სგგდ / კითხვარი

სინევო | სქესობრივი გზით გადამდები დაავადებები – კითხვარი

კითხვარი: სქესობრივი გზით გადამდები დაავადებები

ეს ტესტი დაგეხმარებათ გაიგოთ, ხართ თუ არა სქესობრივი გზით გადამდები დაავადების (სგგდ) განვითარების რისკის ქვეშ.

თუ რომელიმე კითხვაზე თქვენი პასუხი იქნება „დიახ“, მაშინ შეიძლება დაგჭირდეთ შესაბამისი პროფილის ექიმთან კონსულტაცია, რათა გაიგოთ მეტი თქვენი რისკის შესახებ და გაარკვიოთ, გჭირდებათ თუ არა ტესტირება სქესობრივი გზით გადამდებ ინფექციებზე.

ამ ტესტის მიზანი არ არის სქესობრივი გზით გადამდები დაავადებების დიაგნოსტიკა. მას ასევე არ შეუძლია წინასწარ განსაზღვროს, ინფიცირდებით თუ არა მომავალში. ტესტი დაგეხმარებათ იმის დადგენაში, ხართ თუ არა სქესობრივი გზით გადამდები დაავადებების განვითარების რისკის ქვეშ.

კითხვარი წარმოადგენს CDC-ის (დაავადებათა კონტროლისა და პრევენციის ცენტრი) კითხვარის ანალოგს.

გქონიათ თუ არა ვაგინალური, ანალური ან ორალური სქესობრივი კონტაქტი კონდომის გარეშე ბოლო 12 თვის განმავლობაში?^*

დიახ | კონდომისა და სხვა ბარიერული საშუალებების სწორად გამოყენებამ ყოველ ჯერზე სქესობრივი კავშირის დროს შეიძლება შეამციროს სქესობრივი გზით გადამდები ინფექციებით, მათ შორის აივ-ით ინფიცირების რისკი.

არა | კონდომისა და სხვა ბარიერული საშუალებების სწორად გამოყენებამ ყოველ ჯერზე სქესობრივი კავშირის დროს შეიძლება შეამციროს სქესობრივი გზით გადამდები ინფექციებით, მათ შორის აივ-ით ინფიცირების რისკი.

გქონიათ თუ არა ოდესმე სქესობრივი გზით გადამდები დაავადება?^*

დიახ | თუ ადრე გქონდათ სქესობრივი გზით გადამდები დაავადება, რისკი იმისა, რომ ახლაც ინფიცირებული ხართ ან მომავალში დაინფიცირდებით ბევრად მაღალია. (თუ თქვენ იგივე სქესობრივ აქტივობებში ხართ ჩართული, რამაც განაპირობა წარსულში თქვენი ინფიცირება). აუცილებლად აცნობეთ თქვენს ექიმს წარსულში არსებული სგგდ-ის შესახებ. ეს დაეხმარება მას მოგცეთ პრევენციული რჩევები, რომელიც შესაძლოა მოიცავდეს სგგი-ზე ტესტირებისა და მკურნალობის შეთავაზებას, მათ შორის მედიკამენტებს აივ ინფექციის თავიდან ასაცილებლად ან სამკურნალოდ.

არა | იცოდით, რომ იმ შემთხვევაში, თუ ადრე გქონდათ სქესობრივი გზით გადამდები დაავადება, იმის რისკი, რომ ახლაც ინფიცირებული ხართ ან მომავალში დაინფიცირდებით ბევრად მაღალია (თუ თქვენ იგივე სქესობრივ აქტივობებში ჩაერთვებით, რამაც განაპირობა წარსულში თქვენი ინფიცირება).

არ ვიცი | თუ არ იცით, არაუშავს! ეს ინფექციები ყოველთვის არ იწვევენ სიმპტომებს ან შეიძლება გამოიწვიონ მხოლოდ მსუბუქი სიმპტომები. ასე რომ, შესაძლებელია გქონდეთ (ან გქონდათ) ინფექცია და არ იცოდეთ ამის შესახებ. ამიტომაც არის, რომ თუ სექსუალურად აქტიური ხართ მნიშნელოვანია ტესტირება ან შესაბამისი პროფილის ექიმთან საუბარი ტესტირებისა და პრევენციული მეთოდების შესახებ. სგგდ-ს დიაგნოსტირების შემთხვევაში იცოდეთ, რომ ყველა სქესობრივი გზით გადამდები დაავადება მართვადია მედიკამენტებით, ზოგი კი სრულად განკურნებადია. ან იქნებ არასოდეს გქონიათ სგგდ?! ნებისმიერ შემთხვევაში, გააგრძელეთ თქვენთვის ეფექტური პრევენციის მეთოდების არჩევა!

