
ტექნიკური სამუშაოების გამო საიტი დროებით გათიშულია. ბოდიშს გიხდით შექმნილი უხერხულობისთვის.
The site is temporarily down due to maintenance. Sorry for the inconvenience.
ხარისხი & სიზუსტე
გამოცდილება
უახლესი ტექნოლოგიები
სისწრაფე &
სანდოობა
₾15.00 Original price was: ₾15.00.₾13.50Current price is: ₾13.50.
კვლევა განსაზღვრავს სისხლში AST-ის აქტივობას და გამოიყენება ღვიძლისა და სხვა ქსოვილების უჯრედული დაზიანების გამოსავლენად. ღვიძლის დაავადებების შეფასებისას AST ხშირად ALT-თან ერთად განისაზღვრება.
ასპარტატამინოტრანსფერაზა ფერმენტია, რომელიც მიეკუთვნება ტრანსამინაზების ჯგუფს. იგი ჩვეულებრივ გამოიყენება ღვიძლის დაავადებების დიაგნოსტიკისა და შემდგომი დაკვირვებისთვის, განსაკუთრებით ჰეპატოციტების ნეკროზის მქონე პაციენტებში. თუმცა, განსხვავებით ალანინამინოტრანსფერაზასგან (ALT), რომლის უდიდესი ნაწილი გვხვდება ღვიძლში, AST შეიძლება აღმოჩნდეს სხეულის სხვა ადგილებშიც – გულის და ჩონჩხის კუნთებში, თირკმლებში, პანკრეასში, ტვინის ქსოვილსა და ელენთაში. ეს ხდის მას ღვიძლის ფუნქციის ნაკლებად სპეციფიკურ ინდიკატორად, ALT-თან ან სხვა მაჩვენებლებთან შედარებით.
ღვიძლის დაავადებების, მათ შორის ჰეპატიტისა და ციროზის დიაგნოსტიკისთვის
ღვიძლის უჯრედების დაზიანების შესაფასებლად
კუნთოვანი ქსოვილის დაზიანების ან დაავადების ეჭვისას
გულის კუნთის დაზიანების შეფასებისას, სხვა შესაბამის კვლევებთან ერთად
ღვიძლის დაავადებების მიმდინარეობისა და მკურნალობის მონიტორინგისთვის
პროფილაქტიკური ბიოქიმიური გამოკვლევის ფარგლებში
მომატებული AST შესაძლოა მიუთითებდეს ღვიძლის უჯრედების, გულის ან ჩონჩხის კუნთების დაზიანებაზე. მისი მატება აღინიშნება ჰეპატიტის, ღვიძლის ცხიმოვანი დაავადების, ალკოჰოლთან დაკავშირებული დაზიანებისა და ინტენსიური ფიზიკური დატვირთვის შემდეგაც.
ნორმალური AST ნიშნავს, რომ ფერმენტის აქტივობა ლაბორატორიის რეფერენსულ ფარგლებშია, თუმცა დაავადების არსებობას სრულად არ გამორიცხავს.
AST კვლევის შედეგები ყოველთვის პირდაპირ კავშირშია სხვა ინდიკატორებთან, როგორიცაა ALT, GGT, ტუტე ფოსფატაზა, ბილირუბინი, ალბუმინი, INR და სხვა. მხოლოდ კვალიფიციური სპეციალისტის მიერ ტესტების პანელის საერთო შეფასება და ინტერპრეტაცია შეიძლება იყოს რელევანტური კონკრეტული დაავადების დიაგნოსტიკისას.
მხოლოდ AST-ის განსაზღვრისთვის უზმოდ ყოფნა, როგორც წესი, აუცილებელი არ არის. თუ კვლევა სხვა ბიოქიმიურ მაჩვენებლებთან ერთად ტარდება, შესაძლოა საჭირო იყოს 8–12-საათიანი შიმშილი.
კვლევამდე მინიმუმ 24 საათით ადრე რეკომენდებულია ალკოჰოლის მიღებისგან და ინტენსიური ფიზიკური აქტივოობისგან თავის შეკავება.
მიღებული მედიკამენტებისა და საკვები დანამატების შესახებ აუცილებელია ექიმის და ლაბორატორიის ინფორმირება. მედიკამენტების შეწყვეტა ექიმთან შეთანხმების გარეშე არ შეიძლება.
შეუკვეთეთ ყველა ანალიზი ონლაინ
სხვა ტესტები




ტესტირების პროცესი
| ტესტის შეძენა | მასალის ჩაბარება |
| შედეგები ონლაინ | ექიმთან კონსულტაცია |
