ჭადრის ალერგენი (T11) | სპეციფიური ას IgE

ზოგადი ინფორმაცია

ჭადრის ხე ფართოდ გავრცელებული ფოთლოვანი მცენარეა, რომელიც აქტიურად გამოიყენება ქალაქისა თუ სხვა ტიპის დასახლებების მწვაე ზოლის დაგეგმარებისას.

თუმცა, გაზაფხულის პერიოდში ჭადრის ხის მტვერი ცხვირის, თვალის და სასუნთქი გზების ალერგიულ პროცესებთანაა დაკავშირებული.

სიმპტომები

სურდო

ხველა

ცემინება

ცრემლდენა

თვალების ქავილი

ალერგიული გამონაყარი

სიმპტომების გამწვავება ასთმიან პაციენტებში

Wadris  ხის ალერგიის დიაგნოსტირება ყოველთვის მარტივი არ არის, რადგან ის ემთხვევა სხვა პოლინოზების (მცენარეულ მტვერზე ალერგიების) სეზონს. გასათვალისწინებელია ალერგია ოთახის მცენარეებზეც. საუკეთესო გზა, ალერგენის დასადგენად, ალერგიული ტესტების ჩატარებაა – ყველა სავარაუდო ალერგენზე. ასევე ჭადრის ალერგენის  სპეციფიკური იმუნოგლობულინის განსაზღვრა.

მკურნალობა და რეკომენდაციები

ყველაზე საუკეთესო საშუალება, ალერგიული რეაქციის თავიდან ასაცილებლად, მასთან კონტაქტის მინიმუმამდე დაყვანაა. პოლინოზები ამის საშუალებას ნაკლებად იძლევა, თუმცა არსებობს რამდენიმე დამხმარე მეთოდი:

• შეამოწმეთ მტვრის რაოდენობა. ქარიან ამინდში განსაკუთრებით უხვადაა ის ამიტომ მოერიდეთ სახლიდან გასვლას.
• ალერგიის სეზონზე ჯობს საღამოს საათებში გახვიდეთ სახლიდან, რადგან დილით და შუადღეს მტვრის რაოდენობა მაქსიმალურია.
• სეზონური ალერგიების პერიოდში ჩვეულზე უფრო ხშირად დაალაგეთ სახლი სველი წესით.
• ხშირად გამოცვალეთ თეთრეული და საგარეო სამოსი – მტვრის ნაწილაკების მოსაცილებლად.
• მიიღეთ შხაპი, ან დაიბანეთ სახე და ხელები ქუჩიდან დაბრუნების შემდეგ.

ალერგენთან კონტაქტის შემცირება, ალერგიული რეაქციის განვითარებისგან აბსოლუტურ დაცვას არ წარმოადგენს,  ამიტომ საჭიროა მადესენსიბილიზებელი მკურნალობა, რომლის გეგმის და დოზირების სესახებ გადაწყვეტილებას ირებს სპეციალისტი.