C ჰეპატიტის ვირუსი | ანტისხეულები

C ჰეპატიტის ვირუსი არის რნმ ვირუსი, რომელიც იწვევს C ჰეპატიტს. ვირუსი გადაეცემა ვირუსით ინფიცირებულ სისხლთან ან ინფიცირებულ ობიექტებთან კონტაქტით – სისხლის გადასხმის გზით, ჩვეულებრივი შპრიცებით, ტატუს ნემსებით, არასწორად სტერილიზებული ქირურგიული და სტომატოლოგიური ინსტრუმენტებით, პედიკიურისა და მანიკიურის ხელსაწყოებით. ასევე ვარაუდობენ სქესობრივი გზით გადაცემას. შესაძლებელია ვირუსის გადაცემა დედიდან ბავშვზე მშობიარობის დროს. ვირუსი არ გადაეცემა C ჰეპატიტით დაავადებულ პაციენტთან საყოფაცხოვრებო კონტაქტით.

C ჰეპატიტი ვლინდება როგორც მწვავე ინფექცია, რომელიც შემთხვევების 80%-ზე მეტში გადადის ქრონიკულ C ჰეპატიტში. ქრონიკული C ჰეპატიტი პროგრესულად აზიანებს ღვიძლს და იწვევს ღვიძლის ციროზს მთელი მისი გართულებებით და არის ჰეპატოცელულარული კარცინომის ერთ-ერთი მიზეზი.

ქრონიკული მატარებლებიდან, შრატში ALT პათოლოგიური მნიშვნელობებით ან მის გარეშე:

• 15% – იკურნება;
• 70%-ს უვითარდება ქრონიკული ჰეპატიტი (საშუალო ინტერვალი 10 წელი);
• 10-20%-ს უვითარდება ციროზი (საშუალო ინტერვალი 20 წელი);
• 50% იღუპება HCV ინფექციით.

ანტი-HCV ანტისხეულების (ანტისხეულები C ჰეპატიტის ვირუსის წინააღმდეგ) ტესტი, წარმოადგენს სეროლოგიურ ანალიზს, რომელიც გვიჩვენებს ანტისხეულების არსებობას ან არარსებობას C ჰეპატიტის ვირუსის (HCV) წინააღმდეგ, პაციენტის შრატში.

ანტისხეულები ვლინდება ინფექციის დაწყებიდან საშუალოდ 7-8 კვირის შემდეგ. ინფექციის სპონტანური აღმოფხვრის შემთხვევაში ანტი-HCV ანტისხეულები შეიძლება შენარჩუნდეს მთელი სიცოცხლის განმავლობაში ან თანდათან შემცირდეს, სანამ საბოლოოდ არ გაქრება რამდენიმე წელიწადში.

ქრონიკული HCV ინფექციის მქონე პაციენტებში ანტისხეულები ვლინდება განუსაზღვრელი დროის განმავლობაში.

როდის ჩავიტაროთ ტესტი C ჰეპატიტის საწინააღმდეგო ანტისხეულებზე?

• ღვიძლის ფერმენტების (AST, ALT) მომატებული დონე;
• მწვავე ან ქრონიკული ჰეპატიტის დიაგნოსტიკა (A, B და E ჰეპატიტებზე ტესტირებასთან ერთად);
• ნარკოტიკების ინტრავენური მომხმარებლები (B ჰეპატიტზე და აივ-ზე ტესტირებასთან ერთად);
• აივ-დადებითი პირები – (B ჰეპატიტის ტესტირებასთან ერთად) – მნიშვნელოვანია შესაბამისი მკურნალობის დანიშვნისათვის;
• დონორის სისხლის სკრინინგი;
• ღვიძლის ციროზის ეტიოლოგიის დადგენა;
• C ჰეპატიტის ინფექციის ისტორია;
• ორსულობა.

როგორ მოვემზადოთ ტესტისთვის?

ტესტისთვის სპეციალური მომზადება საჭირო არ არის.

ტესტის ჩატარება სასურველია უზმოდ.

საკვლევი მასალა

ვენური სისხლი

შედეგების შესაძლო ინტერპრეტაცია

დადებითი შედეგი:

• C ჰეპატიტი (მწვავე ან ქრონიკული);
• HCV ინფექცია ანამნეზში;
• სისხლის გადასხმის შედეგი (საჭიროა დროთა განმავლობაში კონტროლი);
• ცრუ დადებითი შედეგი – საჭიროა ანტისხეულების აღმოჩენის დადასტურება სხვა ბიოლოგიურ ნიმუშში სხვა მეთოდით.

უარყოფითი შედეგი:

• არ აღინიშნება HCV ინფექცია;
• C ჰეპატიტის ინკუბაციური პერიოდის პირველი 4-6 კვირა;
• “სერონეგატიური” C ჰეპატიტი.

რესურსები

https://www.synevo.bg/hepatit-c/
https://www.synevo.ro/shop/anti-hcv/
https://spravochnik.synevo.ua/ru/gepatit/virus-gepatita-c.html