14 ნოემბერი დიაბეტის მსოფლიო დღეა

ჯანდაცვის მსოფლიო ორგანიზაციის მხარდაჭერით დიაბეტის მსოფლიო დღე ყოველწლიურად 14 ნოემბერს აღინიშნება

ყოველწლიურად 4,5 მილიონზე მეტი ადამიანი იღუპება დიაბეტით და ათობით მილიონი იტანჯება სიცოცხლისთვის საშიში გართულებებით, როგორიცაა გულ-სისხლძარღვთა დაავადებები, თირკმლის უკმარისობა, ნევროლოგიური გართულებები, სიბრმავე და ამპუტაცია. დიაბეტით დაავადებული ყოველი მეორე ზრდასრული არ არის დიაგნოზირებული, ამიტომ ბევრი პაციენტი უგულებელყოფს დაავადებას და მიმართავს ექიმს,როცა უკვე სახეზეა გართულებები.დადგენილია, რომ ტიპი 2 დიაბეტის გართულებების თავიდან აცილება შესაძლებელია რეგულარული პრევენციული ღონისძიებების შედეგად.