) დეფიციტი გადაეცემა აუტოსომურ რეცესიული გზით, ანუ ორივე მშობლის მიერ დეფექტური გენის მტარებლობისას. გამოვლენის სიხშირე ორივე სქესში თანაბარია.
FXI მნიშვნელოვან როლს თამაშობს კოაგულაციის კასკადში, რასაც თრომბის ჩამოყალიბება მოჰყვება. ის ასტიმულირებს მეტი თრომბინის და ფიბრინოგენის ფიბრინად გარდამქმნელი ცილის წარმოქმნას რაც ხელს უწყობს თრომბის შენარჩუნებას.
XI ანუ როზენტალის ფაქტორის დეფიციტისთვის ნაკლებად იონტენსიური სისხლდენაა დამახასიათებელი, ვიდრე ჰემოფილური A და B ფაქტორების დეფიციტის დროს. ამასთანავე, სისხლდენის ინტენსივობა ხშირად არ შეესაბამება XI ფაქტორის პლზმის დონეს. სპონტანური ჰემორაგიები იშვიათია. პერორალური ანტიფიბრინოლიზური თერაპია კარგად აკონტროლებს ლორწოვანებიდან სისხლდენას (მენორაგია) და ასევე საკმარისი კბილის ექსტრაქციით გამოწვეული სისხლდენის შესაჩერებლად.
აუტოიმუნური დარღვევების მქონე პაციენტებში ძალიან იშვიათად, თუმცა ზოგჯერ გამოვლინდება ფაქტორი XI-ს საწინააღმდეგო ანტისხეულები.
კოაგულაციის XI ფაქტორის დეფიციტისას კოაგულოგრამაში აღინიშნება აქტივირებული ნაწილობრივი თრომბოპლასტინის დროის (APTT) გახანგრძლივება, სწრაფი დროის და თრომბინის დროის ნორმალური მაჩვენებლის ფონზე.

როდის ჩავიტაროთ კვლევა?
ტრავმით ან ქირურგიული ჩარევით ინიცირებული გახანგრძლივებული სისხლდენა
ცხვირიდან სისხლდენა
ჰემატურია (შარდში სისხლის კომპონენტი)
მენო-მეტრორაგია
ბადურის სისხლჩაქცევა

წინასწარი მომზადება: კვლევა ტარდება უზმოზე

საკვლევი მასალა: ვენური სისხლი

რეფერენტული ნორმები:
70 – 130 %
ორსულობის 1-15 კვირა: 70-130%
ორსულობის 16-40 კვირა: 70-150%