რომელიმე თქვენს სქესობრივ პარტნიორს, ხომ არ ჰქონია სქესობრივი გზით გადამდები ინფექცია?^*

დიახ | მნიშვნელოვანია იცოდეთ, აქვს თუ არა თქვენს პარტნიორს სქესობრივი გზით გადამდები ინფექცია. თუ შესაძლებელია, ესაუბრეთ თქვენს პარტნიორს სქესობრივი გზით გადამდებ ინფექციებზე/დაავადებებზე. თუ თქვენი პარტნიორი ამჟამად მკურნალობს სგგდ-ზე, შესაძლოა თქვენც დაგჭირდეთ მკურნალობა და უნდა მოერიდოთ სქესობრივ კონტაქტს, სანამ ორივე მკურნალობას არ დაასრულებთ. თქვენს პარტნიორთან საუბრის შემდეგ, გაიარეთ კონსულტაცია შესაბამისი პროფილის ექიმთან და ესაუბრეთ მას თქვენი სექსუალური ჯანმრთელობისა და სქესობრივი გზით გადამდები დაავადებების შესახებ, რათა მიიღოთ საუკეთესო რჩევა თქვენი ამჟამინდელი სიტუაციიდან გამომდინარე. ეს შეიძლება მოიცავდეს სგგი-ზე ტესტირებისა და მკურნალობის შეთავაზებას. მომავალში განაგრძეთ სქესობრივი გზით გადამდებ დაავადებებზე ტესტის შედეგების გაზიარება თქვენს პარტნიორთან!

არა | მნიშვნელოვანია იცოდეთ, აქვს თუ არა თქვენს პარტნიორს სქესობრივი გზით გადამდები ინფექცია. თუ შესაძლებელია, ესაუბრეთ თქვენს პარტნიორს სქესობრივი გზით გადამდებ დაავადებებზე. გაზიარებულ ინფორმაციაზე დაყრდნობით თქვენ გადაწყვეტთ რომელი პრევენციული მეთოდია თქვენთვის მისაღები. მაგალითად, თუ გაიგებთ, რომ თქვენი პარტნიორი ამჟამად მკურნალობს სგგდ-ზე, შესაძლოა თქვენც დაგჭირდეთ მკურნალობა და უნდა მოერიდოთ სქესობრივ კონტაქტს, სანამ ორივე მკურნალობას არ დაასრულებთ. პარტნიორთან საუბარი კარგი პირველი ნაბიჯია. შემდეგი ნაბიჯების გადადგმაში კი თქვენი ექიმი დაგეხმარებათ, რაც შეიძლება მოიცავდეს სგგდ-ზე ტესტირებისა და მკურნალობის შეთავაზებას, მათ შორის მედიკამენტების შეთავაზებას აივ ინფექციის თავიდან ასაცილებლად ან სამკურნალოდ.

არ ვიცი | ისევე, როგორც შესაძლებელია არ იცოდეთ იმის შესახებ ადრე გქონდათ თუ არა სგგი, ასევე შესაძლებელია არ იცოდეთ აქვს თუ არა თქვენს პარტნიორს იგი. არაუშავს! იმის ცოდნა, აქვს თუ არა თქვენს პარტნიორს სქესობრივი გზით გადამდები ინფექცია, მნიშვნელოვანი ინფორმაციაა, როცა არჩევანს აკეთებთ თქვენი სექსუალური ჯანმრთელობის შესახებ! მაგალითად, თუ გაიგებთ, რომ თქვენი პარტნიორი ამჟამად მკურნალობს სგგდ-ზე, შესაძლოა თქვენც დაგჭირდეთ მკურნალობა და უნდა მოერიდოთ სქესობრივ კონტაქტს, სანამ ორივე მკურნალობას არ დაასრულებთ. პარტნიორთან საუბარი კარგი პირველი ნაბიჯია. შემდეგი ნაბიჯების გადადგმაში კი თქვენი ექიმი დაგეხმარებათ, რაც შეიძლება მოიცავდეს სგგდ-ზე ტესტირებისა და მკურნალობის შეთავაზებას, მათ შორის მედიკამენტების შეთავაზებას აივ ინფექციის თავიდან ასაცილებლად ან სამკურნალოდ.

