ხარისხის მართვა

ხარისხის გარე კონტროლი

ლაბორატორია „სინევო“ უდიდეს მნიშვნელობას ანიჭებს ჩატარებული კვლევების ხარისხს. ამისთვის აქტიურად გამოიყენება ხარისხის შიდა და გარე კონტროლი. ხარისხის გარე კონტროლი რეგულარულად ხორციელდება გერმანიის საცნობარო ლაბორატორიის DGKL მიერ.

DGKL ლაბორატორიის მიერ გაცემული სერტიფიკატები ადასტურებს ლაბორატორია “სინევოს” მიერ წარმოებული კვლევების ხარისხიანობას და სანდოობას.

გარე ხარისხის შეფასების კონტროლი RFB 2024

პრეანალიტიკა

საკვლევი მასალის შესაგროვებლად გამოიყენება ევროპული წარმოების ერთჯერადი ვაკუუმ-სინჯარები – ვაკუტაინერები

თითოეული პაციენტისგან მიღებულ ნიმუშს უმაგრდება შტრიხკოდი, რომელიც მასალის იდენტიფიცირების უნიკალურ შესაძლებლობას იძლევა და მინიმუმამდე დაყავს შეცდომის ალბათობა

“სინევოს” ცენტრალური ლაბორატორია აღჭურვილია დახურული სისტემის ანალიზატორებით, რაც ანალიზის პროცესში ადამიანის ჩართულობის საჭიროებას მინიმუმამდე ამცირებს.

ანალიზატორიდან მიღებული შედეგების ვალიდაცია ხორციელდება მაღალკვალიფიცირებული ექიმი-ლაბორანტების მიერ. სამედიცინო გუნდის პროფესიული განვითარების და კვალიფიკაციის ამაღლებისათვის რეგულარულად ტადება ტრენინგები და მასტერკლასები “სინევოს” ევროპული ლაბორატორიებიდან მოწვეული ექსპერტების მონაწილეობით.

პაციენტის მომსახურება

ლაბორატორია “სინევოს” მომსახურების სტანდარტი გულისხმობს ანალიზების სანდოობას და პაციენტის მომსახურების მაღალ ხარისხს

კომფორტული, ნაკლებად სტრესული გარემო ჩვენი პაციენტებისათვის, მანიპულაციების სიმარტივე, კვლევის შედეგის სანდოობა და დროული უკუკავშირი პაციენტებთან – “სინევოს” მოსმახურების სტანდარტის უმნიშვნელოვანესი საკითხებია!

ჩვენ ვცდილობთ გავაფართოვოთ ლაბორატორიული ქსელი და მეტად ხელმისაწვდომი გავხადოთ ჩვენი სერვისები ქვეყნის მასშტაბით

უზრუნველვყოფთ პაციენტთან უკუკავშირს სხვადასხვა ტექნოლოგიური არხების გამოყენებით (სმს, ელ-ფოსტა)
კვლევების შედეგების ონლაინ-პლატფორმა საშუალებას აძლევს პაციენტებსქონდეთ ჩვენს პორტალზე პირადი კაბინეტი, აკონტროლონ ანალიზების ისტორია დისტანციურად და დაზოგონ დრო
ცხელი ხაზის , ფეისბუქ-გვერდის და ელექტრონული ფოსტის მეშვეობით ვახორციელებთ მომხმარებლებთან მუდმივ, ორმხრივ კომუნიკაციას

თქვენი ნებისმიერი სურვილი და რეკომენდაცია შეგიძლიათ მოგვწერთ ელ-ფოსტაზე: info@synevo.ge

ლოჯისტიკა

ბიოლოგიური მასალის უსაფრთხო და ოპერატიული მიწოდებისთვის კომპანია “სინევო“ იყენებს საკუთარ ავტოპარკს, რაც პაციენტებს საშუალებას აძლევს ისარგებლონ ლაბორატორიული მომსახურებით უახლოეს ლაბორატორიულ ცენტრში, მთელი საქართველოს მასშტაბით და მიიღონ კვლევის შედეგები უმოკლეს დროში.