გონორეა | ის, რაც უნდა ვიცოდეთ

გონორეა არის სქესობრივი გზით გადამდები ინფექცია (STI), რომელიც გამოწვეულია ბაქტერიით – Neisseria gonorrhoeae. ეს გავრცელებული სქესობრივი გზით გადამდები ინფექცია მიდრეკილია სხეულის თბილი, ტენიანი უბნებისკენ, მათ შორის: ურეთრა, თვალები, ყელი, საშო, ანუსი, ქალის რეპროდუქციული ტრაქტი, რომელიც მოიცავს ფალოპის მილებს, საშვილოსნოს ყელს და საშვილოსნოს

გონორეა არის სქესობრივი გზით გადამდები ინფექცია (STI), რომელიც გამოწვეულია ბაქტერიით – Neisseria gonorrhoeae. ეს გავრცელებული სქესობრივი გზით გადამდები ინფექცია მიდრეკილია სხეულის თბილი, ტენიანი უბნებისკენ, მათ შორის: ურეთრა, თვალები, ყელი, საშო, ანუსი, ქალის რეპროდუქციული ტრაქტი, რომელიც მოიცავს ფალოპის მილებს, საშვილოსნოს ყელს და საშვილოსნოს

გონორეამ შეიძლება გავლენა იქონიოს ნებისმიერი ასაკისა და სქესის ადამიანზე, მაგრამ ის განსაკუთრებით გავრცელებულია 15-დან 24 წლამდე ახალგაზრდებში.

არანამკურნალევმა გონორეამ შეიძლება გამოიწვიოს გრძელვადიანი ჯანმრთელობის პრობლემები და, ზოგიერთ შემთხვევაში, უნაყოფობა. მაგრამ ანტიბიოტიკებით მკურნალობამ შეიძლება განკურნოს ინფექცია და შეამციროს გართულებების შანსი.

როგორ გადაეცემა გონორეა?

გონორეა გადაეცემა ორალური, ანალური ან ვაგინალური სქესობრივი კონტაქტით და ასევე გონორეით დაავადებულ ორსულს შეუძლია ბავშვს ინფექცია მშობიარობის დროს გადასცეს.

გონორეას სიმპტომები

ხშირ შემთხვევაში, გონორეა არ იწვევს სიმპტომებს. გამოვლენის შემთხვევაში, სიმპტომები შეიძლება დაკავშირებული იყოს სხეულის სხვადასხვა არესთან, თუმცა ჩვეულებრივ ვლინდება სასქესო ტრაქტთან დაკავშირებული სიმპტომები:

მამაკაცებში გონორეას ნიშნები და სიმპტომები მოიცავს:

  • მტკივნეული შარდვა
  • ჩირქისმაგვარი გამონადენი პენისიდან
  • ტკივილი ან შეშუპება ერთ სათესლე ჯირკვალში

ქალებში გონორეას ნიშნები და სიმპტომები მოიცავს:

  • დიდი რაოდენობით ვაგინალური გამონადენი
  • მტკივნეული შარდვა
  • ვაგინალური სისხლდენა მენსტრუალურ პერიოდებს შორის (მაგ. სისხლდენა ვაგინალური სქესობრივი აქტის შემდეგ)
  • მუცლის ან მენჯის ტკივილი

გონორეამ ასევე შეიძლება გავლენა მოახდინოს სხეულის შემდეგ არეებზე:

  • სწორი ნაწლავი. ნიშნები და სიმპტომებია: ანალური ქავილი, ჩირქოვანი გამონადენი სწორი ნაწლავიდან, სისხლის ლაქები (ნათელი წითელი ფერის) ტუალეტის ქაღალდზე, ნაწლავის მტკივნეული მოძრაობა.
  • თვალები. გონორეამ, რომელიც გავლენას ახდენს თქვენს თვალებზე, შეიძლება გამოიწვიოს თვალის ტკივილი, მგრძნობელობა სინათლის მიმართ და ჩირქოვანი გამონადენი ერთი ან ორივე თვალიდან.
  • ყელი. ყელის ინფექციის ნიშნები და სიმპტომები შეიძლება მოიცავდეს ყელის ტკივილს და გადიდებულ ლიმფურ კვანძებს კისერზე.
  • სახსრები. თუ ერთი ან მეტი სახსარი დაინფიცირდა ბაქტერიით (სეპტიური ართრიტი), სახსრები შეიძლება იყოს თბილი, წითელი, შეშუპებული და უკიდურესად მტკივნეული, განსაკუთრებით მოძრაობის დროს.