გქონიათ თუ არა სქესობრივი კონტაქტი საჭიროებების გამო (ფული, საცხოვრებელი, ნარკოტიკები და ა.შ.) ბოლო 12 თვის განმავლობაში?^*

დიახ | ადამიანები, რომლებიც ცვლიან სქესობრივ კავშირს სხვადასხვა საჭიროებებზე, იმყოფებიან აივ-ით და სხვა სქესობრივი გზით გადამდები ინფექციით ინფიცირების ან ინფექციის გადაცემის უფრო მაღალი რისკის ქვეშ, რადგან მათ, შესაძლოა, უფრო ხშირად ჰქონდეთ დაუცველი სქესობრივი კონტაქტი (კონდომის გარეშე), უფრო ხშირად ჰყავდეთ მრავალი სქესობრივი პარტნიორი და იყენებდნენ ნარკოტიკულ საშუალებებს. თუ თქვენ გაქვთ/გქონდათ სქესობრივი კონტაქტი საჭიროებების გამო, მნიშვნელოვანია რეგულარულად გაიაროთ ტესტირება აივ-ზე და სხვა სქესობრივი გზით გადამდებ ინფექციებზე. ეს ინფორმაცია დაგეხმარებათ აირჩიოთ თქვენთვის ეფექტური პროფილაქტიკური ნაბიჯები, მათ შორის კონდომი და მედიკამენტები აივ ინფექციის თავიდან ასაცილებლად ან სამკურნალოდ.

არა | სქესობრივი კავშირის გაცვლა სხვადასხვა საჭიროებებზე, ზრდის აივ-ით და სხვა სქესობრივი გზით გადამდები ინფექციით ინფიცირების ან ინფექციის გადაცემის რისკს, იმის გამო, რომ ასეთ შემთხვევებში ხშირია დაუცველი სქესობრივი კონტაქტი (კონდომის გარეშე), მრავალი სქესობრივი პარტნიორის ყოლა და ნარკოტიკული საშუალებების მოხმარება. თუ თქვენ გაქვთ/გქონდათ სქესობრივი კონტაქტი საჭიროებების გამო, მნიშვნელოვანია რეგულარულად გაიაროთ ტესტირება აივ-ზე და სხვა სქესობრივი გზით გადამდებ ინფექციებზე. ეს ინფორმაცია დაგეხმარებათ აირჩიოთ თქვენთვის ეფექტური პროფილაქტიკური ნაბიჯები, მათ შორის კონდომი და მედიკამენტები აივ ინფექციის თავიდან ასაცილებლად ან სამკურნალოდ.

შესაძლებელია თუ არა, რომ ბოლო 12 თვის განმავლობაში, რომელიმე თქვენს სქესობრივ პარტნიორს ჰქონდა სქესობრივი კონტაქტი სხვასთან, სანამ ისინი ჯერ კიდევ თქვენთან იყვნენ სექსუალურ ურთიერთობაში?^*

დიახ | გრძელვადიანი მონოგამიური ურთიერთობა პარტნიორთან, რომელსაც არ აქვს სქესობრივი გზით გადამდები ინფექცია, ინფექციის თავიდან აცილების ერთ-ერთი ყველაზე საიმედო გზაა (ორმხრივი მონოგამია ნიშნავს, რომ თქვენ თანახმა ხართ იყოთ სექსუალურად აქტიური მხოლოდ ერთ ადამიანთან, რომელიც დათანხმდა სექსუალურად აქტიური იყოს მხოლოდ თქვენთან.) ყოველ შემთხვევაში მნიშვნელოვანია, რომ ესაუბროთ თქვენს პარტნიორს სგგი-ის შესახებ. შესაძლებელია, რომ მას აქვს ინფექცია, მაგრამ არ იცის ამის შესახებ და შესაძლოა ამ შემთხვევაში თქვენც გადმოგდოთ ინფექცია - თქვენს პარტნიორს შეიძლება დასჭირდეს ტესტირება ან მკურნალობა (შესაძლოა თქვენც). ორმხრივი მონოგამიის გარდა, არსებობს სგგი-ს რისკის შემცირების ან თუნდაც თავიდან აცილების სხვა გზები. აირჩიეთ პრევენციული ნაბიჯები, რომლებიც თქვენთვის ეფექტურია, მათ შორის კონდომი. პრევენციის შესახებ დამატებითი ინფორმაციისთვის მიმართეთ შესაბამისი პროფილის ექიმს.

არა | გრძელვადიანი მონოგამიური ურთიერთობა პარტნიორთან, რომელსაც არ აქვს სქესობრივი გზით გადამდები ინფექცია, ინფექციის თავიდან აცილების ერთ-ერთი ყველაზე საიმედო გზაა (ორმხრივი მონოგამია ნიშნავს, რომ თქვენ თანახმა ხართ იყოთ სექსუალურად აქტიური მხოლოდ ერთ ადამიანთან, რომელიც დათანხმდა სექსუალურად აქტიური იყოს მხოლოდ თქვენთან). განაგრძეთ პარტნიორთან ღია საუბარი სქესობრივი გზით გადამდები დაავადებების განვითარების რისკის შესახებ და გაუზიარეთ თქვენი სგგდ ტესტის შედეგები მას. თქვენ ასევე შეგიძლიათ განიხილოთ სგგი-ს პრევენციის სხვა მეთოდები, რომლებიც შეიძლება თქვენთვის უფრო სასარგებლო იყოს!

