СА 15-3 – კარბოჰიდრატული, კარცინომული ანტიგენი (სისხლი)

ზოგადი ინფორმაცია

სარძევე ჯირკვლის კარცინომა ძუძუს სიმსივნის ერთერთი ყველაზე გავრცელებული ფორმაა. ეს სიმსივნეები ხშირად წარმოქმნიან მუცინოზურ ანტიგენებს – დიდი  მოლეკულური მასის მქონე გლიკოპროტეინებს.  CA 15-3 სარძევე ჯირკვლის სიმსივნესთან ასოცირებული ანტიგენია, რომელიც MUC-1 გენის მიერ კოდირდება.

CA 15-3 ძირითადად გამოიყენება ძუძუს კიბოს  მკურნალობის  მონიტორინგისთვის, მეტასტაზების არსებობის დროს. მარკერის კვლევა არ ტარდება იზოლირებულად, არამედ მისი მონაცემები განიხილება კლინიკურ, ანამნეზურ, ინსტრუმენტულ-ლაბორატორიული კვლევის მონაცემებთან ერთად.  CA 15-3 ასევე გამოიყენება ძუძუს კიბოს ინვაზიური სიმსივნის პოსტოპერაციული პერიოდის მეტვალყურეობისთვის.

გარდა სარძევე ჯირკვლის სიმსივნეებისა, CA 15-3 დონე შრატში შესაძლოა გაიზარდოს ფილტვის, მსხვილი ანწლავის, პანკრეასის, ღვიძლის, საკვერცხის, საშვლიოსნოს ყელის და ენდომეტრიუმის სიმსივნეების დროს.

კვლევის მთავარ შეზღუდვას წარმოადგენს ის ფაქტი, რომ სიმსივნის ადრეულ სტადიაზე, მარკერის მატება არ აღინიშნება, შესაბამისად მისი გამოყენება სასკრინინგოდ არ ხდება.

სერიული ტესტირება ხელს უწყობს რეციდივის ადრეულ გამოვლენას, მანამდე ნამკურნალები  II და III სტადიის ძუძუს კიბოს მქონე პაციენტებში.