გონორეა და ორსულობა

თუ ორსულად ხართ და გაქვთ გონორეა, შესაძლოა ინფექცია თქვენს შვილს მშობიარობის დროს გადასდოთ. ამან შეიძლება ბავშვში გამოიწვიოს ჯანმრთელობის სერიოზული პრობლემები. თუ ორსულად ხართ, ესაუბრეთ თქვენს ექიმს სწორი გამოკვლევის, ტესტირებისა და მკურნალობის შესახებ. გონორეის რაც შეიძლება ადრეულ ეტაპზე მკურნალობა თქვენი ბავშვის ჯანმრთელობის პრობლემებს ნაკლებად სავარაუდოს გახდის.

რისკ-ფაქტორები

25 წლამდე სქესობრივად აქტიური ქალები და ბისექსუალი ან ჰომოსექსუალი მამაკაცები გონორეის განვითარების რისკის ქვეშ არიან.

სხვა რისკ-ფაქტორები მოიცავს:

  • ახალი სქესობრივი პარტნიორის ყოლა
  • თუ გყავთ სქესობრივი პარტნიორი, რომელსაც ჰყავს სხვა პარტნიორები
  • ერთზე მეტი სქესობრივი პარტნიორის ყოლა
  • გონორეა ან სხვა სქესობრივი გზით გადამდები ინფექცია ანამნეზში

გართულებები

არანამკურნალევმა გონორეამ შეიძლება გამოიწვიოს სერიოზული გართულებები, როგორიცაა:

  • უნაყოფობა ქალებში. გონორეა შეიძლება გავრცელდეს საშვილოსნოსა და ფალოპის მილებში და გამოიწვიოს მენჯის ანთებითი დაავადება (PID). PID-მა შეიძლება გამოიწვიოს მილების ნაწიბურების წარმოქმნა, ორსულობის გართულებებისა და უნაყოფობის რისკის ზრდა, ის საჭიროებს სასწრაფო მკურნალობას.
  • უნაყოფობა მამაკაცებში. გონორეამ შეიძლება გამოიწვიოს სათესლე ჯირკვლის დანამატის ანთება – ეპიდიდიმიტი. არანამკურნალევმა ეპიდიდიმიტმა შეიძლება გამოიწვიოს უნაყოფობა.
  • ინფექცია, რომელიც ვრცელდება სახსრებსა და სხეულის სხვა უბნებზე. გონორეის გამომწვევი ბაქტერია შეიძლება გავრცელდეს სისხლში და დააინფიციროს თქვენი სხეულის სხვა ნაწილები, სახსრების ჩათვლით. შესაძლო შედეგია ცხელება, გამონაყარი, კანის წყლულები, სახსრების ტკივილი, შეშუპება და შებოჭილობა.
  • აივ/შიდსის გაზრდილი რისკი. ადამიანებს, რომლებსაც აქვთ გონორეა და აივ, შეუძლიათ ორივე დაავადება უფრო ადვილად გადასცენ პარტნიორებს.
  • გართულებები ჩვილებში. ბავშვებს, რომლებსაც დედისგან გონორეა გადაეცემათ მშობიარობის დროს, შეიძლება განუვითარდეთ სიბრმავე, წყლულები თავის კანზე და ინფექციები.

დიაგნოსტიკა

ტესტები გონორეაზე

  • შარდის გამოკვლევა. ეს დაგეხმარებათ ბაქტერიების იდენტიფიცირებაში თქვენს ურეთრაში
  • ნაცხის გამოკვლევა. ბაქტერიის იდენტიფიცირებისთვის ხდება თქვენი ყელის, ურეთრის, საშოს ან სწორი ნაწლავის ნაცხის გამოკვლევა.
  • სისხლის გამოკვლევა

თუ ფიქრობთ, რომ შეიძლება გქონდეთ გონორეა, მნიშვნელოვანია თავიდან აიცილოთ ნებისმიერი სექსუალური აქტივობა, სანამ ტესტის უარყოფით შედეგს არ მიიღებთ.