არ ვიცი | თუ არ ხართ დარწმუნებული, ჰქონდა თუ არა თქვენს პარტნიორს სქესობრივი კონტაქტი სხვასთან, ეს შეიძლება საუკეთესო დრო იყოს მასთან სქესობრივი გზით გადამდებ დაავადებებზე საუბრის დასაწყებად. შესაძლებელია, რომ მას აქვს ინფექცია, მაგრამ არ იცის ამის შესახებ და შესაძლოა ამ შემთხვევაში თქვენც გადმოგდოთ ის - თქვენს პარტნიორს შეიძლება დასჭირდეს ტესტირება ან მკურნალობა (შესაძლოა თქვენც). გრძელვადიანი მონოგამიური ურთიერთობა პარტნიორთან, რომელსაც არ აქვს სქესობრივი გზით გადამდები ინფექცია, ინფექციის თავიდან აცილების ერთ-ერთი ყველაზე საიმედო გზაა (ორმხრივი მონოგამია ნიშნავს, რომ თქვენ თანახმა ხართ იყოთ სექსუალურად აქტიური მხოლოდ ერთ ადამიანთან, რომელიც დათანხმდა სექსუალურად აქტიური იყოს მხოლოდ თქვენთან).

გამოგიყენებიათ თუ არა თქვენ ან რომელიმე თქვენს პარტნიორს უკანონო ნარკოტიკები?^*

დიახ | ნარკოტიკების მოხმარების დროს სქესობრივი კონტაქტი ზრდის სარისკო სექსუალური ქცევების რისკს (მაგ. დაუცველი სქესობრივი კონტაქტი), რაც თავის მხრივ ზრდის სქესობრივი გზით გადამდები ინფექციებით, მათ შორის აივ-ით ინფიცირების რისკს. გარდა ამისა, ნემსების, შპრიცების ან ნარკოტიკების საინექციო სხვა აღჭურვილობის გაზიარებამ შეიძლება ასევე დაგაყენოთ ინფიცირების რისკის ქვეშ ისეთი ინფექციებით, როგორიცაა აივ და ვირუსული ჰეპატიტი. კონდომისა და სხვა ბარიერული საშუალებების სწორად გამოყენება ყოველ ჯერზე სქესობრივი კონტაქტის დროს ამცირებს ინფიცირების რისკს.

არა | ნარკოტიკების მოხმარების დროს სქესობრივი კონტაქტი ზრდის სარისკო სექსუალური ქცევების რისკს (მაგ. დაუცველი სქესობრივი კონტაქტი), რაც თავის მხრივ ზრდის სქესობრივი გზით გადამდები ინფექციებით, მათ შორის აივ-ით ინფიცირების რისკს. გარდა ამისა, ნემსების, შპრიცების ან ნარკოტიკების საინექციო სხვა აღჭურვილობის გაზიარებამ შეიძლება ასევე დაგაყენოთ ინფიცირების რისკის ქვეშ ისეთი ინფექციებით, როგორიცაა აივ და ვირუსული ჰეპატიტი. კონდომისა და სხვა ბარიერული საშუალებების სწორად გამოყენება ყოველ ჯერზე სქესობრივი კონტაქტის დროს ამცირებს ინფიცირების რისკს.

არ ვიცი | ნარკოტიკების მოხმარების დროს სქესობრივი კონტაქტი ზრდის სარისკო სექსუალური ქცევების რისკს (მაგ. დაუცველი სქესობრივი კონტაქტი), რაც თავის მხრივ ზრდის სქესობრივი გზით გადამდები ინფექციებით, მათ შორის აივ-ით ინფიცირების რისკს. გარდა ამისა, ნემსების, შპრიცების ან ნარკოტიკების საინექციო სხვა აღჭურვილობის გაზიარებამ შეიძლება ასევე დაგაყენოთ ინფიცირების რისკის ქვეშ ისეთი ინფექციებით, როგორიცაა აივ და ვირუსული ჰეპატიტი. კონდომისა და სხვა ბარიერული საშუალებების სწორად გამოყენება ყოველ ჯერზე სქესობრივი კონტაქტის დროს ამცირებს ინფიცირების რისკს.

By WordPress Survey plugin