არის თუ არა გონორეა განკურნებადი?

დიახ, სწორ მკურნალობას შეუძლია გონორეის განკურნება. გონორეას მკურნალობისთვის გამოიყენება ანტიბიოტიკები. ინფექციის დასამარცხებლად მნიშვნელოვანია, რომ მიიღოთ ექიმის მიერ დანიშნული ყველა მედიკამენტი. მიუხედავად იმისა, რომ წამალი შეაჩერებს ინფექციას, ის ვერ აღადგენს დაავადებით გამოწვეულ რაიმე მუდმივ ზიანს.

ზოგიერთ შემთხვევაში ინფექციის მკურნალობა უფრო რთული ხდება, რადგან გონორეის წამლებისადმი რეზისტენტული შტამების რაოდენობა იზრდება. მიმართეთ ექიმს, თუ თქვენი სიმპტომები გაგრძელდება მკურნალობის დაწყებიდან რამდენიმე დღის ან მეტი ხნის განმავლობაში.

პრევენცია

გონორეის რისკის შესამცირებლად:

  • გამოიყენეთ პრეზერვატივი ნებისმიერი სახის სქესობრივი კონტაქტისას;
  • შეზღუდეთ თქვენი სქესობრივი პარტნიორების რაოდენობა;
  • თავი აარიდეთ სქესობრივ კონტაქტს თუ თქვენს პარტნიორს აქვს სქესობრივი გზით გადამდები ინფექციის ნიშნები ან სიმპტომები, როგორიცაა წვა შარდვის დროს ან გამონაყარი ან წყლული სასქესო ორგანოებზე;
  • განიხილეთ გონორეის რეგულარული სკრინინგი. ყოველწლიური სკრინინგი რეკომენდირებულია 25 წელზე უმცროსი სქესობრივად აქტიური ქალებისთვის და ინფიცირების გაზრდილი რისკის მქონე ხანდაზმული ქალებისთვის (ქალები, რომლებსაც ჰყავთ ახალი სქესობრივი პარტნიორი, ერთზე მეტი სქესობრივი პარტნიორი ან სქესობრივი პარტნიორი, რომელსაც აქვს სქესობრივი გზით გადამდები ინფექცია);

რეგულარული სკრინინგის ჩატარება ასევე რეკომენდებულია ბისექსუალი ან ჰომოსექსუალი მამაკაცებისთვის;

გონორეით განმეორებითი ინფიცირების თავიდან ასაცილებლად თავი შეიკავეთ სქესობრივი კონტაქტისგან, მანამ სანამ თქვენ და თქვენი სქესობრივი პარტნიორი არ დაასრულებთ მკურნალობას და სიმპტომები არ ალაგდება.

თუ ეჭვობთ გონორეაზე ან სხვა სქესობრივი გზით გადამდები ინფექციის/დაავადების არსებობაზე (დიაგნოსტიკის მიზნით), თუ ინფიცირებული ხართ, თუ გადატანილი გაქვთ ინფექცია (მონიტორინგის მიზნით) ან გსურთ სკრინინგი რისკ-ფაქტორების არსებობის გამო (პრევენციის მიზნით), ლაბორატორიასინევოგთავაზობთ შემდეგ კვლევებს:

ანალიზის დასახელება / Name of the test კატეგორია / Category ფასი / Price კოდი / CODE პასუხის დრო (სამუშაო დღე)** ანალიზის შესრულების ლოკაცია**** ყიდვაhf:categories
 

 ჯანმრთელობაზე ზრუნვა იწყება ზუსტი ანალიზებიდან

ისაუბრე, დაიტესტე, იმკურნალე !

 

 

 

 

რესურსები

https://www.cdc.gov/std/gonorrhea/stdfact-gonorrhea.htm

https://www.healthline.com/health/gonorrhea#treatment

https://www.mayoclinic.org/diseases-conditions/gonorrhea/diagnosis-treatment/drc-20351780

English EN Georgian KA Russian RU
Call Now Button